ज्‍यल्‍का 4:11 - कोन्छ्‌योककी सुङ

¹¹ “ओ ङ्‍यिरा चोवो कोन्‍छ्‍योक, चोवो याङ ङ्‍यिरा मोवा ताङ ताङ्‍देन कि छ्‍योवु ताङ ङार वोतुप कोन्‍छ्‍योक यिन। च्‍यिलासिसिन तेरी च्‍यालकतिवा चोवोकी राङ ज्‍ये नङ्‍गुप यिन। चोवोकी नोवा नेमा ती च्‍यालकतिवा तेरी च्‍युङ्‍नी तिवाला मिजी साङ नाङ्‍सुङ।”

ज्‍यल्‍का 4:11 Iomraidhean Croise

लोमा छ्‍येतिवी लाका 14:15

“ओ अच्‍युनुपतिवा, ख्‍यिराङ च्‍यिला ङ्‍यिराङला ल्‍हलु सिनी तेन्‍दुप यिन? ङि्‍यराङ साङ ख्‍यिराङ दोके मी यिन, ल्‍हलु मिन। यिने ख्‍यिराङला लेन ल्‍यामु ख्‍याप्‍टाक कितुप तेन्‍दोक ति फेन मोथोवु ल्‍हतिवा क्‍युर ज्‍याक्‍नी नाम ताङ ग्‍येम्‍छो ताङ ती नाङ्‍ला वोतुप तेरी च्‍यालकतिवा जो नङ्‍गुप ङोसु वोतुप कोन्‍छ्‍योककी थाकाला ग्‍युर ज्‍यितुपला यिन।

लोमा छ्‍येतिवी लाका 17:24

काङ यिन सिसिन जम्‍बुलिङ ताङ तीला वोतुप तेरी च्‍यालकतिवा ति कोन्‍छ्‍योककी ज्‍येसुङ। खो ति देवाच्‍येन ताङ जम्‍बुलिङकी कोन्‍छ्‍योक यिन्‍दुप तप्‍की मी लाक्‍पी जोवु ल्‍हङाङ नाङ्‍ला मुज्‍युवी।

रोमी 11:36

जम्‍बुलिङला वोतुप तेरी च्‍यालकतिवा खोकी राङ ज्‍ये नङ्‍गुप यिन। ती तेरी खो नेसुर राङ खोकी थोक्‍ला यिन। तुक क्‍यानी खोला राङ नरीकी नरी मोवा वुङ्‍शी। आमिन।

एफिसी 3:9

तमा तेरी च्‍यालकतिवा ज्‍ये नङ्‍गुप कोन्‍छ्‍योककी ताङ्‍बो ताङ्‍बो नेज्‍युनी छ्‍याकला वोतुप नोवाकी तेन्‍दोक ति काङ यिन सिनी तेरी मीतिवाला ख्‍याप्‍टाक कितुप कटिन ति ङला नङ्‍गुप यिन।

हिब्रू 1:10

येलुङ दुक सिनी सुङ वे, “ओ चोवो, थल्‍माला चोवोकी जम्‍बुलिङ ज्‍ये नाङ्‍सुङ। तमा चोवोकी छ्‍याककी राङ नामतिवा जो नाङ्‍सुङ।

हिब्रू 1:2

यिने तसाम पेलाकी तिङ्‍मी तुजेला खोकी खोरे सेवु नेसुर दाक्‍पी मुला ताम्‍ङे क्‍या नाङ्‍सुङ। खोकी खोरे सेवु नेसुर राङ दी जम्‍बुलिङ ज्‍ये नाङ्‍सुङ। तमा स ताङ नामला वोतुप तेरी च्‍यालकतिवा तेरुपला खोरे सेवुला राङ पेन नाङ्‍सुङ।

ज्‍यल्‍का 1:6

तमा दाक्‍पुला खोकी ग्‍येल्‍खापकी मीतिवा जोनी पपा कोन्‍छ्‍योककी थोक्‍ला शब्‍ज्‍यी कितुप कोङ्‍यार जो नाङ्‍सुङ। खोला राङ नरीकी नरी मोवा ताङ ओङ्‍ज्‍येन वुङ्‍शी। आमिन।

ज्‍यल्‍का 10:6

तमा नाम ताङ ती नाङ्‍ला वोतुप तेरी च्‍यालकतिवा ताङ, जम्‍बुलिङ ताङ जम्‍बुलिङला वोतुप तेरी च्‍यालकतिवा ताङ, ग्‍येम्‍छो ताङ ती नाङ्‍ला वोतुप तेरी च्‍यालकतिवा ज्‍ये नङ्‍गुप नरीकी नरी ङोसु ज्‍यु वोतुप कोन्‍छ्‍योककी मिङला दुक सिनी तीकी थाक्‍छ्‍येसुङ, “तफेन्‍ला नाम्‍साङ फिमु क्‍या मनङ्‍गिवी।

ज्‍यल्‍का 14:7

तीकी थोर ग्‍यप्‍नी “कोन्‍छ्‍योकला ज्‍यिवा किसा, खोला मोवा किसा। च्‍यिलासिसिन खोकी ठिम कितुप तुजे वा वे। देवाच्‍येन ताङ जम्‍बुलिङ ताङ ग्‍येम्‍छो ताङ छ्‍यु दोलुप दासा तेरी जो नङ्‍गुप कोन्‍छ्‍योकला मोवा की।” सिनी सिक्‍यासुङ।

ज्‍यल्‍का 19:1

ती ज्‍युक्‍ला येलुङ देवाच्‍येनला मी माङ्‍छ्‍योककी कशेन वोरु तेन्‍दुप दोके दुक सिक्‍यावु ति ङे थोसुङ। “हल्‍लेलूयाह! कोन्‍छ्‍योक दाक्‍पुला थर्वा नङ्‍गुप कोन्‍छ्‍योक यिन। खोला तिराङ मोवा ताङ ओङ्‍ज्‍येन वे।

ज्‍यल्‍का 5:12

“सेतुप लुक रुक ति ओङ छ्‍येवु ताङ छ्‍युक्‍पु वोतुप ताङ रिक्‍पा वोतुप ताङ ङार वोतुप ताङ ताङ्‍देन वोतुप ताङ मोवा वोतुप ताङ सोवा लङ छ्‍योवु वे।”

ज्‍यल्‍का 5:2

तमा ङे देवाच्‍येनकी लेन क्‍योलुप थु रम्‍बु मिरा च्‍यिक थोङ्‍सुङ। तीकी कशेन वोरु थोर ग्‍यप्‍नी “दी लज्‍युरतिवा तोल्‍नी शुकी बिटप डोल थुपुप ति सु वे?” सिनी सिक्‍यासुङ।

ज्‍यल्‍का 5:9

तिवा दुक सियी लु सम्‍बा यी लङ्‍गिनोक, “ख्‍युरुङ दी शुकी बिटप लङ्‍गुप ताङ तीकी लज्‍युरतिवा तोल छ्‍योवु वे। ख्‍युरुङ सेतुप यिन, यिन्‍सिनाङ शेप ने ङोसु लानी ख्‍योरे ठककी गोङ तेनी कोन्‍छ्‍योककी थोक्‍ला तेरी गिपा ताङ ग्‍येताम ताङ मिरिककी मीतिवा ताङ लुङ्‍बाला ङ्‍योसुङ।