ज्‍यल्‍का 4:10 - कोन्छ्‌योककी सुङ

¹⁰ ती पेला ते वोतुप गोमा कितुप मी छ्‍ये मिरा खल्‍ज्‍यिक ताङ ज्‍यीतिवा ग्‍येल्‍ठिकला ज्‍यु वोतुप तीकी दोङ्‍ला खवुतुङ्‍मा देनी नरीकी नरी ङोसु ज्‍युवु तीला सोवा देकिनोक। तमा खोप्‍रे उशाकतिवा ग्‍येल्‍ठिक चिप्‍ला पिन ज्‍याक्‍नी दुक सियी सिक्‍यासुङ,

ज्‍यल्‍का 4:10 Iomraidhean Croise

मत्ती 2:11

तिवा ती खाङ्‍बी नाङ्‍ला शुनी आङा ति आमा मरियम ताङ मुला वोतुप थोङ्‍सुङ, तमा ती आङाला शावा क्‍यासुङ। तमा खोप्‍रे लोला खुरुप तेर्गाम ख पेनी सेर ताङ टि जङ्‍बु खाप पो ताङ मुर्र ति आङाला पुल्‍सुङ।

लूका 24:52

तमा तिवा खोला सोवा देकिन छासे गा कियी सिरा यरूशलेम नेवा लोक्‍सुङ।

१ कोरिन्‍थी 15:10

यिन्‍सिनाङ ङ तन्‍दा दुकै च्‍युङ्‍गुप ति कोन्‍छ्‍योककी कटिन नेसुर राङ च्‍युङ्‍गुप यिन। खोकी ङला नङ्‍गुप कटिन ति तेर्मेला मागल। ङे याङ यम्‍बा लोमा छ्‍येतिवा सिनाङ मङ टेमु क्‍यायिन। ती ति ङे राङ क्‍यावु मिन, यिने ङे मुला वोतुप कोन्‍छ्‍योककी कटिन नेमा क्‍यावु यिन।

ज्‍यल्‍का 10:6

तमा नाम ताङ ती नाङ्‍ला वोतुप तेरी च्‍यालकतिवा ताङ, जम्‍बुलिङ ताङ जम्‍बुलिङला वोतुप तेरी च्‍यालकतिवा ताङ, ग्‍येम्‍छो ताङ ती नाङ्‍ला वोतुप तेरी च्‍यालकतिवा ज्‍ये नङ्‍गुप नरीकी नरी ङोसु ज्‍यु वोतुप कोन्‍छ्‍योककी मिङला दुक सिनी तीकी थाक्‍छ्‍येसुङ, “तफेन्‍ला नाम्‍साङ फिमु क्‍या मनङ्‍गिवी।

ज्‍यल्‍का 11:16

ती ज्‍युक्‍ला कोन्‍छ्‍योककी चिप्‍ला दाक दाक्‍पी ग्‍येल्‍ठिकला देतुप गोमा कितुप मी छ्‍ये खल ज्‍यिक ताङ ज्‍यीतिवा सला खवुतुङ्‍मा देनी दुक सिनी कोन्‍छ्‍योकला सोवा तेक्‍सुङ,

ज्‍यल्‍का 15:4

ओ चोवो कोन्‍छ्‍योक, चोवोला सी ज्‍यिवा मिकिवी रो? सी चोवोकी मिङला मोवा मिकिवी रो? च्‍यिलासिसिन चाङ्‍मा वोतुप ति चोवो तिराङ यिन। मिरिक तेरीकी मीतिवी चोवोला राङ सोवा बुल्‍गिवी। च्‍यिलासिसिन चोवोकी क्‍या नङ्‍गुप लाका टेङ्‍बुतिवा तेरीकी ठछ्‍येली थोङ्‍नी वे।”

ज्‍यल्‍का 15:7

ती सेन्‍बु वोतुप सेम्‍ज्‍येन ज्‍यीकी नाङ्‍ला च्‍यिककी सेरकी कोरा दिन ति देवाच्‍येनकी लेन क्‍योलुप थु दिनतिवाला तेसुङ। ती सेरकी कोरा नाङ्‍ला नरीकी नरी ङोसु ज्‍युवु कोन्‍छ्‍योककी ङ्‍यिर्मुकी क्‍येङ्‍गुप नोक।

ज्‍यल्‍का 19:4

तमा गोमा कितुप मी छ्‍ये मिरा खल ज्‍यिक ताङ ज्‍यीतिवा ताङ सेन्‍बु वोतुप सेम्‍ज्‍येन ज्‍यीतिवा खवुतुङ्‍मा देनी ग्‍येल्‍ठिकला ज्‍यु वोतुप कोन्‍छ्‍योकला “आमिन, हल्‍लेलूयाह!” सिनी सिक्‍यासुङ।

ज्‍यल्‍का 4:2

तमा कोन्‍छ्‍योककी थु चाङ्‍माकी ङला क्‍येङ्‍नी ङे देवाच्‍येनला ग्‍येल्‍ठिक यी वोतुप थोङ्‍सुङ। ती ग्‍येल्‍ठिककी खला मिरा च्‍यिक ज्‍युनोक।

ज्‍यल्‍का 4:4

तमा ती ग्‍येल्‍ठिककी गारी गुरीला यम्‍बा ग्‍येल्‍ठिक खल्‍ज्‍यिक ताङ ज्‍यी चोके नोक। ती ग्‍येल्‍ठिक रे रेकी खला गोला ग्‍येल्‍वी सेरकी उशाक ताङ जुला मज्‍या कर्मु कोन्‍दुप गोमा कितुप मी छ्‍येतिवा देनी नोक।

ज्‍यल्‍का 4:9

ते वोतुप सेम्‍ज्‍येन ज्‍यिकरतिवी ग्‍येल्‍ठिकला ज्‍यु वोतुप ताङ नरी ङोसु ज्‍युवु तीला मोवा ताङ ताङ्‍देन ताङ थुचिछे पुल पुल्‍वा देकिनोक।

ज्‍यल्‍का 5:14

ती ज्‍युक्‍ला ग्‍येल्‍ठिककी गारी गुरीला वोतुप सेम्‍ज्‍येन ज्‍यिकरकी “आमिन” सिक्‍यासुङ। तमा गोमा कितुप मी छ्‍येतिवा ति पुमुङ सला चुनी सोवा तेक्‍सुङ।

ज्‍यल्‍का 5:8

ती बिटप ति लासिमा सेन्‍बु वोतुप सेम्‍ज्‍येन ज्‍यी ताङ गोमा कितुप मी छ्‍ये खल्‍ज्‍यिक ताङ ज्‍यीतिवा लुक रुककी चिप्‍ला वानी खवुतुङ्‍मा देसुङ। तिवा तेरीकी लकला डम्‍ङ्‍याङ ताङ पो क्‍येङ्‍गुप सेरकी पोकेतिवा खुर्नी नोक। ती पो ति कोन्‍छ्‍योकला तेपा कितुपतिवी क्‍यावु मोपोर यिनोक।

ज्‍यल्‍का 7:11

तमा देवाच्‍येनकी लेन क्‍योलुपतिवा तेरी ग्‍येल्‍ठिक ताङ गोमा कितुप मी छ्‍येतिवा ताङ सेन्‍बु वोतुप सेम्‍ज्‍येन ज्‍यीतिवी गारी गुरीला लासुङ। तमा ग्‍येल्‍ठिककी चिप्‍ला खवुतुङ्‍मा देनी दुक सिनी कोन्‍छ्‍योकला सोवा तेक्‍सुङ,