ज्‍यल्‍का 3:4 - कोन्छ्‌योककी सुङ

⁴ यिने सार्डिसला वोतुप ख्‍यिरा पर्ला तेपा कितुपतिवा ललाइ ललाइ ति मज्‍याला टेमा माछ्‍यावु दोके खोप्‍राङ मिजी ति मेटेङ्‍बु माजो वे। तिवा ङे मुला राङ मज्‍या कर्मु कोन्‍नी युकिवी, च्‍यिलासिसिन तिवा तुक कि छ्‍योवु वे।

ज्‍यल्‍का 3:4 Iomraidhean Croise

मत्ती 10:11

ख्‍यिराङ चुका ग्‍येसा याङ्‍ना युलला डिवे, ते ख्‍यिराङला ल्‍यामु क्‍यानी गासो शोप मी छोल। तमा तेसुर मागल्‍वा सेक ती मी तीकी खाङ्‍बाला दे।

मर्कूस 16:5

तिवा ती टककी फुककी नाङ्‍ला शुनी ल्‍हासालेन्‍सिन ते मज्‍या कर्मु कोन्‍दुप मी नाज्‍युङ यी ति यावी थाकाला देन वोतुप थोङ्‍नी तिवा छासे ज्‍यिवा क्‍यासुङ।

लूका 20:35

यिने ती ज्‍युककी कल्‍वा ताङ शेप ने सेन्‍बु लङ्‍गुपला छ्‍योवु वोतुपतिवा याङ जेन्‍दी मिकिवी,

लूका 21:36

तुक क्‍यानी ख्‍यिराङ च्‍याङ्‍से देता, त च्‍युङ्‍गुप दी तेरी ताम्‍ङेतिवा नेसुर र्‍होक्‍नी मी पुज्‍युङकी चिप्ला लङ थुप्‍शी सिनी नरी मोपोर किसा।”

लोमा छ्‍येतिवी लाका 1:15

ती पेला ते तेपा कितुपतिवा मी मिरा सयी च्‍यिक ताङ खल ज्‍यिक चोयी जोम्‍नोक। तमा पत्रुसकी तिवी पर्ला टङी लानी सिक्‍यासुङ,

२ थेसलोनिकी 1:5

कोन्‍छ्‍योककी ख्‍ये मापेवा क्‍यानी च्‍यिक्‍पा राङ ठिम क्‍या नङ्‍गिवी सिरुप पङ्‍बु छ्‍या देन्‍दुपला ख्‍यिरा तुका छेटाङ ताङ दुक्‍पा खुरुप यिन। ख्‍यिरा तुक क्‍यानी छेटाङ ताङ दुक्‍पा खुर्सिन कोन्‍छ्‍योककी ग्‍येल्‍खापला शुक छ्‍योकिवी। दी ताम्‍ङे ति ख्‍यिरा हाक्‍कोवा की।

यहूदा 1:23

ललाइ ति मे बरुप ङ्‍येलाला ख्‍येल्‍गिवी, तिवाला ति ती नेसुर र्‍होक। तमा यम्‍बाला ति ज्‍यिवा क्‍यानी च्‍यम्‍बा की। यिने च्‍याङ्‍से देता, तिवी दिक्‍पा क्‍यावु दोके काङ साङ लुमु मासेनी ती नेसुर क्‍येङ्‍सु दे।

ज्‍यल्‍का 1:11

“ख्‍योरो काङ थोङ्‍गुप ति थेप च्‍यिककी नाङ्‍ला टिनी एफिसस ताङ स्‍मुर्ना ताङ पर्गामम ताङ थिआटीरा ताङ सार्डिस ताङ फिलाडेल्‍फिया ताङ लाउडिकिया चर्च दिन्‍करला तोङ।”

ज्‍यल्‍का 11:13

ती पेला राङ सयी ग्‍यिर्पो यी ग्‍यप्‍सुङ, तमा ग्‍येसा छो च्‍यिथम्बाला छो च्‍यिक ति तला ग्‍यप्‍नी मी तोङ्‍डा दिन शिसुङ। तमा यम्‍बा सेन्‍बु लुवु मीतिवा छासे ज्‍यिवा क्‍यानी देवाच्‍येनकी कोन्‍छ्‍योकला मोवा क्‍यासुङ।

ज्‍यल्‍का 14:4

ती मीतिवा नाम्‍साङ पुम्‍पेजी मुला शम्‍डेन कितुप लाका माक्‍यानी चाङ्‍मा देतुपतिवा यिनोक। तिवा लुक रुक कनी डिवे, तीकी तिङ्‍ला तिङ्‍योकुपतिवा यिनोक। तिवा ति मीतिवी नाङ ने थर्वा ङ्‍येनी कोन्‍छ्‍योक ताङ लुक रुककी थोक्‍ला थल्‍माकी डेलु दोके च्‍युङ्‍गुप मीतिवा यिनोक।

ज्‍यल्‍का 19:14

तमा चेङ्‍गा वोतुप ताङ छासे कर्मु वोतुप मज्‍या कोन्‍दुप देवाच्‍येनकी मक्‍मीतिवा त कर्मु शेन्‍नी खोकी तिङ्‍ला तिङ्‍यासुङ।

ज्‍यल्‍का 19:8

खोकी नमाकी वो ग्‍यकुप ताङ चेङ्‍गा वोतुप गोङ नावु नेङेनकी मज्‍या कोन्‍नी वे। ती मज्‍याकी तेन्‍दोक ति खोला तेपा कितुपतिवी क्‍यावु लाका ल्‍यामु यिन।” सिनी सिक्‍यासुङ।

ज्‍यल्‍का 3:18

तुक क्‍यानी ङ ख्‍युरुङला टोङ्‍गु तेरिन, ख्‍युरुङ छ्‍युक्‍पु डोप गा वोसिन, ङे नेसुर मेला र्‍हेनी ङोमा जोवु सेर ङ्‍यो। तमा ङोछा लङ्‍गुप ताङ पेर्तुङ्‍बा वोतुप जु उपुपला मज्‍या कर्मु ङ्‍योनी कोन। ख्‍योरो मिक थोङ थुपुपला मिकला मेन ङ्‍योनी कु।

ज्‍यल्‍का 3:5

सी शैतानकी ओङ्‍ज्‍येन खला ग्‍येल्‍गिवे, तीकी मज्‍या कर्मु कोन्‍गिवी। तमा ङ तीकी मिङ ति नाम्‍साङ मिशिवु मिजीकी थेप नेसुर नाम्‍साङ मेसेतो। तमा तीला ङ ङे पपा कोन्‍छ्‍योक ताङ खोकी लेन क्‍योलुपतिवी चिप्‍ला ङे मी यिन सिनी सिरिनो।

ज्‍यल्‍का 4:4

तमा ती ग्‍येल्‍ठिककी गारी गुरीला यम्‍बा ग्‍येल्‍ठिक खल्‍ज्‍यिक ताङ ज्‍यी चोके नोक। ती ग्‍येल्‍ठिक रे रेकी खला गोला ग्‍येल्‍वी सेरकी उशाक ताङ जुला मज्‍या कर्मु कोन्‍दुप गोमा कितुप मी छ्‍येतिवा देनी नोक।

ज्‍यल्‍का 6:11

तमा ती ज्‍युक्‍ला तिवा तेरीला मज्‍या कर्मु रे रे बिन्‍नी दुक सिक्‍यासुङ, “ख्‍यिरा मुला शब्‍ज्‍यी कितुप मीतिवा ताङ तेपा कितुप अच्‍युनुपतिवा साङ ख्यिराङला सेतुप दोके तेरी शिनी टङ्‍गा माछेवा सेक ङासोनी देता।”

ज्‍यल्‍का 7:9

ती ज्‍युक्‍ला ङे ल्‍हासालेन्‍सिन ङोनी साङ ङो मुथुपुप मी माङ्‍छ्‍योक जोम्‍नी नोक। तिवा ति तेरी लुङ्‍बा ताङ गिपा ताङ मिरिक ताङ ग्‍येताम कुतुक कुतुक लपुप मी माङ्‍छ्‍योक यिनोक। तमा तिवा ग्‍येल्‍ठिक ताङ लुक रुककी दोङ्‍ला मज्‍या कर्मु कोन्‍नी लकला खजूरकी येल्‍का खुर्नी लानी देन्‍नोक।