ज्‍यल्‍का 3:3 - कोन्छ्‌योककी सुङ

³ ती तप्‍की गोमाला ख्‍योरो लापुप ताङ थोवु ताम्‍ङे ति नासाम तोङ। तमा तीला ङ्‍येन्‍नी दिक्‍पा ने ग्‍युर। ख्‍युरुङ मालासिन ङ ख्‍यिरा हाक्‍माकोवा क्‍यानी शार्क्येक वुङ्‍यिनो। ङ चो पेला गिवी सिरुप तुजे ति ख्‍यिरा हाक्‍मोकोतो।

ज्‍यल्‍का 3:3 Iomraidhean Croise

मत्ती 25:13

तुक क्‍यानी ख्‍यिराङ च्‍याङ्‍से देता, च्‍यिलासिसिन ती ङ्‍यिमा ताङ ती तुजे ति ख्‍यिराङला छ्‍या मे।”

मर्कूस 13:33

चेर्मु क्‍यानी च्‍याङ्‍से देता। च्‍यिलासिसिन ती तुजे ति नम गिवी सिनी ख्‍यिराङला छ्‍या मे।

मर्कूस 13:36

तमा ज्‍यिन्‍दाक शार्क्येक वानी ख्‍यिराङ ङ्‍यिलोक्‍नी वोतुप मेठेशी।

१ थेसलोनिकी 5:2

च्‍यिलासिसिन चोवो येशू फेपुप तुजे याङ नुपला कुर्मेन वावु दोके हाक्‍माकोवा क्‍यानी गिवी सिरुप ति ख्‍यिराङला राङ छ्‍या वे।

१ तिमोथी 6:20

आङ तिमोथी, कोन्‍छ्‍योककी ख्‍युरुङला काङ लाका चेक तेन नङ वे, ती ति ल्‍यामो क्‍यानी र्‍होक्‍नी ज्‍योक। तेन्‍दोक मेतुप ताम्‍ङेतिवा क्‍युर्नी ज्‍योक। तिवी रिक्‍पा वोतुप यिन सिवी, यिने ती वुतुङ्‍की रिक्‍पा मेतुप मीतिवी ताम्‍ङे नेसुर कुतुक दे।

२ तिमोथी 1:13

येशू ख्रीष्‍ट नेसुर वुङ्‍गुप तेपा ताङ ङ्‍यिङ्‍ज्‍ये नेसुर ङे ख्‍युरुङला बिन्‍दुप येन्‍देन टेङ्‍बुला सिक्‍यावु दोके लुमु से।

हिब्रू 2:1

तुक क्‍यानी दाक्‍पी थोवु कोन्‍छ्‍योककी सुङ टेङ्‍बुला मङ छासे ङ्‍यम्‍ले कि गोकिवी। मिसियाङ दाक्‍पु ति खोकी सुङ्‍गुप सुङला क्‍युर ज्‍याक्‍नी लाम मेटेङ्‍बुला डो थुप्‍किवी।

२ पत्रुस 1:13

ङ दी जम्‍बुलिङला लुता सेक ख्‍यिराङला दी ताम्‍ङे ति टेन ज्‍यितुप ताङ च्‍याङ्‍से दे ज्‍यितुप ति टेके लाका यिन सिरुप ति ङला नोवा वे।

२ पत्रुस 3:1

ङे ङ्‍यिङ्‍ज्‍येवु अच्‍युनुपतिवा, दी ति ङे ख्‍यिराङला टिवु यिकी ङ्‍यिवा यिनो। दी यिकी ङ्‍यिकरकी नाङ्‍ला माङ्‍शोक ताम्‍ङेतिवा ति ख्‍यिरा सेमला नासाम टेङ्‍बु तोङ ज्‍यितुप सिनी टोङ्‍गु तेरुपला टि वे।

२ पत्रुस 3:10

यिने चोवोकी तुजे ति कुर्मेन वावु दोके हाक्‍माकोवा क्‍यानी गिवी। ती पेला नाम ति वोरु गिर्पो यी तेन्‍नी ना डिवी, तमा ङ्‍यिमा उला ताङ कर्मातिवा मे रापकी तेरी शिनी डिवी। जम्‍बुलिङ ताङ जम्‍बुलिङला वोतुप तेरी शिनी डिवी।

ज्‍यल्‍का 16:15

“दी ताम्‍ङे ति ल्‍यामो ङ्‍येना। ङ कुर्मेन वावु दोके हाक्‍माकोवा क्‍यानी वुङ्‍गिनो। सु च्‍याङ्‍से क्‍यानी खोप्‍रे मज्‍या कोन्‍नी टडिक क्‍या देकिवे, ती ति मोलाम थोपुप यिनो। तुक क्‍यासिन तिवा मी मिङ्‍गाला पेर्तुङ्‍बा साङ मुलुवी, ङोछाला साङ मेख्‍येल्‍वी।”

ज्‍यल्‍का 2:25

यिने ङ वुङ्‍दा सेक ख्‍यिराङला वोतुप येन्‍देनला ल्‍यामु क्‍यानी देता।

ज्‍यल्‍का 2:5

तुक क्‍यानी ख्‍योरो ङला चुक क्‍यानी ङ्‍यिङ्‍ज्‍ये कितुप क्‍युर्नी ज्‍यकुप ती ति नासाम तोङ। तमा ङ दिक्‍छेन यिन सिनी दिक्‍पा ने ग्‍युर्नी ख्‍योरो गोमाला क्‍यावु दोके ङ्‍यिङ्‍ज्‍ये की। मिसियाङ ङ ख्‍यिरा ते वासिमा ख्‍यिरा पर्ला वोतुप मेलाङ ति दासा यम्‍बाला पोतिनो। तीकी तेन्‍दोक ति चर्च मेता जोयिनो।

ज्‍यल्‍का 22:7

येशूकी सुङ्‍नी वे, “ल्‍होसा, ङ ङमु राङ वुङ्‍यिनो। दी थेप नाङ्‍ला टिवु लुङ्‍तेम्‍बातिवी सुङला सिक्‍यावु दोके ङ्‍येन्‍दुपतिवाला मोलाम थोप्‍कितो।”

ज्‍यल्‍का 3:11

ल्‍होसा, ङ ङमु राङ वुङ्‍यिनो। ख्‍योरो ङला क्‍यावु तेपा ति र्‍होक्‍नी ज्‍योक। तमा ख्‍युरुङला ङे तेरिन सिक्‍यावु छ्‍यक्‍तक ति सी साङ ठोक मुथुप्‍तो।

ज्‍यल्‍का 3:19

सुला ङ ङ्‍यिङ्‍ज्‍ये किवे, तीला वोरु साङ देनिन, तमा ल्‍यामु जोपला छ्‍येर्पा साङ तेरिन। तुक क्‍यानी ख्‍यिराङ मङ टेमु क्‍यानी दिक्‍पा ने ग्‍युर।

ज्‍यल्‍का 3:2

तुक क्‍यानी ख्‍यिराङ लोसा, तमा ख्‍यिरा मुला तेपा चेयी तिराङ लुनी शेप दोके गलुप तेपा ति रम्‍बु जो। च्‍यिलासिसिन ख्‍योरो क्‍यावु लाकातिवा ति ङे कोन्‍छ्‍योककी थोङ्‍दाङला तेरी माछेवे।