ज्‍यल्‍का 3:21 - कोन्छ्‌योककी सुङ

²¹ सी शैतानकी ओङ्‍ज्‍येनला ग्‍येल्‍गिवे, तीला ङ ङे ग्‍येल्‍ठिकला ङ ताङ मुला राङ देनी ग्‍येला कि ज्‍यितिनो। ङे साङ शैतानकी ओङ्‍ज्‍येनला ग्‍येल्‍नी पपा कोन्‍छ्‍योककी मुला खोकी ग्‍येल्‍ठिकला देनी वे।

ज्‍यल्‍का 3:21 Iomraidhean Croise

मत्ती 19:28

तमा येशूकी तिवाला “वुतुङ के ङ ख्‍यिराङला सिरिन, दी जम्‍बुलिङ तेरी सम्‍बा फोनी ङ मी पुज्‍युङ खोरो मोवा वोतुप ग्‍येल्‍ठिकला देनी ग्‍येला कितुप पेला ख्‍यिराङ ङे तिङ्‍ला तिङ्‍योकुपतिवा साङ ग्‍येल्‍ठिक च्‍यिङ्‍ङीला देनी इस्राएलकी मिरिक च्‍यिङ्‍ङीकी खला ठिम कितो।

मत्ती 25:21

तमा ज्‍यिन्‍दाक ति गा कियी सिरा ‘को छ्‍येसुङ, ख्‍युरुङ खोङ्‍तेर्मु ताङ लावा ल्‍यामु! ख्‍युरुङ ताम्‍ङे चेयीला खोङ्‍तेर्मु च्‍युङ्‍सुङ, तुक क्‍यानी ङ ख्‍युरुङला ताम्‍ङे बङी चेक तेतिन। ख्‍युरुङ वानी ङ ताङ मुला गा की।’ सिनी सिक्‍यासुङ।

मत्ती 28:18

तमा येशू तिवी चाला राङ फेप्‍नी तिवाला दुक सुङ्‍सुङ, “जम्‍बुलिङ ताङ देवाच्‍येनकी तेरी ओङ्‍ज्‍येन ति कोन्‍छ्‍योककी ङला नङ वे।

लूका 22:30

तुक क्‍यानी ख्‍यिराङ ङे ग्‍येल्‍खापला ङ ताङ मुला देनी साप ताङ थुङ्‍गुप ङ्‍येकितो, तमा ग्‍येल्‍ठिकला देनी इस्राएलकी मिरिक च्‍यिङ्‍ङीतिवी खला ठिम कितो।”

यूहन्‍ना 13:32

दोजो कोन्‍छ्‍योक छासे मोवा वोतुप ति मी पुज्‍युङ नेमा छ्‍या तेन्‍सुङ सिसिन कोन्‍छ्‍योककी साङ मी पुज्‍युङला मोवा वोतुप ति छ्‍या देन्‍गिवी। ती ति खोकी ङमु राङ क्‍या नङ्‍गिवी।

यूहन्‍ना 16:33

ङे दी ताम्‍ङे ख्‍यिराङला सिक्‍यावु ति ख्‍यिराङ ङे मुला लुनी ख्‍यिरा सेमला लोदिमु ङ्‍येशी सिनी यिन। जम्‍बुलिङला ख्‍यिराङला छेटाङ ख्‍येल्‍गितो, यिने ख्‍यिराङ ङाडेङ की। च्‍यिलासिसिन जम्‍बुलिङकी ओङ्‍ज्‍येन खला ङे ग्‍येल्‍निङ सिन वे।”

२ तिमोथी 2:12

दाक्‍पु खोकी थोक्‍ला छेटाङ ख्‍येल्‍सिनाङ हम क्‍यानी दे थुप्‍सिन दाक्‍पु खोकी मुला राङ ग्‍येला कितुप ङ्‍येकिवी। यिने दाक्‍पी खोला सेमला मिलिङ्‍गिवी सिसिन खोकी साङ दाक्‍पुला ङो मेशेवी सिनी सुङ्‍गिवी।

ज्‍यल्‍का 1:6

तमा दाक्‍पुला खोकी ग्‍येल्‍खापकी मीतिवा जोनी पपा कोन्‍छ्‍योककी थोक्‍ला शब्‍ज्‍यी कितुप कोङ्‍यार जो नाङ्‍सुङ। खोला राङ नरीकी नरी मोवा ताङ ओङ्‍ज्‍येन वुङ्‍शी। आमिन।

ज्‍यल्‍का 12:11

तेपा कितुप दाक्‍पी अच्‍युनुपतिवी थर्वा नङ्‍गुप लुक रुककी ठक ताङ कोन्‍छ्‍योककी कोर्ला पङ्‍बु बिन्‍दुप सुङ नेसुर तिवाला क्‍येन तेरुप शैतानकी खला ग्‍येलुप यिन। च्‍यिलासिसिन पङ्बु तेरुपला तिवा शिराङ गोसिनाङ खोप्‍रे जुकी थोक्‍ला पप माक्‍या।

ज्‍यल्‍का 17:14

तिवा लुक रुक ताङ मुला थमु ग्‍यकिवी, यिने लुक रुककी तिवी मुला थमु ग्‍यप्‍नी तिवी खला ग्‍येल्‍गिवी। च्‍यिलासिसिन खो ति चोवो खकी चोवो, ग्‍येल्‍वी खकी ग्‍येल्‍वु यिन। तमा खोकी कताङ नङ्‍गुप ताङ खोकी पेतुप खोङ्‍तेर्मु वोतुप मीतिवा खोकी मुला राङ वे।” सिनी सिक्‍यासुङ।

ज्‍यल्‍का 2:7

कोन्‍छ्‍योककी थु चाङ्‍माकी चर्चतिवाला दुक सुङ्‍नी वे, सी ल्‍यामो क्‍यानी हाक्‍कोवु नोकिवे, तीकी ल्‍यामो क्‍यानी ङ्‍येन्‍शी। सी शैतानकी ओङ्‍ज्‍येनला ग्‍येल्‍गिवे, तीला कोन्‍छ्‍योककी ग्‍येल्‍खापकी दुम्‍डोकला वोतुप मिजीकी दोङ्‍बी डेलु स ज्‍यितिन। ती दोङ्‍बी डेलु साप तीला नाम्‍साङ मिशिवु मिजी थोप्‍किवी।’”

ज्‍यल्‍का 20:4

येलुङ गेल्‍ठिकतिवा ताङ तिवी खला देतुपतिवाला ङे थोङ्‍सुङ। तिवाला ठिम कितुप ओङ बिन नोक। ते येशूकी कोर्ला पङ्‍बु बिन्‍दुप थोक्‍ला ताङ कोन्‍छ्‍योककी सुङगी थोक्‍ला सेतुपतिवी नम्‍शिङ साङ ङे थोङ्‍सुङ। तिवा ति सेम्‍ज्‍येन ताङ तीकी कुतिवाला सोवा मेदेकुप ताङ ती सेम्‍ज्‍येनकी लज्‍युर टला याङ्‍ना लाक्‍पी लोला मग्‍यपुपतिवा यिन। तिवा येलुङ सेन्‍बु लानी ख्रीष्‍ट ताङ मुला राङ लो तोङ्‍डा च्‍यिक ग्‍येला क्‍यासुङ।

ज्‍यल्‍का 5:10

तमा ख्‍योरे तिवाला खोरो मुला राङ ग्‍येला कितुप ताङ कोन्‍छ्‍योककी थोक्‍ला शब्‍ज्‍यी कितुप कोङ्‍यार जो नाङ्‍सुङ। तिवी दी जम्‍बुलिङला ग्‍येला किवी।”

ज्‍यल्‍का 6:2

तमा ङे दोङ्‍ला त कर्मु यी वोतुप थोङ्‍सुङ। ती ते खला शेन्‍दुप तीकी लकला दा च्‍यिक खुर्नी नोक। तमा ती ति गोमाला ग्‍येलुप तप्‍की तीला ग्‍येल्‍वुकी उशाक च्‍यिक कोन्‍नी बिन्‍सुङ। ती ज्‍युक्‍ला ती ति मङ ग्‍येला कियी गाल्‍सुङ।

ज्‍यल्‍का 7:17

च्‍यिलासिसिन ग्‍येल्‍ठिककी पर्ला ज्‍यु वोतुप लुक रुक ति तिवी गोठाला च्‍युङ्‍गिवी। तमा खोकी तिवाला मिजी तेरुप छ्‍यी पुङतिवाला क्‍योल्‍गिवी। तमा कोन्‍छ्‍योककी तिवी मिककी मिक्‍च्‍युर तेरी पिनी तेर्किवी।”