ज्‍यल्‍का 3:19 - कोन्छ्‌योककी सुङ

¹⁹ सुला ङ ङ्‍यिङ्‍ज्‍ये किवे, तीला वोरु साङ देनिन, तमा ल्‍यामु जोपला छ्‍येर्पा साङ तेरिन। तुक क्‍यानी ख्‍यिराङ मङ टेमु क्‍यानी दिक्‍पा ने ग्‍युर।

ज्‍यल्‍का 3:19 Iomraidhean Croise

मत्ती 25:7

ती वोर थोसिमा तिवा तेरी ङ्‍यी छेनी खोप्‍राङ लोला खुरुप दिप्‍लीतिवा नाप टुलुप छाल्‍सुङ।

यूहन्‍ना 2:17

ती थोङ्‍सिमा खोकी लोमातिवी कोन्‍छ्‍योककी सुङ नाङ्‍ला “चोवोकी ल्‍हङाङकी थोक्‍ला ङे सेम ति छासे छिकिनोक।” सिनी टि वोतुप ति नासाम शार्सुङ।

रोमी 12:11

हुर्ताक कितुपला तिङ छ्‍येनी मादे, यिने कोन्‍छ्‍योककी थु चाङ्‍माकी ओङ नेसुर वुङ्‍गुप नासाम ताङ्‍नी कोन्‍छ्‍योककी थोक्‍ला शब्‍ज्‍यी पुल।

१ कोरिन्‍थी 11:32

दाक्‍पु ति जम्‍बुलिङकी मीतिवी मुला राङ ना मोडोशी सिनी कोन्‍छ्‍योककी दाक्‍पुला ठिम क्‍या नङ्‍गिवी, तमा छेटाङ साङ तेर्किवी।

२ कोरिन्थी 6:9

ङ्‍यिराङ ति ङो मेशेवु दोके वोसिनाङ मी तेरीकी ङो शेवु च्‍युङ वे। शितु छ्‍येनी वोसिनाङ सेन्‍बु लुनी वे। छ्‍येर्पा खुर्सिनाङ माशी वे।

२ कोरिन्थी 7:11

तुक क्‍यानी ल्हो ताङ, कोन्‍छ्‍योककी थोक्‍ला पप क्‍यासिमा ख्‍यिराङला काङ च्‍युङ्‍सुङ, ती ति नासाम तोङ। ख्‍यिराङ काङ लाका क्‍यासिनाङ छासे ङ्‍यम्‍ले क्‍यानी किवी, खुरुङ क्‍येन मेतुप च्‍युङ्‍गुपला ख्‍यिराङ टेमु किवी, तमा मेटेङ्‍बुकी थोक्‍ला चो ङ्‍यिर्मु किवी, काङ कितुप चुक कितुप सिनी ज्‍यिवा किवी, ङला ठेतुपला छासे नो किवी, चुका ङाडेङ नोक, तमा ख्‍यिरा पर्ला दिक्‍पा कितुप मीला पर्च्या फोक्‍शी सिनी चो नोकिवी। ती तेरी ताम्‍ङे नेसुर ख्‍यिराङ ति दिक्‍पा मेतुप यिन सिरुप छ्‍या तेन्‍सुङ।

गलाती 4:18

तिवी सेम टेङ्‍बुला ङर्मा वोसिन ङ ख्‍यिरा पर्ला वोतुप पेला तिराङ मिन, ङ मेतुप पेला साङ नरी ङर्मा कितुप गिवी।

तीतस 2:14

ती ख्रीष्‍टकी राङ दाक्‍पुला रङगी तेरी दुक्‍टातिवा नेसुर थर ज्‍यितुपला खोरे मिजी साङ दाक्‍पी थोक्‍ला नाङ्‍सुङ। तमा लाका ल्‍यामु कितुप खक्‍छ्‍येवु मिरिक जोपला सेम टेङ्‍बु जो नाङ्‍सुङ।

याकूब 1:12

चुका मी ति खोक्‍पा ल्‍हापला ख्‍येलुप पेला छेटाङ ख्‍येल्‍सिनाङ हम क्‍यानी दे थुप्‍किवे, ती मी ति मोलाम थोपुप यिनो। च्‍यिलासिसिन तीला मिजीकी उशाक थोप्‍कितो। ती छ्‍यक्‍तक ति कोन्‍छ्‍योककी खोला ङ्‍यिङ्‍ज्‍येवु कितुपतिवाला तेरिन सिनी थाक्‍छ्‍येन नङ्‍गुप नाम्‍साङ मिशिवु मिजी यिन।

ज्‍यल्‍का 2:5

तुक क्‍यानी ख्‍योरो ङला चुक क्‍यानी ङ्‍यिङ्‍ज्‍ये कितुप क्‍युर्नी ज्‍यकुप ती ति नासाम तोङ। तमा ङ दिक्‍छेन यिन सिनी दिक्‍पा ने ग्‍युर्नी ख्‍योरो गोमाला क्‍यावु दोके ङ्‍यिङ्‍ज्‍ये की। मिसियाङ ङ ख्‍यिरा ते वासिमा ख्‍यिरा पर्ला वोतुप मेलाङ ति दासा यम्‍बाला पोतिनो। तीकी तेन्‍दोक ति चर्च मेता जोयिनो।