ज्‍यल्‍का 3:14 - कोन्छ्‌योककी सुङ

¹⁴ “लाउडिकियाला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘दी ताम्‍ङे ति आमिन वोतुप तीकी सुङ्‍गुप यिन। खो ति कोन्‍छ्‍योककी कोर्ला खोङ्‍तेर्मु क्‍यानी पङ्‍बु टेङ्‍बु तेरुप यिन। तमा खो नेसुर राङ कोन्‍छ्‍योककी तेरी जम्‍बुलिङ ज्‍ये नङ्‍गुप यिन।

ज्‍यल्‍का 3:14 Iomraidhean Croise

यूहन्‍ना 1:3

तमा ती सुङ नेसुर राङ कोन्‍छ्‍योककी तेरी जम्‍बुलिङ ज्‍ये नाङ्‍सुङ, ज्‍येवु ति च्‍यिक साङ खोकी मिसिन माजोवु यिन।

यूहन्‍ना 8:14

तमा येशूकी तिवाला सुङ्‍सुङ, “ङे ङरा कोर्ला पङ्‍बु बिन्‍सिनाङ ङे पङ्‍बु ति टेङ्‍बु वे, च्‍यिलासिसिन ङ कनी नेमा वावु ताङ कनी डिवी सिरुप ति ङला छ्‍या वे। यिने ख्‍यिराङला ङ कनी नेमा वावु ताङ कनी डिवी सिरुप ति छ्‍या मे।

२ कोरिन्थी 1:20

कोन्‍छ्‍योककी थाक्‍छ्‍येन नङ्‍गुप सुङतिवा तेरी ख्रीष्‍टकी ओङला च्‍युङ्‍गिवी। तुक क्‍यानी कोन्‍छ्‍योककी मोवाकी थोक्‍ला ख्रीष्‍ट नेमा दाक्‍पी “आमिन” सिनी सिवी।

कलस्सी 1:15

येशू ख्रीष्‍ट ति दाक्‍पी मिककी मोथोङ्‍गुप कोन्‍छ्‍योककी जुजमला वोतुप चोवो यिन। खो ति जम्‍बुलिङला वोतुप तेरी च्‍यालकतिवा सिनाङ थल्‍माला वोतुप कोन्‍छ्‍योककी सेवु यिन।

कलस्सी 1:18

चर्च ति जु यिन्‍सिन खो ति चर्चकी गो चोछ्‍येवु यिन। खो ति थल्‍मा नेज्‍यु वोतुप चोवो यिन, शेपतिवी पर नेमा तेरी सिनाङ गोमाला ङोसु लावु ति खो राङ यिन। तुक क्‍यानी तेरीकी खला खो ति चोछ्‍ये वे।

कलस्सी 2:1

वुतुङ के ङे याङ ख्‍यिराङ ताङ लाउडिकियाला वोतुप मीतिवा ताङ ङला ङो माशेवुतिवा तेरीकी थोक्‍ला छासे टेमु क्‍यानी लाका क्‍या वे सिरुप ति ख्‍यिराङला हाक्‍कोशी सिरुप ङे नोवा वे।

कलस्सी 4:16

दी यिकी ति ख्‍यिरा रानी सिन्‍सिमा लाउडिकियाला वोतुप चर्चला साङ रोक च्‍यिता। तुक राङ क्‍यानी लाउडिकियाकी चर्च नेसुर वावु यिकी साङ ख्‍यिरा रोसा।

ज्‍यल्‍का 1:11

“ख्‍योरो काङ थोङ्‍गुप ति थेप च्‍यिककी नाङ्‍ला टिनी एफिसस ताङ स्‍मुर्ना ताङ पर्गामम ताङ थिआटीरा ताङ सार्डिस ताङ फिलाडेल्‍फिया ताङ लाउडिकिया चर्च दिन्‍करला तोङ।”

ज्‍यल्‍का 1:5

तमा पङ्‍बु टेङ्‍बु वोतुप ताङ तेरी सिनाङ थल्‍माला शेप ने ङोसु लङ्‍गुप जम्‍बुलिङकी ग्‍येल्‍वी खकी ग्‍येल्‍वु येशू ख्रीष्‍ट नेसुर कटिन ताङ लोदिमु वुङ्‍शिता। येशू ख्रीष्‍टकी दाक्‍पुला ङ्‍यिङ्‍ज्‍ये क्‍या नङ्‍गुप ताङ खो ग्‍यङ्‍शिङला टुङ्‍नी खोकी ठक नेसुर दाक्‍पी दिक्‍पा ता च्‍यिसुङ।

ज्‍यल्‍का 19:11

येलुङ देवाच्‍येन सेवु ताङ देवाच्‍येनला त कर्मु यी वोतुप ति ङे थोङ्‍सुङ। ती ते खला शेन्‍दुप तीकी मिङ ति खोङ्‍तेर्मु ताङ टेङ्‍बु सिनी सिवी। खोकी मी सुला साङ ख्‍ये मापेनी ठिम क्‍या नङ्‍गिनोक। तमा डतिवी मुला मक ग्‍यकुप पेला साङ ठिम टेङ्‍बु क्‍या नङ्‍गिनोक।

ज्‍यल्‍का 2:1

येलुङ खोकी ङला दुक सिनी सुङ्‍सुङ, “एफिससला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘लाक्‍पा यावाला कर्मा दिन लानी शाप च्‍यिक राङ वोतुप सेरकी मेलाङ दिनकी पर्ला युकुप तीकी सुङ्‍गुप यिन।

ज्‍यल्‍का 21:6

येलुङ खोकी ङला सुङ्‍सुङ, “त याङ तेरी छेसुङ। ङ अल्‍फा ताङ ओमेगा यिन। तीकी तेन्‍दोक ति थल्‍मा ताङ तिङ्‍मा ङ राङ यिन। सु कोम्‍बा लङ्‍गिवे, तिवाला मिजी तेरुप छ्‍यु दोलुप दासा नेसुर थेन्‍दुप छ्‍यु ति तुक राङ थुङ ज्‍यितिनो।

ज्‍यल्‍का 22:13

ङ ति अल्‍फा ताङ ओमेगा, थल्‍मा ताङ तिङ्‍मा, जम्‍बुलिङकी गोमा नेज्‍युनी नरीकी नरी लुवु यिनो।”

ज्‍यल्‍का 22:6

ती ज्‍युक्‍ला देवाच्‍येनकी लेन क्‍योलुप थु तीकी ङला दुक सिक्‍यासुङ, “वुतुङ के ख्‍योरो थोवु सुङतिवा तेरी खोङ्‍तेर्मु ताङ टेङ्‍बु वे। लुङ्‍तेम्‍बातिवाला खोरे थु नङ्‍गुप चोवो कोन्‍छ्‍योककी खोरुङला शब्‍ज्‍यी कितुपतिवाला ङमु राङ तेन्‍तेन च्‍युङ्‍गुप ताम्‍ङेकी कोर्ला हाक्‍को ज्‍यितुपला खोरे लेन क्‍योलुप थुतिवा ताङ्‍सुङ।”

ज्‍यल्‍का 3:7

“फिलाडेल्‍फियाला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘चाङ्‍मा ताङ टेङ्‍बु वोतुप तीकी सुङ्‍गुप यिन। तीकी लोला दाऊदकी ग्‍येसाकी गो बेतुप लिमी वे। सी साङ तीकी पेतुप गो ति च्‍ये मुथुपी, याङ्‍ना सी साङ तीकी च्‍येतुप गो ति बे मुथुपी।