ज्‍यल्‍का 3:12 - कोन्छ्‌योककी सुङ

¹² सी शैतानकी ओङ्‍ज्‍येनला ग्‍येल्‍गिवे, तीला ङ ङे कोन्‍छ्‍योककी ल्‍हङाङकी थोक्‍ला कज्‍यु दोके जोयिनो। ती कज्‍यु ति नरी ते राङ लुकितो। तमा ती कज्‍युला ङे कोन्‍छ्‍योककी मिङ ताङ यरूशलेम सम्‍बाकी मिङ साङ टिकिनो। ती यरूशलेम सम्‍बा ति ङे कोन्‍छ्‍योक ज्‍युवु देवाच्‍येन नेमा वुङ्‍गितो। तमा ती कज्‍युला ङे मिङ सम्‍बा टिकिनो।

ज्‍यल्‍का 3:12 Iomraidhean Croise

मर्कूस 12:16

तिवी शिकाकी डप्‍बु च्‍यिक खुर्नी वासिमा खोकी तिवाला “दीकी लोला वोतुप रिमुङ ति सी ति यिन? ती यिकी ति सी ति यिनाङ?” सिनी टि नाङ्‍सुङ। तिवी “कैसरकी ति यिन।” सिनी सिक्‍यासुङ।

गलाती 2:9

तुक क्‍यानी ते चर्चकी खक्‍छ्‍येवु याकूब ताङ पत्रुस ताङ यूहन्‍नातिवी कोन्‍छ्‍योककी ङला कटिन नङ्‍गुप थोङ्‍नी ङ ताङ बारनाबासला मुला थिन्‍नी लाका कितुप सिनी सिक्‍यासुङ। तमा ङ्‍यिराङ ति यहूदी मिन्‍दुप मिरिक यम्‍बाकी मीतिवी पर्ला, तिवा ति च्‍येतुप लुक्‍सु क्‍यावु यहूदीतिवी पर्ला लाका कितुपला ताम्‍ङे डिक्‍सुङ।

हिब्रू 12:22

यिने ख्‍यिराङ वावु दासा ति सियोन री ताङ देवाच्‍येनकी यरूशलेमला राङ यिन। ती दासा ति ङोसु वोतुप कोन्‍छ्‍योककी ग्‍येसा यिन। ख्‍यिराङ तोङ्‍डा बङी देवाच्‍येनकी लेन क्‍योलुप थुतिवा जोम्‍नी लोदिमुकी तुछ्‍येन तेन्दुप दासाला वानी वे।

हिब्रू 13:14

च्‍यिलासिसिन दी जम्‍बुलिङला दाक्‍पी ति नरीकी थोक्‍ला देतुप ग्‍येसा मे, यिने दाक्‍पु ज्‍युक्‍ला वुङ्‍गुप ग्‍येसाकी थोक्‍ला गुनी देकिवी।

१ यूहन्‍ना 4:4

ङे आङातिवा, ख्‍यिराङ याङ कोन्‍छ्‍योककी पुज्‍युङपुमतिवा यिन। तुक क्‍यानी ख्‍यिराङ लुङ्‍तेम्‍बा मेटेङ्‍बुतिवी खला ग्‍येल वे। च्‍यिलासिसिन जम्‍बुलिङला वोतुपतिवी सिनाङ ख्‍यिरा सेमला वोतुप कोन्‍छ्‍योककी थु चाङ्‍मा ति चोछ्‍ये वे।

ज्‍यल्‍का 14:1

येलुङ ङे ल्‍हासालेन्‍सिन सियोन पम्‍दोकला ती लुक रुक ति लानी देतुप थोङ्‍सुङ। तीकी मुला मी बुङ च्‍यिक ताङ तोङ्‍डा खल ङ्‍यी ताङ ज्‍यी लानी नोक। तिवी टली लोला थर्वा नङ्‍गुप लुक रुक ताङ खोकी पपी मिङ टिनी नोक।

ज्‍यल्‍का 17:14

तिवा लुक रुक ताङ मुला थमु ग्‍यकिवी, यिने लुक रुककी तिवी मुला थमु ग्‍यप्‍नी तिवी खला ग्‍येल्‍गिवी। च्‍यिलासिसिन खो ति चोवो खकी चोवो, ग्‍येल्‍वी खकी ग्‍येल्‍वु यिन। तमा खोकी कताङ नङ्‍गुप ताङ खोकी पेतुप खोङ्‍तेर्मु वोतुप मीतिवा खोकी मुला राङ वे।” सिनी सिक्‍यासुङ।

ज्‍यल्‍का 2:11

कोन्‍छ्‍योककी थु चाङ्‍माकी चर्चतिवाला दुक सुङ्‍नी वे, सी ल्‍यामो क्‍यानी हाक्‍कोवु नोकिवे, तीकी ल्‍यामो क्‍यानी ङ्‍येन्‍शी। सी शैतानकी ओङ्‍ज्‍येनला ग्‍येल्‍गिवे, तीला थेङ्‍मा ङ्‍यिवाला शेपकी साङ ना तोङ मुथुपी।’”

ज्‍यल्‍का 2:17

कोन्‍छ्‍योककी थु चाङ्‍माकी चर्चतिवाला दुक सुङ्‍नी वे। सी ल्‍यामो क्‍यानी हाक्‍कोवु नोकिवे, तीकी ल्‍यामो क्‍यानी ङ्‍येन्‍शी। सी शैतानकी ओङ्‍ज्‍येनला ग्‍येल्‍गिवे, तीला छ्‍याकला वोतुप कोन्‍छ्‍योककी मन्‍न तेरिनो। तमा तीला ङ मिङ सम्‍बा टिवु दो कर्मु यी साङ तेरिनो। सुला ती दो ति थोप्‍किवे, तीकी तिराङ ती दोला टिवु मिङ ति हाक्‍कोकिवी।’”

ज्‍यल्‍का 2:7

कोन्‍छ्‍योककी थु चाङ्‍माकी चर्चतिवाला दुक सुङ्‍नी वे, सी ल्‍यामो क्‍यानी हाक्‍कोवु नोकिवे, तीकी ल्‍यामो क्‍यानी ङ्‍येन्‍शी। सी शैतानकी ओङ्‍ज्‍येनला ग्‍येल्‍गिवे, तीला कोन्‍छ्‍योककी ग्‍येल्‍खापकी दुम्‍डोकला वोतुप मिजीकी दोङ्‍बी डेलु स ज्‍यितिन। ती दोङ्‍बी डेलु साप तीला नाम्‍साङ मिशिवु मिजी थोप्‍किवी।’”

ज्‍यल्‍का 21:2

तमा चाङ्‍मा वोतुप यरूशलेम ग्‍येसा सम्‍बा ति देवाच्‍येन नेमा जम्‍बुलिङला पाप्‍नी तङ्‍गुप ति ङे थोङ्‍सुङ। ती ग्‍येसा ति मक्‍पा ठेतुपला नमा छ्‍यावु दोके टडिक क्‍यावु नोक।

ज्‍यल्‍का 22:4

तिवी कोन्‍छ्‍योककी शाल ति थोङ्‍गिवी। तमा खोकी मिङ ति टली लोला टिवु नोक।

ज्‍यल्‍का 3:5

सी शैतानकी ओङ्‍ज्‍येन खला ग्‍येल्‍गिवे, तीकी मज्‍या कर्मु कोन्‍गिवी। तमा ङ तीकी मिङ ति नाम्‍साङ मिशिवु मिजीकी थेप नेसुर नाम्‍साङ मेसेतो। तमा तीला ङ ङे पपा कोन्‍छ्‍योक ताङ खोकी लेन क्‍योलुपतिवी चिप्‍ला ङे मी यिन सिनी सिरिनो।