ज्‍यल्‍का 3:11 - कोन्छ्‌योककी सुङ

¹¹ ल्‍होसा, ङ ङमु राङ वुङ्‍यिनो। ख्‍योरो ङला क्‍यावु तेपा ति र्‍होक्‍नी ज्‍योक। तमा ख्‍युरुङला ङे तेरिन सिक्‍यावु छ्‍यक्‍तक ति सी साङ ठोक मुथुप्‍तो।

ज्‍यल्‍का 3:11 Iomraidhean Croise

१ कोरिन्‍थी 9:25

चिर्मु चेपला वुङ्‍गुप मीतिवा तेरी छ्‍यक्‍तक थोपुपला डेकला देनी तालिम किवी। तिवा ना डोप छ्‍यक्‍तक थोपुपला तुक किवी, यिने दाक्‍पु ति नाम्‍साङ ना मोडोवु छ्‍यक्‍तक थोपुपला डेकला देनी तालिम किवी।

फिलिप्पी 4:5

ख्‍यिराङ च्‍यङ्‍च्‍यु सेम्‍बा वोतुप ति तेरी मीतिवाला छ्‍या तेन। नासाम तोङा, चोवो ङमु राङ फेपिन वोतो।

२ तिमोथी 2:5

ती दोके चिर्मु चेप पेला साङ चिर्मु चेप मी ति तीकी ठिमला देनी चिर्मु माचेसिन तीला छ्‍यक्‍तक मोथोपिवी।

२ तिमोथी 4:8

त याङ कोन्‍छ्‍योककी चिप्‍ला ङे लाका टेङ्‍बु क्‍यावु छ्‍यक्‍तक ङ्‍ये गोवु तिराङ लुनी वे। ती ति ठिम क्‍या नङ्‍गुप टेङ्‍बु वोतुप कोन्‍छ्‍योककी राङ ङला नङ्‍गिवी। ङला तिराङ मिन, खो फेपुप तुजे सेक तेपा क्‍यानी गु देतुपतिवा तेरीला खोकी नङ्‍गिवी।

याकूब 1:12

चुका मी ति खोक्‍पा ल्‍हापला ख्‍येलुप पेला छेटाङ ख्‍येल्‍सिनाङ हम क्‍यानी दे थुप्‍किवे, ती मी ति मोलाम थोपुप यिनो। च्‍यिलासिसिन तीला मिजीकी उशाक थोप्‍कितो। ती छ्‍यक्‍तक ति कोन्‍छ्‍योककी खोला ङ्‍यिङ्‍ज्‍येवु कितुपतिवाला तेरिन सिनी थाक्‍छ्‍येन नङ्‍गुप नाम्‍साङ मिशिवु मिजी यिन।

याकूब 5:9

ती तप्‍की अच्‍युनुपतिवा, ख्‍यिराङ च्‍यिककी च्‍यिकला ङ्‍योशोक ङ्‍योशोक मासिर। मिसियाङ ख्‍यिराङ कोन्‍छ्‍योककी पर्च्याला ख्‍येल्‍गितो। ल्‍होसा, ख्‍यिराङला ठिम कितुप चोवो ति गे चाला राङ वोतो।

ज्‍यल्‍का 1:3

मीतिवाला दी थेपकी नाङ्‍ला वोतुप कोन्‍छ्‍योककी लुङ्‍तेम्‍बाकी सुङतिवा रानी तेरुप मी ताङ दी सुङतिवा ङ्‍येन्‍दुप मीतिवा ताङ ती सुङला सिक्‍यावु दोके क्‍यानी मिजी क्‍योङ्‍गुप मीतिवाला मोलाम थोपुप यिनो। च्‍यिलासिसिन दी थेप नाङ्‍ला वोतुप ताम्‍ङेकी तुजे ति ङमु राङ छेकिवी।

ज्‍यल्‍का 16:15

“दी ताम्‍ङे ति ल्‍यामो ङ्‍येना। ङ कुर्मेन वावु दोके हाक्‍माकोवा क्‍यानी वुङ्‍गिनो। सु च्‍याङ्‍से क्‍यानी खोप्‍रे मज्‍या कोन्‍नी टडिक क्‍या देकिवे, ती ति मोलाम थोपुप यिनो। तुक क्‍यासिन तिवा मी मिङ्‍गाला पेर्तुङ्‍बा साङ मुलुवी, ङोछाला साङ मेख्‍येल्‍वी।”

ज्‍यल्‍का 2:10

ख्‍युरुङला ख्‍येल वुङ्‍गुप छेटाङकी थोक्‍ला ज्‍यिवा माकी। ल्‍होसा, शैतानकी खोक्‍पा ल्‍हापला ख्‍यिरा पर्ला ललाइ ललाइला चोन्‍खाङला ख्‍येल ज्‍यितुप छल वोतो। यिन्‍सिनाङ ख्‍युरुङला ती छेटाङ ति ङ्‍यिमा च्‍यिथम्‍बा सेक तिराङ ख्‍येल्‍गितो। ख्‍युरुङ शिता सेक ङला तेपा रम्‍बु क्‍यानी दे, तमा ङ ख्‍युरुङला नाम्‍साङ मिशिवु मिजीकी छ्‍यक्‍तक तेरिनो।

ज्‍यल्‍का 2:13

ख्‍यिराङ देतुप ग्‍येसा ति शैतानकी ग्‍येला कितुप दासा यिन सिरुप ति ङला छ्‍या वे। यिन्‍सिनाङ ख्‍यिराङ ङे थोक्‍ला तेपा रम्‍बु क्‍यानी डेकला देसुङ। तमा ख्‍यिराङ देतुप शैतानकी ग्‍येसाला ङे थोक्‍ला खोङ्‍तेर्मु क्‍यानी पङ्‍बु तेरुप एन्‍टिपासला सेसिनाङ ख्‍यिरा ङला तेपा कितुप क्‍युर्नी माज्‍याक।

ज्‍यल्‍का 2:25

यिने ङ वुङ्‍दा सेक ख्‍यिराङला वोतुप येन्‍देनला ल्‍यामु क्‍यानी देता।

ज्‍यल्‍का 22:12

येशूकी दुक सुङ वे, “ल्‍होसा, ङ ङमु राङ वुङ्‍यिनो। ङ वासिमा सु सुकी लाका ल्‍यामु मेलोवा क्‍यावे, तिवाला तिवी क्‍यावु लाकाकी छ्‍यक्‍तक ति तेरिनो।

ज्‍यल्‍का 22:20

दी ताम्‍ङेकी पङ्‍बु तेरुप तीकी दुक सुङ्‍गिवी, “वुतुङ के ङ ङमु राङ वुङ्‍यिनो।” आमिन चोवो येशू फेप!

ज्‍यल्‍का 22:7

येशूकी सुङ्‍नी वे, “ल्‍होसा, ङ ङमु राङ वुङ्‍यिनो। दी थेप नाङ्‍ला टिवु लुङ्‍तेम्‍बातिवी सुङला सिक्‍यावु दोके ङ्‍येन्‍दुपतिवाला मोलाम थोप्‍कितो।”

ज्‍यल्‍का 3:3

ती तप्‍की गोमाला ख्‍योरो लापुप ताङ थोवु ताम्‍ङे ति नासाम तोङ। तमा तीला ङ्‍येन्‍नी दिक्‍पा ने ग्‍युर। ख्‍युरुङ मालासिन ङ ख्‍यिरा हाक्‍माकोवा क्‍यानी शार्क्येक वुङ्‍यिनो। ङ चो पेला गिवी सिरुप तुजे ति ख्‍यिरा हाक्‍मोकोतो।

ज्‍यल्‍का 4:10

ती पेला ते वोतुप गोमा कितुप मी छ्‍ये मिरा खल्‍ज्‍यिक ताङ ज्‍यीतिवा ग्‍येल्‍ठिकला ज्‍यु वोतुप तीकी दोङ्‍ला खवुतुङ्‍मा देनी नरीकी नरी ङोसु ज्‍युवु तीला सोवा देकिनोक। तमा खोप्‍रे उशाकतिवा ग्‍येल्‍ठिक चिप्‍ला पिन ज्‍याक्‍नी दुक सियी सिक्‍यासुङ,

ज्‍यल्‍का 4:4

तमा ती ग्‍येल्‍ठिककी गारी गुरीला यम्‍बा ग्‍येल्‍ठिक खल्‍ज्‍यिक ताङ ज्‍यी चोके नोक। ती ग्‍येल्‍ठिक रे रेकी खला गोला ग्‍येल्‍वी सेरकी उशाक ताङ जुला मज्‍या कर्मु कोन्‍दुप गोमा कितुप मी छ्‍येतिवा देनी नोक।