ज्‍यल्‍का 22:9 - कोन्छ्‌योककी सुङ

⁹ यिने तीकी ङला “ख्‍योरो ङला दुक क्‍यानी शावा कितुप मेवी। ङ साङ ख्‍युरुङ ताङ ख्‍योरो अच्‍युनुप लुङ्‍तेम्‍बातिवा ताङ दी थेपला वोतुप सुङला युकुपतिवा दोके कोन्‍छ्‍योककी लावा तिराङ यिन। तुक क्‍यानी कोन्‍छ्‍योकला तिराङ शावा की।” सिनी सिक्‍यासुङ।

ज्‍यल्‍का 22:9 Iomraidhean Croise

मत्ती 4:9

“ख्‍योरो ङला शावा क्‍यासिन ङ दी तेरी ख्‍युरुङला तेरिन।” सिनी सिक्‍यासुङ।

लूका 4:7

ख्‍योरे ङला शावा क्‍यासिन दी तेरी ख्‍युरुङला तेरिन।”

१ यूहन्‍ना 5:20

दाक्‍पुला छ्‍या वोतुप ति काङ यिन सिसिन, कोन्‍छ्‍योककी सेवु दी जम्‍बुलिङला फेप्‍नी दाक्‍पी खोला ङो शेवु रिक्‍पा नङ्‍सुङ। तुक क्‍यानी खो टेङ्‍बु यिन सिरुप ति दाक्‍पी हाक्‍कोकिवी। तमा खो ताङ मुला दाक्‍पी तम्‍जी ल्‍यामु वे, खोकी सेवु येशू ख्रीष्‍टकी मुला साङ तम्‍जी ल्‍यामु वोतुप हाक्‍कोकिवी। ती येशू ख्रीष्‍ट ति टेङ्‍बु वोतुप कोन्‍छ्‍योक यिन। खोकी दाक्‍पुला नाम्‍साङ मिशिवु मिजी नङ्‍गिवी।

ज्‍यल्‍का 1:1

दी थेप नाङ्‍ला वोतुप ताम्‍ङेतिवा ति येशू ख्रीष्‍टकी हाक्‍को च्‍यितुप ताम्‍ङे यिन। कोन्‍छ्‍योककी खोला शब्‍ज्‍यी कितुपतिवाला दी जम्‍बुलिङला ङमु राङ च्‍युङ्‍गुप ताम्‍ङेतिवी कोर्ला हाक्‍को ज्‍यितुपला खोरे सेवु येशू ख्रीष्‍टला दी ताम्‍ङे ति सुङ्‍गुप यिन। तमा येशूकी देवाच्‍येनकी लेन क्‍योलुप थु च्‍यिक यूहन्‍नाकी चाला ताङ्‍नी ती तेरी ताम्‍ङेतिवा यूहन्‍नाला ठछ्‍येली हाक्‍को च्‍यिसुङ।

ज्‍यल्‍का 1:11

“ख्‍योरो काङ थोङ्‍गुप ति थेप च्‍यिककी नाङ्‍ला टिनी एफिसस ताङ स्‍मुर्ना ताङ पर्गामम ताङ थिआटीरा ताङ सार्डिस ताङ फिलाडेल्‍फिया ताङ लाउडिकिया चर्च दिन्‍करला तोङ।”

ज्‍यल्‍का 14:7

तीकी थोर ग्‍यप्‍नी “कोन्‍छ्‍योकला ज्‍यिवा किसा, खोला मोवा किसा। च्‍यिलासिसिन खोकी ठिम कितुप तुजे वा वे। देवाच्‍येन ताङ जम्‍बुलिङ ताङ ग्‍येम्‍छो ताङ छ्‍यु दोलुप दासा तेरी जो नङ्‍गुप कोन्‍छ्‍योकला मोवा की।” सिनी सिक्‍यासुङ।

ज्‍यल्‍का 15:4

ओ चोवो कोन्‍छ्‍योक, चोवोला सी ज्‍यिवा मिकिवी रो? सी चोवोकी मिङला मोवा मिकिवी रो? च्‍यिलासिसिन चाङ्‍मा वोतुप ति चोवो तिराङ यिन। मिरिक तेरीकी मीतिवी चोवोला राङ सोवा बुल्‍गिवी। च्‍यिलासिसिन चोवोकी क्‍या नङ्‍गुप लाका टेङ्‍बुतिवा तेरीकी ठछ्‍येली थोङ्‍नी वे।”

ज्‍यल्‍का 19:10

ती पेला ती देवाच्‍येनकी लेन क्‍योलुप थु तीला शावा कितुपला ङ तीकी काङ्‍बी चिप्‍ला खवुतुङ्‍मा देतिन। यिने तीकी ङला “ख्‍योरो शावा माकी। ङ याङ येशूकी थोक्‍ला पङ्‍बु तेरुप ख्‍युरुङ ताङ ख्‍योरो अच्‍युनुपतिवा दोके कोन्‍छ्‍योककी लावा तिराङ यिन। ख्‍योरो कोन्‍छ्‍योकला तिराङ शावा की। च्‍यिलासिसिन येशूकी थोक्‍ला पङ्‍बु तेरुप मी तेरीकी कोन्‍छ्‍योककी थु चाङ्‍मा नेमा वुङ्‍गुप ओङला पङ्‍बु तेर्किवी।”

ज्‍यल्‍का 22:10

येलुङ तीकी ङला दुक साङ सिक्‍यासुङ, “दी थेप नाङ्‍ला वोतुप नम्‍दर शेतुप सुङ ति बानी माज्‍योक। च्‍यिलासिसिन त याङ तुजे वानी साङ वे।

ज्‍यल्‍का 22:18

दी थेपकी नाङ्‍ला वोतुप नम्‍दर शेतुप सुङ थोवु मीतिवा रे रेला ङ दी ताम्‍ङे ति छासे क्‍यानी सिरिन। दोजो सी दी थेपकी नाङ्‍ला टिवु ताम्‍ङेला ल्‍हक्‍पा ज्‍याक्‍सिन तीला दी कोन्‍छ्‍योककी थेप नाङ्‍ला टिवु पर्च्यातिवा ख्‍येल ज्‍यिकिवी।

ज्‍यल्‍का 22:7

येशूकी सुङ्‍नी वे, “ल्‍होसा, ङ ङमु राङ वुङ्‍यिनो। दी थेप नाङ्‍ला टिवु लुङ्‍तेम्‍बातिवी सुङला सिक्‍यावु दोके ङ्‍येन्‍दुपतिवाला मोलाम थोप्‍कितो।”

ज्‍यल्‍का 4:10

ती पेला ते वोतुप गोमा कितुप मी छ्‍ये मिरा खल्‍ज्‍यिक ताङ ज्‍यीतिवा ग्‍येल्‍ठिकला ज्‍यु वोतुप तीकी दोङ्‍ला खवुतुङ्‍मा देनी नरीकी नरी ङोसु ज्‍युवु तीला सोवा देकिनोक। तमा खोप्‍रे उशाकतिवा ग्‍येल्‍ठिक चिप्‍ला पिन ज्‍याक्‍नी दुक सियी सिक्‍यासुङ,

ज्‍यल्‍का 9:20

दुका छेटाङ नेसुर मासेनी लुवु मीतिवी खोप्‍रे लाक्‍पी क्‍यावु लाका नेसुर सेम माग्‍युर्नोक। तमा तिवी डेतिवाला तेन्‍दुप ताङ, सेर ताङ ङुल ताङ सेर्मु ताङ दो ताङ शिङगी कुला तेन्‍दुप क्‍युर्नी माज्‍याक। तिवा ति थोङ्‍गुप साङ मोथोङ्‍गुप ताङ थो साङ मुथुपुप ताङ युक साङ मुथुपुप यिन।