ज्‍यल्‍का 22:5 - कोन्छ्‌योककी सुङ

⁵ ते नाम्‍साङ नाम मोल्‍होनोक। तिवाला दिप्‍ली ताङ ङ्‍यिमी वो साङ मोगोनोक। च्‍यिलासिसिन चोवो कोन्‍छ्‍योक ति तिवी थोक्‍ला वोसिर यिनोक। ते तिवी नरीकी नरी ग्‍येला किनोक।

ज्‍यल्‍का 22:5 Iomraidhean Croise

मत्ती 19:28

तमा येशूकी तिवाला “वुतुङ के ङ ख्‍यिराङला सिरिन, दी जम्‍बुलिङ तेरी सम्‍बा फोनी ङ मी पुज्‍युङ खोरो मोवा वोतुप ग्‍येल्‍ठिकला देनी ग्‍येला कितुप पेला ख्‍यिराङ ङे तिङ्‍ला तिङ्‍योकुपतिवा साङ ग्‍येल्‍ठिक च्‍यिङ्‍ङीला देनी इस्राएलकी मिरिक च्‍यिङ्‍ङीकी खला ठिम कितो।

मत्ती 25:34

तमा ङे यावी थाकाकी मीतिवाला ‘ङे पपा नेमा मोलाम थोपुपतिवा! वानी जम्‍बुलिङ ज्‍येङ्‍गुप पे नेज्‍युनी ख्‍यिरा थोक्‍ला टडिक क्‍या ज्‍यकुप ग्‍येल्‍खापला ओङ्‍ज्‍येन की।

मत्ती 25:46

तुक क्‍यानी तिवा नाम्‍साङ मिसिन्‍दुप ङ्‍येलाला लुम्‍गिवी, तमा कोन्‍छ्‍योककी थोङ्‍दाङला टेङ्‍बु वोतुपतिवाला ति नाम्‍साङ मिशिवु मिजी थोप्‍किवी।”

रोमी 5:17

आदमकी क्‍यावु दिक्‍पाकी जोसालेन्‍सिन तेरी मीतिवा दिक्‍पाला शोर्नी शेपकी ग्‍येला किवी, यिन्‍सिनाङ कोन्‍छ्‍योककी ग्‍यक्‍चे वोतुप कटिन ताङ टेङ्‍बुकी ङ्‍येम्‍बा थोपुप मीतिवा ति येशू ख्रीष्‍ट मी च्‍यिक नेमा तिवी मिजीला ग्‍येला किवी सिरुप ति मङ तेन्‍तेन वे।

२ तिमोथी 2:12

दाक्‍पु खोकी थोक्‍ला छेटाङ ख्‍येल्‍सिनाङ हम क्‍यानी दे थुप्‍सिन दाक्‍पु खोकी मुला राङ ग्‍येला कितुप ङ्‍येकिवी। यिने दाक्‍पी खोला सेमला मिलिङ्‍गिवी सिसिन खोकी साङ दाक्‍पुला ङो मेशेवी सिनी सुङ्‍गिवी।

ज्‍यल्‍का 11:15

येलुङ देवाच्‍येनकी लेन क्‍योलुप थु दिन्‍बा तीकी खोरो ग्‍येलिङ पुसुङ। ती ज्‍युक्‍ला देवाच्‍येन नेमा थोर ग्‍यप्‍नी दुक सिरुप वोरु यी ग्‍येर्पु तेन्‍सुङ, “जम्‍बुलिङकी ग्‍येल्‍खाप ति दाक्‍पी चोवो कोन्‍छ्‍योक ताङ खोकी ख्रीष्‍टकी ग्‍येल्‍खाप च्‍युङ्‍सुङ। त खोकी नरीकी नरी ग्‍येला क्‍या नङ्‍गितो।”

ज्‍यल्‍का 18:23

ती ग्‍येसाला नाम्‍साङ दिप्‍लीकी वोसिर मेङ्‍गितो। नमा मक्‍पा ताङ नमाकी वोरु साङ नाम्‍साङ मोथोतो। तीकी तेन्‍दोक ति ती ग्‍येसाकी छोङ्‍मेनतिवा जम्‍बुलिङकी मी छ्‍येतिवा दोके कितुप ताङ ती ग्‍येसाकी मिरिक कुतुक कुतुककी मीतिवा तेरीला मो ग्‍यप्‍नी जिनोक जोवु तप्‍की यिन।

ज्‍यल्‍का 20:4

येलुङ गेल्‍ठिकतिवा ताङ तिवी खला देतुपतिवाला ङे थोङ्‍सुङ। तिवाला ठिम कितुप ओङ बिन नोक। ते येशूकी कोर्ला पङ्‍बु बिन्‍दुप थोक्‍ला ताङ कोन्‍छ्‍योककी सुङगी थोक्‍ला सेतुपतिवी नम्‍शिङ साङ ङे थोङ्‍सुङ। तिवा ति सेम्‍ज्‍येन ताङ तीकी कुतिवाला सोवा मेदेकुप ताङ ती सेम्‍ज्‍येनकी लज्‍युर टला याङ्‍ना लाक्‍पी लोला मग्‍यपुपतिवा यिन। तिवा येलुङ सेन्‍बु लानी ख्रीष्‍ट ताङ मुला राङ लो तोङ्‍डा च्‍यिक ग्‍येला क्‍यासुङ।

ज्‍यल्‍का 21:11

ती ग्‍येसा ति कोन्‍छ्‍योककी मोवाकी ठछ्‍येली गल्‍नी नोक। ती वोसिर ति ङ्‍यिमा दोके छासे वो ग्‍यकुप ताङ शेल दोके नाङ्‍ला थोङ्‍गुप छासे सल्‍वु नोक।

ज्‍यल्‍का 3:21

सी शैतानकी ओङ्‍ज्‍येनला ग्‍येल्‍गिवे, तीला ङ ङे ग्‍येल्‍ठिकला ङ ताङ मुला राङ देनी ग्‍येला कि ज्‍यितिनो। ङे साङ शैतानकी ओङ्‍ज्‍येनला ग्‍येल्‍नी पपा कोन्‍छ्‍योककी मुला खोकी ग्‍येल्‍ठिकला देनी वे।