ज्‍यल्‍का 22:3 - कोन्छ्‌योककी सुङ

³ ती ग्‍येसाला नाम्‍साङ कोन्‍छ्‍योककी मोताप मिन्‍दुक। ते कोन्‍छ्‍योक ताङ खोकी लुक रुककी ग्‍येल्‍ठिक नोक। तमा खोला शब्‍ज्‍यी कितुप मीतिवी खोला सोवा बुल्‍गिनोक।

ज्‍यल्‍का 22:3 Iomraidhean Croise

मत्ती 25:21

तमा ज्‍यिन्‍दाक ति गा कियी सिरा ‘को छ्‍येसुङ, ख्‍युरुङ खोङ्‍तेर्मु ताङ लावा ल्‍यामु! ख्‍युरुङ ताम्‍ङे चेयीला खोङ्‍तेर्मु च्‍युङ्‍सुङ, तुक क्‍यानी ङ ख्‍युरुङला ताम्‍ङे बङी चेक तेतिन। ख्‍युरुङ वानी ङ ताङ मुला गा की।’ सिनी सिक्‍यासुङ।

मत्ती 25:41

ती ज्‍युक्‍ला ङे येन्‍बी थाकाला वोतुपतिवाला दुक सिवी, ‘ख्‍यिराङ मोताप सुकुप मीतिवा! ङे चा नेमा थेन गल्‍नी शैतान ताङ तीकी डेतिवी थोक्‍ला टडिक क्‍यावु नाम्‍साङ मिशिवु मे नाङ्‍ला ग्‍युक।

यूहन्‍ना 12:26

चुका मी तीकी ङला शब्‍ज्‍यी कितुप नो किवे, ती ति ङे तिङ्‍ला तिङ्‍योक गोकिवी। तमा ङ कनी नोके, ङला शब्‍ज्‍यी कितुप ती साङ ङे मुला राङ तेराङ गिवितो। सी ङला शब्‍ज्‍यी किवे, तीला ङे पपी छ्‍ये जेवितो।”

यूहन्‍ना 13:32

दोजो कोन्‍छ्‍योक छासे मोवा वोतुप ति मी पुज्‍युङ नेमा छ्‍या तेन्‍सुङ सिसिन कोन्‍छ्‍योककी साङ मी पुज्‍युङला मोवा वोतुप ति छ्‍या देन्‍गिवी। ती ति खोकी ङमु राङ क्‍या नङ्‍गिवी।

यूहन्‍ना 14:3

ङ गल्‍नी ख्‍यिरा थोक्‍ला दासा टडिक क्‍यासिमा लोङ वानी ख्‍यिराङला ङे ते टिनी डोयिनो, तमा ङ देतुप ते ख्‍यिराङला साङ देतुप ङ्‍येकितो।

यूहन्‍ना 17:24

ओ पपा, पपी ङला नङ्‍गुपतिवा साङ ङ वोतुप ते ङे मुला राङ देतुप ङ्‍येशी। तमा जम्‍बुलिङ ज्‍येङ्‍गुप सिनाङ गोमाला के पपी ङला ङ्‍यिङ्‍ज्‍ये क्‍यानी नङ्‍गुप मोवा ति तिवी थोङ्‍शी सिरुप ङे नोवा वे।

ज्‍यल्‍का 7:10

तिवा कशेन थोर ग्‍यप्‍नी, “थर्वा ति ग्‍येल्‍ठिकला ज्‍यु वोतुप दाक्‍पी चोवो कोन्‍छ्‍योक ताङ लुक रुक नेसुर गिवी।” सिनी वोरु तेन्‍सुङ।

ज्‍यल्‍का 7:9

ती ज्‍युक्‍ला ङे ल्‍हासालेन्‍सिन ङोनी साङ ङो मुथुपुप मी माङ्‍छ्‍योक जोम्‍नी नोक। तिवा ति तेरी लुङ्‍बा ताङ गिपा ताङ मिरिक ताङ ग्‍येताम कुतुक कुतुक लपुप मी माङ्‍छ्‍योक यिनोक। तमा तिवा ग्‍येल्‍ठिक ताङ लुक रुककी दोङ्‍ला मज्‍या कर्मु कोन्‍नी लकला खजूरकी येल्‍का खुर्नी लानी देन्‍नोक।