ज्यल्का 22:16 - कोन्छ्योककी सुङ16 “ङ येशू यिन, ङे राङ दी ताम्ङेतिवा चर्चतिवाला पङ्बु तेरुपला ङरा लेन क्योलुप थुतिवा तिवी ते तङ्गुप यिन। ङ ग्येल्वु दाऊदकी गिपा नेसुर वावु मी यिन, टोपला शरुप वो ग्यकुप कर्ज्याङ साङ यिन।” Faic an caibideil |
ज्यल्का 22:16
30 Iomraidhean Croise
दी थेप नाङ्ला वोतुप ताम्ङेतिवा ति येशू ख्रीष्टकी हाक्को च्यितुप ताम्ङे यिन। कोन्छ्योककी खोला शब्ज्यी कितुपतिवाला दी जम्बुलिङला ङमु राङ च्युङ्गुप ताम्ङेतिवी कोर्ला हाक्को ज्यितुपला खोरे सेवु येशू ख्रीष्टला दी ताम्ङे ति सुङ्गुप यिन। तमा येशूकी देवाच्येनकी लेन क्योलुप थु च्यिक यूहन्नाकी चाला ताङ्नी ती तेरी ताम्ङेतिवा यूहन्नाला ठछ्येली हाक्को च्यिसुङ।
कोन्छ्योककी थु चाङ्माकी चर्चतिवाला दुक सुङ्नी वे। सी ल्यामो क्यानी हाक्कोवु नोकिवे, तीकी ल्यामो क्यानी ङ्येन्शी। सी शैतानकी ओङ्ज्येनला ग्येल्गिवे, तीला छ्याकला वोतुप कोन्छ्योककी मन्न तेरिनो। तमा तीला ङ मिङ सम्बा टिवु दो कर्मु यी साङ तेरिनो। सुला ती दो ति थोप्किवे, तीकी तिराङ ती दोला टिवु मिङ ति हाक्कोकिवी।’”
कोन्छ्योककी थु चाङ्माकी चर्चतिवाला दुक सुङ्नी वे, सी ल्यामो क्यानी हाक्कोवु नोकिवे, तीकी ल्यामो क्यानी ङ्येन्शी। सी शैतानकी ओङ्ज्येनला ग्येल्गिवे, तीला कोन्छ्योककी ग्येल्खापकी दुम्डोकला वोतुप मिजीकी दोङ्बी डेलु स ज्यितिन। ती दोङ्बी डेलु साप तीला नाम्साङ मिशिवु मिजी थोप्किवी।’”
ती ज्युक्ला देवाच्येनकी लेन क्योलुप थु तीकी ङला दुक सिक्यासुङ, “वुतुङ के ख्योरो थोवु सुङतिवा तेरी खोङ्तेर्मु ताङ टेङ्बु वे। लुङ्तेम्बातिवाला खोरे थु नङ्गुप चोवो कोन्छ्योककी खोरुङला शब्ज्यी कितुपतिवाला ङमु राङ तेन्तेन च्युङ्गुप ताम्ङेकी कोर्ला हाक्को ज्यितुपला खोरे लेन क्योलुप थुतिवा ताङ्सुङ।”
Sanasan