ज्‍यल्‍का 22:15 - कोन्छ्‌योककी सुङ

¹⁵ यिने ग्‍येसाकी फिला ति की दोके मेलोवा ताङ जिम्‍डुल छ्‍या देन्‍दुपतिवा ताङ शम्‍डेन कितुपतिवा ताङ शेन्‍बातिवा ताङ ल्‍हलु तेन्‍दुपतिवा ताङ जिनोक जोप ताङ जिनोकला गा कितुपतिवा तिराङ युकिवी।

ज्‍यल्‍का 22:15 Iomraidhean Croise

मत्ती 7:6

चाङ्‍मा वोतुप ति कीला मातेर, तमा ख्‍यिरा मुतीतिवा फक्‍पी दोङ्‍ला माक्‍युर। तुक क्‍यासिन तिवी तिवाला काङ्‍बी वोक्‍ला लेप्‍किवी, तमा ग्‍युर्नी ख्‍यिराङला फेकिवी।”

मत्ती 8:12

यिने ते ग्‍येल्‍खापला दे गोवु गिपातिवा ति ङ्‍येलाला क्‍युर्कितो, तमा तिवा ते ङुप्‍राङ कियी स मुर्कितो।”

यूहन्‍ना 8:46

ख्‍यिरा पर्ला सी ङला दिक्‍पा वे सिनी तेन्‍तेन कि थुप्‍किवी रो? ङे ताम्‍ङे टेङ्‍बु लाप्‍सिन ख्‍यिरा च्‍यिला ङला तेपा मिकिवी?

लोमा छ्‍येतिवी लाका 8:11

च्‍यिलासिसिन तोङ नेज्‍युनी ती सिमोन तीकी मीतिवाला जिम्‍डुल छ्‍या देन्‍दुप लाकातिवा क्‍यानी हलेवा लाङ्‍नोक। तुक क्‍यानी मीतिवा तीकी तिङ्‍ला तिङ्‍योकिनोक।

फिलिप्पी 3:2

फेतुप की दोके क्‍यानी थमु ग्‍यकुप ताङ लाका दुक्‍टा कितुप ताङ दिक्‍पा ने थरुपला जुला च्‍येतुप लुक्‍सु कि राङ गोकिवी सिरुप मीतिवा नेसुर च्‍याङ्‍से देता।

कलस्सी 3:6

ती ताम्‍ङेतिवी जोसालेन्‍सिन कोन्‍छ्‍योककी पर्च्या ति खोकी कला मेङ्‍येन्‍दुपतिवाला ख्‍येल्‍गिवी।

१ तिमोथी 1:10

शम्‍डेन कितुपतिवा ताङ ख्‍योक्‍पेजा ख्‍योक्‍पेजी मुला ङोजु मेतुप लाका कितुप ताङ मीतिवाला लुनी चोङ्‍गुपतिवा ताङ जिनोक जोपतिवा ताङ जिनोक जोनी न क्‍योलुपतिवा ताङ येन्‍देन टेङ्‍बुकी तेन्‍दोकला लङ्‍गुपतिवी थोक्‍ला यिन।

ज्‍यल्‍का 18:23

ती ग्‍येसाला नाम्‍साङ दिप्‍लीकी वोसिर मेङ्‍गितो। नमा मक्‍पा ताङ नमाकी वोरु साङ नाम्‍साङ मोथोतो। तीकी तेन्‍दोक ति ती ग्‍येसाकी छोङ्‍मेनतिवा जम्‍बुलिङकी मी छ्‍येतिवा दोके कितुप ताङ ती ग्‍येसाकी मिरिक कुतुक कुतुककी मीतिवा तेरीला मो ग्‍यप्‍नी जिनोक जोवु तप्‍की यिन।

ज्‍यल्‍का 21:27

यिने लुक रुककी मिजीकी थेपला मिङ टिवुतिवा मिसिन यम्‍बा चाङ्‍मा मेतुप ताङ क्‍युक्‍टो लङ्‍गुप ताम्‍ङे कितुप ताङ जिनोक जोपतिवा ती ग्‍येसाला नाम्‍साङ शुक मुथुप्‍नोक।

ज्‍यल्‍का 21:8

यिने च्‍ये ङ्‍यिङ दोके वोतुपतिवा ताङ तेपा मिकिवुतिवा ताङ क्‍युक्‍टो लङ्‍गुप लाका कितुपतिवा ताङ मी सेतुपतिवा ताङ शम्‍डेन कितुपतिवा ताङ मो ग्‍यकुपतिवा ताङ ल्‍हलु तेन्‍दुपतिवा ताङ जिनोक जोपतिवा तेरी मे ताङ तुसोक बरिन वोतुप ग्‍येम्‍छोला क्‍युर्कितो। दी ति शेप ङ्‍यिवा यिन।”