ज्‍यल्‍का 22:14 - कोन्छ्‌योककी सुङ

¹⁴ मिजीकी दोङ्‍बी डेलु थोपुप ताङ ग्‍येसाकी गे नाङ्‍ला शुकुप ओङ थोपुपला खोप्‍रे मज्‍या टुवु दोके क्‍यानी सेम टेङ्‍बु जोपतिवा मोलाम थोपुप यिनो।

ज्‍यल्‍का 22:14 Iomraidhean Croise

यूहन्‍ना 10:7

तुक क्‍यानी येशूकी येलुङ तिवाला दुक सुङ्‍सुङ, “वुतुङ के ङ ख्‍यिराङला सिरिन, लुक शुकुप खोरकी गो ति ङ राङ यिन।

यूहन्‍ना 10:9

लुक शुकुप गो ति ङ राङ यिन। सु ङ नेसुर नाङ्‍ला शुकिवे, ती ति र्‍होकिवी, तमा फिला नाङ्‍ला डोप वुङ्‍गुप ताङ चरिन ङोर्मुला च साप ङ्‍येकिवी।

यूहन्‍ना 14:15

“दोजो ख्‍यिरा ङला ङ्‍यिङ्ज्‍ये क्‍यावु यिन्‍सिन ङे कला ङ्‍येन्‍गिवी।

यूहन्‍ना 14:6

येशूकी तीला सुङ्सुङ, “लाम ताङ टेङ्‍बु ताङ मिजी ति ङ राङ यिन। ङ नेसुर मिसिन सु साङ पपी ते डो मुथुपी।

यूहन्‍ना 4:12

काङ अच्‍यु ङ्‍यिरा हङ्‍गावा याकूब सिनाङ छ्‍ये यिन रो? तीकी दी टोम्‍बा ति ङ्‍यिरा थोक्‍ला जोनी बिन्‍दुप यिन। तमा ती ताङ तीकी पेजातिवा ताङ तीकी रा छ्‍युङ्‍मातिवा तेरीकी दी छ्‍यु थुवु यिन।” सिनी सिक्‍यासुङ।

१ कोरिन्‍थी 7:19

च्‍येतुप लुक्‍सु क्‍यावु ताङ माक्‍यावु ति खक्‍छ्‍येवु मिन, यिने कोन्‍छ्‍योककी कला ङ्‍येन्‍दुप ति खक्‍छ्‍येवु यिन।

१ कोरिन्‍थी 8:9

तुक क्‍यानी ख्‍यिराङ च्‍याङ्‍से देता, ख्‍यिराङ तेपा रम्‍बु वोतुपतिवी काङ सोसिनाङ गिवी, यिने ख्‍यिरा जोसालेन्‍सिन तेपा रम्‍बु मेतुपतिवा दिक्‍पाला ख्‍येल्‍गिवी।

१ कोरिन्‍थी 9:5

काङ ङ्‍यिराङला साङ यम्‍बा लोमा छ्‍येतिवा ताङ चोवो येशूकी नुपतिवा ताङ पत्रुसकी दोके तेपा कितुप पेर्मी टिनी युकुप ओङ मे रो?

गलाती 5:6

दाक्‍पु ख्रीष्‍टला तेपा क्‍यासिन च्‍येतुप लुक्‍सु तेन्‍सिनाङ मातेन्‍सिनाङ काङ साङ ख्‍येपर मे, यिने ताम्‍ङे च्‍यिक ति काङ यिन सिसिन ङ्‍यिङ्‍ज्‍ये नेसुर दाक्‍पी मिजीला तेपा छ्‍या देन गोकिवी।

१ यूहन्‍ना 3:3

तमा खो टेङ्‍बु वोतुप दोके, दाक्‍पु खोला रेवा क्‍यानी देतुपतिवा तेरीकी टेङ्‍बु जोनी दे गोकिवी।

१ यूहन्‍ना 5:3

कोन्‍छ्‍योककी कला ङ्‍येन्‍दुप ति दाक्‍पी खोला ङ्‍यिङ्‍ज्‍ये क्‍यावु यिन। खोकी कतिवा ङ्‍येन्‍दुप ति कले मे।

ज्‍यल्‍का 2:7

कोन्‍छ्‍योककी थु चाङ्‍माकी चर्चतिवाला दुक सुङ्‍नी वे, सी ल्‍यामो क्‍यानी हाक्‍कोवु नोकिवे, तीकी ल्‍यामो क्‍यानी ङ्‍येन्‍शी। सी शैतानकी ओङ्‍ज्‍येनला ग्‍येल्‍गिवे, तीला कोन्‍छ्‍योककी ग्‍येल्‍खापकी दुम्‍डोकला वोतुप मिजीकी दोङ्‍बी डेलु स ज्‍यितिन। ती दोङ्‍बी डेलु साप तीला नाम्‍साङ मिशिवु मिजी थोप्‍किवी।’”

ज्‍यल्‍का 21:12

ती ग्‍येसाकी गारी गुरीला दोकर थेन्‍बु ताङ ग्‍यिर्पो यी ग्‍यप्‍नी नोक। ती दोकरला गो च्‍यिङ्‍ङी नोक। तमा गो रे रेला र्‍हेन्‍दुप देवाच्‍येनकी लेन क्‍योलुप थु रे रे नोक। ती गोला इस्राएलकी गिपा च्‍यिङ्‍ङीकी मिङतिवा टिनी नोक।

ज्‍यल्‍का 21:27

यिने लुक रुककी मिजीकी थेपला मिङ टिवुतिवा मिसिन यम्‍बा चाङ्‍मा मेतुप ताङ क्‍युक्‍टो लङ्‍गुप ताम्‍ङे कितुप ताङ जिनोक जोपतिवा ती ग्‍येसाला नाम्‍साङ शुक मुथुप्‍नोक।

ज्‍यल्‍का 22:2

ती ग्‍येसाकी लामकी पर नेमा ग्‍युकिनोक। तमा ती चङ्‍बी फला छुला मिजीकी दोङ्‍बु नोक। तीला ल टेङ डेलु नम्‍बा रे रे गोर्किनोक। तमा लो च्‍यिकला नम्‍बा च्‍यिङ्‍ङी डेलु गोर्किनोक। तीकी शोमाक ति मिरिक नम्‍बा कुतुक कुतुककी मीतिवाला टेक ज्‍यितुप मेन यिनोक।

ज्‍यल्‍का 22:7

येशूकी सुङ्‍नी वे, “ल्‍होसा, ङ ङमु राङ वुङ्‍यिनो। दी थेप नाङ्‍ला टिवु लुङ्‍तेम्‍बातिवी सुङला सिक्‍यावु दोके ङ्‍येन्‍दुपतिवाला मोलाम थोप्‍कितो।”

ज्‍यल्‍का 7:14

तमा ङे तीला दुक सिक्‍यायी, “चोवो, ख्‍युरुङला राङ छ्‍या वे।” तमा तीकी दुक सिक्‍यासुङ, “दिवा ति छेटाङ ग्‍येर्पु ने थर्नी वावु यिन। दिवी कोन्‍दुप मज्‍यातिवा लुक रुककी ठकला टुनी कर्मु जोवु यिन।