ज्‍यल्‍का 22:10 - कोन्छ्‌योककी सुङ

¹⁰ येलुङ तीकी ङला दुक साङ सिक्‍यासुङ, “दी थेप नाङ्‍ला वोतुप नम्‍दर शेतुप सुङ ति बानी माज्‍योक। च्‍यिलासिसिन त याङ तुजे वानी साङ वे।

ज्‍यल्‍का 22:10 Iomraidhean Croise

मत्ती 10:27

ङे ख्‍यिराङला नक्‍तोमीला काङ सिक्‍यावे, ती ति ख्‍यिरा ठछ्‍येलीला सी। तमा ङे ख्‍यिराङला सताम नाङ्‍ला क्‍यावु ताम्‍ङे ति खाङ्‍बी ख नेमा ख्‍याप्‍टाक की।

रोमी 13:11

दी ताम्‍ङे ति नासाम तोङ। तसाम पेला चुका तुजे यिन सिरुप ति ख्‍यिराङला छ्‍या राङ वे। त याङ ङ्‍यिलोकुप ने लङ्‍गुप तुजे यिन। च्‍यिलासिसिन दाक्‍पु गोमाला तेपा क्‍यावु पेला सिनाङ तसाम पेला मङ दाक्‍पुला दिक्‍पा ने थरुप ति चिप्‍ला राङ वे।

रोमी 13:12

त याङ नुप गल सिन्‍नी नाम लङ्‍गुप छाल्‍सुङ। तुक क्‍यानी दाक्‍पु नक्‍तोमीला कितुप लाका दुक्‍टा क्‍युर्नी ठछ्‍येलीला लाका टेङ्‍बु कितुपला कोन्‍छ्‍योककी नङ्‍गुप लाक्‍च्‍ये खुर्नी यु।

२ थेसलोनिकी 2:3

सी साङ ख्‍यिराङला काङगी थोक्‍ला साङ जिनोक जोनी मुलुशी। च्‍यिलासिसिन गोमाला कोन्‍छ्‍योककी तेन्‍दोकला लङ्‍गुप मी दिक्‍छेनतिवा बङी वुङ्‍गुप ताङ ना तोङ गोवु दुक्‍टाकी गिपा माथेन्‍दा सेक्‍ला ती तुजे ति मेवी।

१ पत्रुस 4:7

दी जम्‍बुलिङकी तिङ्‍मी तुजे वुङ्‍यिन वे। तुक क्‍यानी ख्‍यिराङ मोपोर ल्‍यामु कितुपला सेम थिला ज्‍याक्‍नी च्‍याङ्‍से देता।

ज्‍यल्‍का 1:11

“ख्‍योरो काङ थोङ्‍गुप ति थेप च्‍यिककी नाङ्‍ला टिनी एफिसस ताङ स्‍मुर्ना ताङ पर्गामम ताङ थिआटीरा ताङ सार्डिस ताङ फिलाडेल्‍फिया ताङ लाउडिकिया चर्च दिन्‍करला तोङ।”

ज्‍यल्‍का 1:3

मीतिवाला दी थेपकी नाङ्‍ला वोतुप कोन्‍छ्‍योककी लुङ्‍तेम्‍बाकी सुङतिवा रानी तेरुप मी ताङ दी सुङतिवा ङ्‍येन्‍दुप मीतिवा ताङ ती सुङला सिक्‍यावु दोके क्‍यानी मिजी क्‍योङ्‍गुप मीतिवाला मोलाम थोपुप यिनो। च्‍यिलासिसिन दी थेप नाङ्‍ला वोतुप ताम्‍ङेकी तुजे ति ङमु राङ छेकिवी।

ज्‍यल्‍का 10:4

ती सम्‍डुक ग्‍यपुप वोरु दिनतिवी वोरु ति मी ताम्‍ङे क्‍यावु दोके कुतुक कुतुक तेन्‍सुङ। ती पेला ङ ति ती ताम्‍ङेतिवा टिकुपला टडिक क्‍यायी। यिने तोजो पेला राङ देवाच्‍येन नेमा “ती सम्‍डुक ग्‍यकुप वोरु दिनतिवी कोर्ला ति छ्‍याकला राङ ज्‍योक। ती ति माटिक!” सिरुप वोरु यी ङे थोसुङ।

ज्‍यल्‍का 22:16

“ङ येशू यिन, ङे राङ दी ताम्‍ङेतिवा चर्चतिवाला पङ्‍बु तेरुपला ङरा लेन क्‍योलुप थुतिवा तिवी ते तङ्‍गुप यिन। ङ ग्‍येल्‍वु दाऊदकी गिपा नेसुर वावु मी यिन, टोपला शरुप वो ग्‍यकुप कर्ज्याङ साङ यिन।”

ज्‍यल्‍का 22:18

दी थेपकी नाङ्‍ला वोतुप नम्‍दर शेतुप सुङ थोवु मीतिवा रे रेला ङ दी ताम्‍ङे ति छासे क्‍यानी सिरिन। दोजो सी दी थेपकी नाङ्‍ला टिवु ताम्‍ङेला ल्‍हक्‍पा ज्‍याक्‍सिन तीला दी कोन्‍छ्‍योककी थेप नाङ्‍ला टिवु पर्च्यातिवा ख्‍येल ज्‍यिकिवी।

ज्‍यल्‍का 22:20

दी ताम्‍ङेकी पङ्‍बु तेरुप तीकी दुक सुङ्‍गिवी, “वुतुङ के ङ ङमु राङ वुङ्‍यिनो।” आमिन चोवो येशू फेप!

ज्‍यल्‍का 22:7

येशूकी सुङ्‍नी वे, “ल्‍होसा, ङ ङमु राङ वुङ्‍यिनो। दी थेप नाङ्‍ला टिवु लुङ्‍तेम्‍बातिवी सुङला सिक्‍यावु दोके ङ्‍येन्‍दुपतिवाला मोलाम थोप्‍कितो।”

ज्‍यल्‍का 22:9

यिने तीकी ङला “ख्‍योरो ङला दुक क्‍यानी शावा कितुप मेवी। ङ साङ ख्‍युरुङ ताङ ख्‍योरो अच्‍युनुप लुङ्‍तेम्‍बातिवा ताङ दी थेपला वोतुप सुङला युकुपतिवा दोके कोन्‍छ्‍योककी लावा तिराङ यिन। तुक क्‍यानी कोन्‍छ्‍योकला तिराङ शावा की।” सिनी सिक्‍यासुङ।

ज्‍यल्‍का 5:1

येलुङ ग्‍येल्‍ठिकला ज्‍यु वोतुप तीकी छ्‍याक यावाला ति फिला नाङ्‍ला यिकी टिवु शुकी बिटप च्‍यिक वोतुप ति ङे थोङ्‍सुङ। ती शुकी बिटप ति लज्‍युर दिन ग्‍यप्‍नी ज्‍याक्‍नोक।