ज्‍यल्‍का 22:1 - कोन्छ्‌योककी सुङ

¹ येलुङ देवाच्‍येनकी लेन क्‍योलुप थु तीकी ङला शेल दोके सल्‍वु वोतुप मिजीकी चङ्‍बु च्‍यिक छ्‍या तेन्‍सुङ। ती चङ्‍बु ति कोन्‍छ्‍योक ताङ लुक रुककी ग्‍येल्‍ठिक नेमा थेन्‍नी

ज्‍यल्‍का 22:1 Iomraidhean Croise

यूहन्‍ना 13:32

दोजो कोन्‍छ्‍योक छासे मोवा वोतुप ति मी पुज्‍युङ नेमा छ्‍या तेन्‍सुङ सिसिन कोन्‍छ्‍योककी साङ मी पुज्‍युङला मोवा वोतुप ति छ्‍या देन्‍गिवी। ती ति खोकी ङमु राङ क्‍या नङ्‍गिवी।

यूहन्‍ना 15:26

ङे पपा नेमा ख्‍यिराङला तङ्‍गुप टोङ्‍गु तेरुप थु चाङ्‍मा फेप्‍कितो। ती टेङ्‍बु वोतुप थु चाङ्‍मा ति पपा नेमा फेप्‍सिमा ती थु चाङ्‍माकी ङे थोक्‍ला पङ्‍बु नङ्‍गितो।

यूहन्‍ना 4:14

यिने ङे तेरुप छ्‍यु थुङ्‍गुपतिवाला नाम्‍साङ कोम्‍बा मालङ्‍गिवी। तमा ती छ्‍यु ति तिवी मिजी नेमा नरी दोलुप छ्‍यी पुङ दोके च्‍युङ्‍नी तिवाला नाम्‍साङ मिशिवु मिजी तेर्किवी।”

लोमा छ्‍येतिवी लाका 2:33

ती येशूला कोन्‍छ्‍योककी खोकी यावी थाकाला छासे ताङ्‍देन वोतुप ठीकी खला ज्‍याक नाङ्‍सुङ। तमा खोकी थाक्‍छ्‍येन नङ्‍गुप थु चाङ्‍मा ति येशूला थोप्‍नी ती ति ङ्‍यिरा पर्ला तङ नाङ्‍सुङ। ती ताम्‍ङे ति तन्‍दा ख्‍यिरा थोङ्‍गुप ताङ थोयी वे।

ज्‍यल्‍का 1:1

दी थेप नाङ्‍ला वोतुप ताम्‍ङेतिवा ति येशू ख्रीष्‍टकी हाक्‍को च्‍यितुप ताम्‍ङे यिन। कोन्‍छ्‍योककी खोला शब्‍ज्‍यी कितुपतिवाला दी जम्‍बुलिङला ङमु राङ च्‍युङ्‍गुप ताम्‍ङेतिवी कोर्ला हाक्‍को ज्‍यितुपला खोरे सेवु येशू ख्रीष्‍टला दी ताम्‍ङे ति सुङ्‍गुप यिन। तमा येशूकी देवाच्‍येनकी लेन क्‍योलुप थु च्‍यिक यूहन्‍नाकी चाला ताङ्‍नी ती तेरी ताम्‍ङेतिवा यूहन्‍नाला ठछ्‍येली हाक्‍को च्‍यिसुङ।

ज्‍यल्‍का 21:11

ती ग्‍येसा ति कोन्‍छ्‍योककी मोवाकी ठछ्‍येली गल्‍नी नोक। ती वोसिर ति ङ्‍यिमा दोके छासे वो ग्‍यकुप ताङ शेल दोके नाङ्‍ला थोङ्‍गुप छासे सल्‍वु नोक।

ज्‍यल्‍का 21:6

येलुङ खोकी ङला सुङ्‍सुङ, “त याङ तेरी छेसुङ। ङ अल्‍फा ताङ ओमेगा यिन। तीकी तेन्‍दोक ति थल्‍मा ताङ तिङ्‍मा ङ राङ यिन। सु कोम्‍बा लङ्‍गिवे, तिवाला मिजी तेरुप छ्‍यु दोलुप दासा नेसुर थेन्‍दुप छ्‍यु ति तुक राङ थुङ ज्‍यितिनो।

ज्‍यल्‍का 21:9

ती पेला तिङ्‍मी तुजेला ख्‍येलुप छेटाङ दिनकी क्‍येङ्‍गुप कोरा दिन खुरुप देवाच्‍येनकी लेन क्‍योलुप थु मिरा दिन ङे थोङ्‍सुङ। तिवी पर्ला मिरा च्‍यिक ति वानी “शोक, ङ ख्‍युरुङला लुक रुककी पेर्मी यिन्‍दुप खोकी नमा छ्‍या देनिन।” सिनी ङला सिक्‍यासुङ।

ज्‍यल्‍का 22:17

कोन्‍छ्‍योककी थु चाङ्‍मा ताङ नमाकी दुक सुङ्‍गिवी, “फेप!” सी दी ताम्‍ङे थोकिवे, तीकी साङ “फेप!” सिनी सिशी। सुला कोम्‍बा लङ्‍गिवे, ती ति वुङ्‍शी। सी मिजीकी छ्‍यु थुङ्‍गुप नोकिवे, तीला तुक राङ थुङ्‍शी।

ज्‍यल्‍का 22:6

ती ज्‍युक्‍ला देवाच्‍येनकी लेन क्‍योलुप थु तीकी ङला दुक सिक्‍यासुङ, “वुतुङ के ख्‍योरो थोवु सुङतिवा तेरी खोङ्‍तेर्मु ताङ टेङ्‍बु वे। लुङ्‍तेम्‍बातिवाला खोरे थु नङ्‍गुप चोवो कोन्‍छ्‍योककी खोरुङला शब्‍ज्‍यी कितुपतिवाला ङमु राङ तेन्‍तेन च्‍युङ्‍गुप ताम्‍ङेकी कोर्ला हाक्‍को ज्‍यितुपला खोरे लेन क्‍योलुप थुतिवा ताङ्‍सुङ।”

ज्‍यल्‍का 3:21

सी शैतानकी ओङ्‍ज्‍येनला ग्‍येल्‍गिवे, तीला ङ ङे ग्‍येल्‍ठिकला ङ ताङ मुला राङ देनी ग्‍येला कि ज्‍यितिनो। ङे साङ शैतानकी ओङ्‍ज्‍येनला ग्‍येल्‍नी पपा कोन्‍छ्‍योककी मुला खोकी ग्‍येल्‍ठिकला देनी वे।

ज्‍यल्‍का 5:13

तमा देवाच्‍येनला वोतुप तेरी ताङ जम्‍बुलिङला वोतुप तेरी ताङ जम्‍बुलिङकी वोक्‍ला वोतुप तेरी ताङ ग्‍येम्‍छोला वोतुप उ वोतुप सेम्‍ज्‍येन थम्‍ज्‍येनतिवी दुक सिक्‍यावु ति ङे थोसुङ, “ग्‍येल्‍ठिकला ज्‍यु वोतुप कोन्‍छ्‍योक ताङ लुक रुकला सोवा ताङ ताङ्‍देन ताङ मोवा ताङ ओङ्‍ज्‍येन ति नरीकी नरी वुङ्‍शी।”

ज्‍यल्‍का 5:6

तमा ते ग्‍येल्‍ठिककी दोङ्‍ला लुक रुक च्‍यिक लानी नोक। ती ति गोमाला के सेतुप दोके थोङ्‍गिनोक, यिन्‍सिनाङ तन्‍दा ति सेन्‍बु राङ नोक। तीकी गारी गुरीला सेम्‍ज्‍येन ज्‍यी चोके नोक, तमा सेम्‍ज्‍येन ज्‍यीतिवी गारी गुरीला गोमा कितुप मी छ्‍ये मिरा खल्‍ज्‍यिक ताङ ज्‍यी नोक। ती लुक रुक तीकी ति अर्क्योक दिन ताङ मिक दिन नोक। ती मिक दिन ति तेरी जम्‍बुलिङला तङ्‍गुप कोन्‍छ्‍योककी थु दिन यिनोक।

ज्‍यल्‍का 7:17

च्‍यिलासिसिन ग्‍येल्‍ठिककी पर्ला ज्‍यु वोतुप लुक रुक ति तिवी गोठाला च्‍युङ्‍गिवी। तमा खोकी तिवाला मिजी तेरुप छ्‍यी पुङतिवाला क्‍योल्‍गिवी। तमा कोन्‍छ्‍योककी तिवी मिककी मिक्‍च्‍युर तेरी पिनी तेर्किवी।”