ज्‍यल्‍का 21:8 - कोन्छ्‌योककी सुङ

⁸ यिने च्‍ये ङ्‍यिङ दोके वोतुपतिवा ताङ तेपा मिकिवुतिवा ताङ क्‍युक्‍टो लङ्‍गुप लाका कितुपतिवा ताङ मी सेतुपतिवा ताङ शम्‍डेन कितुपतिवा ताङ मो ग्‍यकुपतिवा ताङ ल्‍हलु तेन्‍दुपतिवा ताङ जिनोक जोपतिवा तेरी मे ताङ तुसोक बरिन वोतुप ग्‍येम्‍छोला क्‍युर्कितो। दी ति शेप ङ्‍यिवा यिन।”

ज्‍यल्‍का 21:8 Iomraidhean Croise

मत्ती 10:28

ख्‍यिरा जु सेसिनाङ नम्‍शिङ ति से मुथुपुप तीला ज्‍यिवा माकी। यिने जु ताङ नम्‍शिङ ङ्‍यिकरला ङ्‍येलाला क्‍युरुप कोन्‍छ्‍योकला ति ज्‍यिवा की।

मत्ती 25:25

तुक क्‍यानी ङला ज्‍यिवा लासुङ, तमा गल्‍नी ज्‍यिन्‍दाककी ङला चेक तेतुप सेरकी डप्‍बु ति थली वोक्‍ला बानी ज्‍यकिन। ल्हो ताङ, ज्‍यिन्‍दाककी टङ्‍गा ति दे राङ वे।’ सिनी सिक्‍यासुङ।

मत्ती 8:26

तमा येशू शेङ्‍नी तिवाला “ओ तेपा अला मेतुप टेङ! ख्‍यिराङ च्‍यिला ज्‍यिवा किवी?” सिनी सुङ्‍नी ती लुङ छ्‍यर्वा ताङ छ्‍यी बालापला वोरु तेन्‍सिमा ती ग्‍येम्‍छो ति छासे कुसुमी गाल्‍सुङ।

यूहन्‍ना 8:44

ख्‍यिराङ ति ख्‍यिरा पपा शैतानकी गिपा यिन। ख्‍यिरा पपी काङ सिक्‍यावे, ख्‍यिराङ साङ तुक राङ कितुप नो किवी। ती शैतान ति थल्‍मा नेज्‍युनी शेन्‍बा यिन। तीकी नाम्‍साङ टेङ्‍बुला ङ्‍याम मिकिवी, च्‍यिलासिसिन तीकी सेमला काङ साङ टेङ्‍बु मे। तीकी जिनोक जोप पेला खोरो किताङ नालुला राङ जिनोक जेवी, च्‍यिलासिसिन ती ति जिनोक्‍पा यिन, तमा तेरी जिनोककी पपा यिन।

२ थेसलोनिकी 2:9

ती दुक्‍टाकी गिपा ति शैतानकी ओङ नेसुर वुङ्‍गुप पेला तीकी मीतिवाला मेटेङ्‍बु वोतुप जिम्‍डुल ताङ त ताङ हलेवु लाकातिवा छ्‍या देन्‍दुप ताङ

१ तिमोथी 4:2

ती तेरी येन्‍देनतिवा ति मी खोनक्‍पुतिवा नेसुर गिवी। तिवी सेम ति शैतानकी ति यिन सिनी च्‍या छेन्‍दी थ्‍वोनी डाम ग्‍यपुप दोके यिन।

तीतस 1:16

तिवा कोन्‍छ्‍योकला ङो शेकिवी सिनी सिरुप याङ सिवी, यिने रङगी किताङ नेसुर खोला मारे तोङ्‍गिवी। तिवा दुक्‍टा ताङ खोकी सुङला मेङ्‍येन्‍दुप गिवी। तमा काङ साङ लाका टेङ्‍बु कि छ्‍योवु मेङ्‍गिवी।

हिब्रू 12:24

तमा ख्‍यिराङ याङ कोन्‍छ्‍योक ताङ मीतिवी पर्ला थाक्‍छ्‍येतुप ताम्‍ङे सम्‍बा जो नङ्‍गुप येशू ताङ खोकी थोरुप ठकला वा वे। ती ठक ति हाबिलकी ठक सिनाङ मङ ल्‍यामो क्‍यानी दाक्‍पुला येन्‍देन तेर्किवी।

हिब्रू 13:4

तेरीकी पर्ला जेन्‍दी ति ताङ्‍देन वोतुप वुङ्‍शी। तमा ख्‍योवा ताङ पेर्मी जेन्‍दी क्‍यासिमा मी यम्‍बा ताङ मुला शम्‍डेन कितुप मेङ्‍गिवी, च्‍यिलासिसिन शम्‍डेन कितुप ताङ यम्‍बा ख्‍योक्‍पेजा याङ्‍ना यम्‍बा पुम्‍पेजा ताङ मुला मेलोक्‍पा कितुपतिवाला कोन्‍छ्‍योककी ठिम क्‍या नङ्‍गिवी।

१ यूहन्‍ना 2:22

चुका मी तीकी येशूला दिक्‍पा ने थर ज्‍यितुप ख्रीष्‍ट यिन सिनी सेमला मिलिङ वे, ती ति जिनोक जोप मी यिन। तमा चुका मी तीकी पपा कोन्‍छ्‍योक ताङ खोकी सेवुला सेमला मिलिङ वे, ती ति येशू ख्रीष्‍टकी तेन्‍दोकला लङ्‍गुप मी यिन।

१ यूहन्‍ना 3:15

रङगी अच्‍युनुपतिवाला ङ्‍यिङ्‍ज्‍ये मिकिवु मीतिवा तेरी शेन्‍बा दोके यिन। तीला नाम्‍साङ मिसिवु मिजी मोथोपिवी सिरुप ति ख्‍यिराङला साङ छ्‍या वे।

१ यूहन्‍ना 5:10

सी कोन्‍छ्‍योककी सेवुला तेपा किवे, तीकी सेमला ति पङ्‍बु ज्‍यकुप गिवी। यिने कोन्‍छ्‍योककी सेवुला तेपा मिकिवु तीकी खोला मेटेङ्‍बु जोवु गिवी। च्‍यिलासिसिन कोन्‍छ्‍योककी खोरे सेवुकी कोर्ला पङ्‍बु नङ्‍गुप ताम्‍ङेला तीकी तेपा मिकिवी।

ज्‍यल्‍का 14:10

तिवाला कोन्‍छ्‍योककी ङ्‍यिर्मुकी गुन्‍डुम छ्‍याङ थुङ ज्‍यिकिवी। खो छासे ङ्‍यिर्मु लावु तप्‍की खोकी छासे क्‍यानी पर्च्या तोङ्‍गिवी। तमा तिवा चाङ्‍मा वोतुप देवाच्‍येनकी लेन क्‍योलुप थुतिवा ताङ लुक रुककी दोङ्‍ला मे ताङ तुसोककी नाङ्‍ला छेटाङ खुर्किवी।

ज्‍यल्‍का 19:20

ते ती सेम्‍ज्‍येन ताङ तीकी दोङ्‍ला हलेवु ततिवा छ्‍या देन्‍दुप लुङ्‍तेम्‍बा मेटेङ्‍बु ङ्‍यिकरला जिम्‍सुङ। ती लुङ्‍तेम्‍बा तीकी हलेवु ततिवा छ्‍या तेन्‍नी मीतिवाला ती सेम्‍ज्‍येनकी लज्‍युर ग्‍यक ज्‍यितुप ताङ कुला तेन ज्‍यितुपला लुनोक। तुक क्‍यानी तिवा ङ्‍यिकरला सेन्‍बु राङ मे कशेन बरुप तुसोककी चो दोके वोतुप ते क्‍युर्सुङ।

ज्‍यल्‍का 2:11

कोन्‍छ्‍योककी थु चाङ्‍माकी चर्चतिवाला दुक सुङ्‍नी वे, सी ल्‍यामो क्‍यानी हाक्‍कोवु नोकिवे, तीकी ल्‍यामो क्‍यानी ङ्‍येन्‍शी। सी शैतानकी ओङ्‍ज्‍येनला ग्‍येल्‍गिवे, तीला थेङ्‍मा ङ्‍यिवाला शेपकी साङ ना तोङ मुथुपी।’”

ज्‍यल्‍का 2:2

ख्‍योरो क्‍यावु लाकातिवा ताङ ख्‍योरो हुर्ताक क्‍यावु ताङ हम क्‍या देतुप ति ङला छ्‍या वे। मी दुक्‍टातिवी थोक्‍ला ख्‍युरुङ हम क्‍या दे मुथुपी। तमा ङ येशूकी लोमा छ्‍ये यिन सिरुप मीतिवाला ख्‍योरो ल्‍यामु मेलोवा ल्हानी तिवा ति लोमा छ्‍ये मिन, यिने जिनोक जोप मी यिन सिनी तेन्‍तेन क्‍यावु साङ ङला तेरी छ्‍या वे।

ज्‍यल्‍का 21:27

यिने लुक रुककी मिजीकी थेपला मिङ टिवुतिवा मिसिन यम्‍बा चाङ्‍मा मेतुप ताङ क्‍युक्‍टो लङ्‍गुप ताम्‍ङे कितुप ताङ जिनोक जोपतिवा ती ग्‍येसाला नाम्‍साङ शुक मुथुप्‍नोक।

ज्‍यल्‍का 22:15

यिने ग्‍येसाकी फिला ति की दोके मेलोवा ताङ जिम्‍डुल छ्‍या देन्‍दुपतिवा ताङ शम्‍डेन कितुपतिवा ताङ शेन्‍बातिवा ताङ ल्‍हलु तेन्‍दुपतिवा ताङ जिनोक जोप ताङ जिनोकला गा कितुपतिवा तिराङ युकिवी।

ज्‍यल्‍का 9:17

तमा ङे कोन्‍छ्‍योक नेमा वावु ज्‍यल्‍काला ततिवा ताङ ते खला शेन्‍दुपतिवा थोङ्‍सुङ। ती ते खला शेन्‍दुपतिवी छेकोकला ग्‍यपुप च्‍याकी लिङ ति मे दोके मर्वु ताङ ङोन्‍बु ताङ सेर्वु नोक। ती ततिवी गो ति सेङ्‍गीकी गो दोके नोक। तमा तिवी ख नेसुर मे ताङ तुता ताङ गन्‍धक थेन्‍गिनोक।

ज्‍यल्‍का 9:21

तोजो तिराङ मिन, तिवी खोप्‍रे क्‍यावु मी सेतुप ताङ जिम्‍डुल छ्‍या देन्‍दुप ताङ शम्‍डेन कितुप ताङ कुन कितुप नेसुर सेम माग्‍युर्नोक।