ज्‍यल्‍का 21:6 - कोन्छ्‌योककी सुङ

⁶ येलुङ खोकी ङला सुङ्‍सुङ, “त याङ तेरी छेसुङ। ङ अल्‍फा ताङ ओमेगा यिन। तीकी तेन्‍दोक ति थल्‍मा ताङ तिङ्‍मा ङ राङ यिन। सु कोम्‍बा लङ्‍गिवे, तिवाला मिजी तेरुप छ्‍यु दोलुप दासा नेसुर थेन्‍दुप छ्‍यु ति तुक राङ थुङ ज्‍यितिनो।

ज्‍यल्‍का 21:6 Iomraidhean Croise

यूहन्‍ना 4:10

तमा येशूकी ती पुम्‍पेजा तीला सुङ्‍सुङ, “ख्‍युरुङ कोन्‍छ्‍योककी ङ्‍येम्‍बा ताङ ख्‍युरुङला छ्‍यु लोङ्‍गुप मी ति सु यिन सिनी ङो शेसिन तीला ख्‍योरे लोङ्‍गुप्‍जा, तमा खोकी ख्‍युरुङला मिजी तेरुप छ्‍यु तेरुप्‍जा।”

यूहन्‍ना 4:11

तमा ती पुम्‍पेजा तीकी येशूला “अच्‍यी लोला याङ छ्‍यु च्‍यकुप नेक्‍योक साङ मे, दी टोम्‍बा साङ तिङ्‍मु वे। तुक क्यानी अच्‍यी कनी नेसुर मिजी तेरुप छ्‍यु ति खुर्नी वुङ थुप्‍किवी रो?

यूहन्‍ना 4:14

यिने ङे तेरुप छ्‍यु थुङ्‍गुपतिवाला नाम्‍साङ कोम्‍बा मालङ्‍गिवी। तमा ती छ्‍यु ति तिवी मिजी नेमा नरी दोलुप छ्‍यी पुङ दोके च्‍युङ्‍नी तिवाला नाम्‍साङ मिशिवु मिजी तेर्किवी।”

रोमी 3:24

यिने कोन्‍छ्‍योक ति कटिन नङ्‍गुप कोन्‍छ्‍योक यिन। खोकी ख्रीष्‍ट येशू नेसुर थर्वा नङ्‍नी मीतिवाला गोङ ते मागोवा क्‍यानी टेङ्‍बु यिन सिनी खोरे सेमला लासुङ।

रोमी 8:32

दाक्‍पी दिक्‍पी थोक्‍ला कोन्‍छ्‍योककी खोरे सेवु साङ र्‍होक माज्‍याक्‍नी दाक्‍पुला नाङ्‍सुङ सिसिन, खोकी सेवुकी मुला राङ यम्‍बा साङ तेरी कटिन नेसुर दाक्‍पुला मानङ्‍गिवी रो?

१ कोरिन्‍थी 2:12

त याङ दाक्‍पुला जम्‍बुलिङकी सेम थोपुप मिन, कोन्‍छ्‍योककी थु चाङ्‍मा थोपुप यिन। कोन्‍छ्‍योककी दाक्‍पुला नङ्‍गुप मोलाम ति ल्‍यामो क्‍यानी हाक्‍को ज्‍यितुपला खोकी दाक्‍पुला खोकी थु चाङ्‍मा नङ्‍गुप यिन।

१ कोरिन्‍थी 3:12

दोजो दी डम्‍ज्‍यीकी खला मी ललाइकी सेर थ्‍वोनी खाङ्‍बा जोसुङ, ललाइकी ङुलकी खाङ्‍बा जोसुङ, तमा ललाइकी गोङ नावु च्‍यालक थ्‍वोनी खाङ्‍बा जोसुङ, तमा ललाइकी शिङ ताङ च ताङ सोङ्‍मा थ्‍वोनी खाङ्‍बा जोसुङ सिसिन,

१ कोरिन्‍थी 3:21

तुक क्‍यानी सी साङ मीतिवाला तेके मिकिशी। च्‍यिलासिसिन तेरी ति ख्‍यिरा तिराङ यिनो।

१ कोरिन्‍थी 3:5

काङ अपोल्‍लोस ति सु यिन रो? पावल ति सु यिन रो? ङ्‍यिरा ख्‍याप्‍टाक क्‍यावु कोन्‍छ्‍योककी सुङ थोनी ख्‍यिरा तेपा क्‍यावु यिन। ङ्‍यिराङ याङ कोन्‍छ्‍योकला शब्‍ज्‍यी कितुप मी तिराङ यिन।

ज्‍यल्‍का 1:11

“ख्‍योरो काङ थोङ्‍गुप ति थेप च्‍यिककी नाङ्‍ला टिनी एफिसस ताङ स्‍मुर्ना ताङ पर्गामम ताङ थिआटीरा ताङ सार्डिस ताङ फिलाडेल्‍फिया ताङ लाउडिकिया चर्च दिन्‍करला तोङ।”

ज्‍यल्‍का 1:17

खोला थोङ्‍सिमा ङ ति शेप दोके गल्‍नी तला ग्‍यप्‍सुङ। तमा खोकी छ्‍याक यावा ति ङे खला ज्‍याक्‍नी दुक सिनी सुङ्‍सुङ, “ज्‍यिवा माकी। थल्‍मा नेज्‍युनी वोतुप ति ङ राङ यिन, तिङ्‍ला सेक नरी लुवु साङ ङ राङ यिन।

ज्‍यल्‍का 1:8

“ङ ति अल्‍फा ताङ ओमेगा यिन।” सिनी तेरी सिनाङ चोछ्‍ये वोतुप चोवो कोन्‍छ्‍योककी सुङ्‍नी वे। खो हारिङ ज्‍यु वे, थल्‍माला साङ ज्‍यु वोतुप यिन, लोङ तिङ्‍ला साङ फेप्‍किवी।

ज्‍यल्‍का 10:6

तमा नाम ताङ ती नाङ्‍ला वोतुप तेरी च्‍यालकतिवा ताङ, जम्‍बुलिङ ताङ जम्‍बुलिङला वोतुप तेरी च्‍यालकतिवा ताङ, ग्‍येम्‍छो ताङ ती नाङ्‍ला वोतुप तेरी च्‍यालकतिवा ज्‍ये नङ्‍गुप नरीकी नरी ङोसु ज्‍यु वोतुप कोन्‍छ्‍योककी मिङला दुक सिनी तीकी थाक्‍छ्‍येसुङ, “तफेन्‍ला नाम्‍साङ फिमु क्‍या मनङ्‍गिवी।

ज्‍यल्‍का 16:17

येलुङ देवाच्‍येनकी लेन क्‍योलुप थु दिन्‍बा तीकी खोरो कोरा ति नामला पुसुङ। तमा कोन्‍छ्‍योककी ल्‍हङाङकी ग्‍येल्‍ठिक नेमा थोर ग्‍यप्‍नी “त याङ तेरी छेसुङ।” सिरुप वोरु यी ग्‍यप्‍सुङ।

ज्‍यल्‍का 22:13

ङ ति अल्‍फा ताङ ओमेगा, थल्‍मा ताङ तिङ्‍मा, जम्‍बुलिङकी गोमा नेज्‍युनी नरीकी नरी लुवु यिनो।”

ज्‍यल्‍का 22:17

कोन्‍छ्‍योककी थु चाङ्‍मा ताङ नमाकी दुक सुङ्‍गिवी, “फेप!” सी दी ताम्‍ङे थोकिवे, तीकी साङ “फेप!” सिनी सिशी। सुला कोम्‍बा लङ्‍गिवे, ती ति वुङ्‍शी। सी मिजीकी छ्‍यु थुङ्‍गुप नोकिवे, तीला तुक राङ थुङ्‍शी।

ज्‍यल्‍का 3:14

“लाउडिकियाला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘दी ताम्‍ङे ति आमिन वोतुप तीकी सुङ्‍गुप यिन। खो ति कोन्‍छ्‍योककी कोर्ला खोङ्‍तेर्मु क्‍यानी पङ्‍बु टेङ्‍बु तेरुप यिन। तमा खो नेसुर राङ कोन्‍छ्‍योककी तेरी जम्‍बुलिङ ज्‍ये नङ्‍गुप यिन।

ज्‍यल्‍का 7:17

च्‍यिलासिसिन ग्‍येल्‍ठिककी पर्ला ज्‍यु वोतुप लुक रुक ति तिवी गोठाला च्‍युङ्‍गिवी। तमा खोकी तिवाला मिजी तेरुप छ्‍यी पुङतिवाला क्‍योल्‍गिवी। तमा कोन्‍छ्‍योककी तिवी मिककी मिक्‍च्‍युर तेरी पिनी तेर्किवी।”