ज्‍यल्‍का 21:4 - कोन्छ्‌योककी सुङ

⁴ खोकी मीतिवी मिक नेसुर मिक्‍च्‍युर तेरी पिनी तेर्किवी। तमा तिवा येलुङ नाम्‍साङ मिशिवी। सेम क्‍योके कितुप ताङ ङोप ताङ दुङल साङ मेवी। च्‍यिलासिसिन ती जम्‍बुलिङकी ताम्‍ङे ङि्‍यङ्‍बातिवा तेरी तोर्नी गाल।”

ज्‍यल्‍का 21:4 Iomraidhean Croise

मत्ती 24:35

स ताङ नाम ति तोर्नी डिवी, यिने ङे सिक्‍यावु ताम्‍ङेतिवा ति नाम्‍साङ तोर्नी मोडोवी।”

१ कोरिन्‍थी 15:26

तेरी सिनाङ ज्‍युक्‍ला खोकी ना तोङ्‍गुप ड ति शेप यिन।

१ कोरिन्‍थी 7:31

दी जम्‍बुलिङला देतुप पेला गोवु च्‍यालकतिवा थोकुप ति गिवी, यिने ती च्‍यालकला तिराङ नासाम मातोङ। च्‍यिलासिसिन दी जम्‍बुलिङकी च्‍यालकतिवा याङ तोर्नी डिवी।

२ कोरिन्थी 5:17

तुक क्‍यानी सी ख्रीष्‍टला तेपा क्‍यावे, ती ति मिजी सम्‍बा फोवु यिन। गोमी मिजी ति तोर्नी गाल्‍सुङ। ल्‍होसा, त याङ मिजी सम्‍बा च्‍युङ वे।

२ कोरिन्थी 6:17

येलुङ चोवो कोन्‍छ्‍योककी सुङ्‍गिवी, “ती तप्‍की ती दुक्‍टा कितुप मीतिवा नेसुर थेन्‍नी शोक। तमा तिवा नेसुर कुतुक दे। मेचेङ्‍गा वोतुप च्‍यालकतिवा काङ साङ थो मातोङ। तुक क्‍यासिन ङ ख्‍यिराङला सेमला लङ्‍यिन।”

हिब्रू 12:27

“येलुङ थेङ्‍मा च्‍यिक” सिक्‍यावु सुङगी तेन्‍दोक ति दी यिन, कोन्‍छ्‍योककी ज्‍येवु च्‍यालकतिवा योक थुपुप ताङ दोक थुप्‍किवी। तुक क्‍यासिन योक मुथुपुप च्‍यालकतिवा तिराङ लुकिवी।

२ पत्रुस 3:10

यिने चोवोकी तुजे ति कुर्मेन वावु दोके हाक्‍माकोवा क्‍यानी गिवी। ती पेला नाम ति वोरु गिर्पो यी तेन्‍नी ना डिवी, तमा ङ्‍यिमा उला ताङ कर्मातिवा मे रापकी तेरी शिनी डिवी। जम्‍बुलिङ ताङ जम्‍बुलिङला वोतुप तेरी शिनी डिवी।

१ यूहन्‍ना 2:17

जम्‍बुलिङ ना डिवी, जम्‍बुलिङला वोतुप नोवातिवा साङ ना डिवी, यिने कोन्‍छ्‍योककी नोवाला वोतुप लाका कितुप मी ति नरीकी नरी लुकिवी।

ज्‍यल्‍का 20:13

तमा ग्‍येम्‍छोकी ती नाङ्‍ला वोतुप शेपतिवा बिन्‍सुङ, शेप ताङ ङ्‍येलाकी साङ तिवी मुला वोतुप शेपतिवा बिन्‍सुङ। तमा तिवा तेरीला दाक दाक्‍पी लाका ल्‍यामु मेलोवा काङ क्‍यावे, तुकै राङ ठिम क्‍यासुङ।

ज्‍यल्‍का 20:14

तमा शेप ताङ ङ्‍येला ति मेकी चे नाङ्‍ला क्‍युर्सुङ। दी मेकी चो ति शेप ङ्‍यिवा यिन।

ज्‍यल्‍का 21:1

तमा ङे देवाच्‍येन सम्‍बा ताङ जम्‍बुलिङ सम्‍बा थोङ्‍सुङ। ते थल्‍माकी देवाच्‍येन ताङ जम्‍बुलिङ ति तेरी तोर्नी गाल्‍नोक, ग्‍येम्‍छो साङ मोथोङ्‍नोक।

ज्‍यल्‍का 22:3

ती ग्‍येसाला नाम्‍साङ कोन्‍छ्‍योककी मोताप मिन्‍दुक। ते कोन्‍छ्‍योक ताङ खोकी लुक रुककी ग्‍येल्‍ठिक नोक। तमा खोला शब्‍ज्‍यी कितुप मीतिवी खोला सोवा बुल्‍गिनोक।

ज्‍यल्‍का 7:17

च्‍यिलासिसिन ग्‍येल्‍ठिककी पर्ला ज्‍यु वोतुप लुक रुक ति तिवी गोठाला च्‍युङ्‍गिवी। तमा खोकी तिवाला मिजी तेरुप छ्‍यी पुङतिवाला क्‍योल्‍गिवी। तमा कोन्‍छ्‍योककी तिवी मिककी मिक्‍च्‍युर तेरी पिनी तेर्किवी।”