ज्‍यल्‍का 21:3 - कोन्छ्‌योककी सुङ

³ ती ज्‍युक्‍ला ग्‍येल्‍ठिक नेमा दुक सिनी वोरु थोर ग्‍यपुप ति ङे थोसुङ, “ल्‍होसा, तफेन्‍ला कोन्‍छ्‍योककी देसा ति मीतिवी मुला गिवी। तमा खो मीतिवी मुला ज्‍युकिवी। मीतिवा खोकी गिपा च्‍युङ्‍गिवी। खो खुरुङ मीतिवी मुला ज्‍युकिवी, तमा खो ति तिवी कोन्‍छ्‍योक च्‍युङ्‍गिवी।

ज्‍यल्‍का 21:3 Iomraidhean Croise

यूहन्‍ना 1:14

तमा ती सुङ ति मी जुजमला दाक्‍पी पर्ला ज्‍युसुङ। खोकी मोवा ङ्‍यिरा थोङ्‍सुङ, तमा ती मोवा ति कोन्‍छ्‍योककी च्‍यिक राङ वोतुप खोकी सेवुकी मोवा यिनोक। खो ति छासे कटिन ताङ टेङ्‍बुकी क्‍येङ नोक।

यूहन्‍ना 14:23

तमा येशूकी तीला सुङ्‍सुङ, “सी ङला ङ्‍यिङ्‍ज्‍ये किवे, तीकी ङे सिक्‍यावु ताम्‍ङेला ङ्‍येन्‍गिवी। तमा ङे पपी तीला ङ्‍यिङ्ज्‍ये क्‍या नङ्‍गिवी, तमा ङे पपा ताङ ङ ति तीकी चाला गल्‍नी तीकी मुला राङ देतिनो।

२ कोरिन्थी 6:16

कोन्‍छ्‍योककी थु चाङ्‍मा ज्‍युवु ल्‍हङाङ ताङ कुतिवी ति काङ तम्‍जी वे रो? च्‍यिलासिसिन दाक्‍पु ति ङोसु वोतुप कोन्‍छ्‍योककी थु चाङ्‍मा ज्‍युवु ल्‍हङाङ यिन। ती तप्‍की कोन्‍छ्‍योककी सुङला साङ दुक सिनी टि वे, “ङ तिवी मिजीला देतिन, तमा तिवी पर्ला फार छुर कितिन। तमा ङ तिवी कोन्‍छ्‍योक यिन, तिवा ति ङे मीतिवा यिन।”

२ कोरिन्थी 6:18

“तमा ङ ख्‍यिरा पपा यिनो, ख्‍यिराङ ति ङे पुज्‍युङपुमतिवा यिनो। सिनी चोछ्‍ये वोतुप चोवो कोन्‍छ्‍योककी सुङ्‍गिवी।”

१ थेसलोनिकी 3:11

त दाक्‍पी पपा कोन्‍छ्‍योक ताङ चोवो येशू ख्रीष्‍टकी ङ्‍यिराङला ख्‍यिरा चाला वुङ्‍गुप लाम ति पेन नङ्‍शी।

हिब्रू 11:16

बोरु तिवी याङ ती सिनाङ मङ ल्‍यामु वोतुप देवाच्‍येनकी ग्‍येल्‍खापकी कोर्ला छासे नो क्‍यासुङ। तुक क्‍यानी कोन्‍छ्‍योककी तिवाला “ङ तिवी कोन्‍छ्‍योक यिन।” सिनी सुङ्‍गुपला ङोछा मिकिवी। वुतुङ के खोकी तिवी थोक्‍ला ग्‍येसा च्‍यिक टडिक क्‍यानी ज्‍याङ नङ्‍नी वे।

हिब्रू 8:10

येलुङ चोवोकी दुक सुङ्‍सुङ, “ती तुजेकी ज्‍युक्‍ला ङ इस्राएलकी मीतिवी मुला थाक्‍छ्‍येवु ताम्‍ङे च्‍यिक जोयिनो। तिवी नासामला ङ ङे ठिम ति ज्‍याङ तेरिन, तमा तिवी सेमला ति दी ठिमतिवा टिकिनो। तमा ङ ति तिवी कोन्‍छ्‍योक यिनो, तिवा ति ङे ज्‍यिक्‍तेम्‍बातिवा यिनो।

हिब्रू 8:2

ते खो तेरी सिनाङ चाङ्‍मा वोतुप दासाला कोङ्‍यार छ्‍येकी लाका कियी वे। ती दासा ति यहूदीतिवी कोन्‍छ्‍योकला सोवा देकुप कुर यिन। ती ति मीतिवी जोवु मिन, चोवो कोन्‍छ्‍योककी जो नङ्‍गुप वुतुङ्‍की चाङ्‍मा वोतुप दासा यिन।

ज्‍यल्‍का 10:4

ती सम्‍डुक ग्‍यपुप वोरु दिनतिवी वोरु ति मी ताम्‍ङे क्‍यावु दोके कुतुक कुतुक तेन्‍सुङ। ती पेला ङ ति ती ताम्‍ङेतिवा टिकुपला टडिक क्‍यायी। यिने तोजो पेला राङ देवाच्‍येन नेमा “ती सम्‍डुक ग्‍यकुप वोरु दिनतिवी कोर्ला ति छ्‍याकला राङ ज्‍योक। ती ति माटिक!” सिरुप वोरु यी ङे थोसुङ।

ज्‍यल्‍का 10:8

तमा येलुङ देवाच्‍येन नेमा गोमाला ङे थोवु वोरु तीकी ङला “ख्‍युरुङ ग्‍युक, ग्‍येम्‍छो ताङ सला लानी वोतुप देवाच्‍येनकी लेन क्‍योलुप थु तीकी लकला पेनी वोतुप शुकी बिटप ति लो!” सिनी सिक्‍यासुङ।

ज्‍यल्‍का 12:10

ती पेला देवाच्‍येनला दुक सिक्‍यावु वोरु ग्‍येर्पु यी ङे थोसुङ। “त याङ दाक्‍पी कोन्‍छ्‍योककी तेरी मीतिवाला थर्वा नङ्‍गुप ताङ खोकी ङार ताङ ग्‍येल्‍खाप ताङ खोकी पेन नङ्‍गुप ख्रीष्‍टकी ओङ्‍ज्‍येन ति वा वे। च्‍यिलासिसिन तेपा कितुप दाक्‍पी अच्‍युनुपतिवाला ङ्‍यी ताङ नुप्‍ज्‍या कोन्‍छ्‍योककी दोङ्‍ला क्‍येन तेरुप शैतान ति देवाच्‍येन नेमा तेन्‍नी क्‍युर्नी वे।

ज्‍यल्‍का 21:7

सी शैतानकी खला ग्‍येल्‍गिवे, तिवाला ती मोलाम ति तेरी थोप्‍कितो। तमा ङ तिवी कोन्‍छ्‍योक च्‍युङ्‍गितो। तिवा ति ङे पुज्‍युङपुम च्‍युङ्‍गितो।

ज्‍यल्‍का 22:3

ती ग्‍येसाला नाम्‍साङ कोन्‍छ्‍योककी मोताप मिन्‍दुक। ते कोन्‍छ्‍योक ताङ खोकी लुक रुककी ग्‍येल्‍ठिक नोक। तमा खोला शब्‍ज्‍यी कितुप मीतिवी खोला सोवा बुल्‍गिनोक।

ज्‍यल्‍का 7:15

तुक क्‍यानी तिवा कोन्‍छ्‍योककी ग्‍येल्‍ठिककी चिप्‍ला वे। तिवा ङ्‍यी ताङ नुप्‍ज्‍या खोकी ल्‍हङाङला देनी खोला शब्‍ज्‍यी बुल्‍गिवी। तमा ग्‍येल्‍ठिकला ज्‍यु वोतुप तीकी तिवी मुला ज्‍युनी तिवाला र्‍होक्‍टे किवी।