ज्‍यल्‍का 21:23 - कोन्छ्‌योककी सुङ

²³ ती ग्‍येसा ति ठछ्‍येली जोपला ङ्‍यिमा उला काङ साङ मोगोनोक। च्‍यिलासिसिन कोन्‍छ्‍योककी मोवाकी राङ तेकी ग्‍येसा ति ठछ्‍येली डिनोक। तमा ते ठछ्‍येली जोप दिप्‍ली ति लुक रुक राङ यिनोक।

ज्‍यल्‍का 21:23 Iomraidhean Croise

मत्ती 16:27

ङ मी पुज्‍युङ ङे पपी मोवा थोप्‍नी देवाच्‍येनकी लेन क्‍योलुप थुतिवी मुला लोक्‍नी वुङ्‍गिवी, ती पेला तेरी मीतिवा रे रेकी काङ क्‍यावे, तीकी क्‍यावु दोके राङ ङ छ्‍यक्‍तक तेर्किवी।

मर्कूस 8:38

दी शम्‍डेन कितुप ताङ दिक्‍पा वोतुप गिपा नेसुर सी ङ ताङ ङे सुङला ङोछा किवे, ङ मी पुज्‍युङ साङ चाङ्‍मा वोतुप देवाच्‍येनकी लेन क्‍येलुप थुतिवी मुला ङे पपी मोवा थोप्‍नी वुङ्‍गुप पेला तीला ङोछा कितिनो।”

लूका 2:32

दी ति यहूदी मिन्‍दुप मिरिक यम्‍बातिवाला ति चोवोकी लाम छ्‍या देन्‍दुप वोसिर यिन, तमा इस्राएलकी मीतिवाला ति मोवा ङ्‍ये ज्‍यितुप यिन।”

यूहन्‍ना 1:14

तमा ती सुङ ति मी जुजमला दाक्‍पी पर्ला ज्‍युसुङ। खोकी मोवा ङ्‍यिरा थोङ्‍सुङ, तमा ती मोवा ति कोन्‍छ्‍योककी च्‍यिक राङ वोतुप खोकी सेवुकी मोवा यिनोक। खो ति छासे कटिन ताङ टेङ्‍बुकी क्‍येङ नोक।

यूहन्‍ना 1:18

सी साङ नाम्‍साङ कोन्‍छ्‍योकला माथोङ वे। यिने पपा कोन्‍छ्‍योककी मुला च्‍यिक राङ वोतुप खोकी सेवुकी कोन्‍छ्‍योक सु यिन सिरुप ति दाक्‍पुला छ्‍या तेन्‍सुङ।

यूहन्‍ना 1:4

खोरे ज्‍ये नङ्‍गुपतिवा तेरीकी ती सुङ नेसुर मिजी थोप्‍सुङ, ती मिजी ति मीतिवी वोसिर यिनोक।

यूहन्‍ना 1:9

तमा मीतिवा तेरीला ठछ्‍येली तेरुप ती वोसिर टेङ्‍बु ति जम्‍बुलिङला फेपिन नोक।

यूहन्‍ना 17:24

ओ पपा, पपी ङला नङ्‍गुपतिवा साङ ङ वोतुप ते ङे मुला राङ देतुप ङ्‍येशी। तमा जम्‍बुलिङ ज्‍येङ्‍गुप सिनाङ गोमाला के पपी ङला ङ्‍यिङ्‍ज्‍ये क्‍यानी नङ्‍गुप मोवा ति तिवी थोङ्‍शी सिरुप ङे नोवा वे।

यूहन्‍ना 5:23

ती ति तेरीकी पपाला ताङ्‍देन कितुप दोके खोकी पुज्‍युङला साङ ताङ्‍देन किशी सिनी यिन। सी खोकी पुज्‍युङला ताङ्‍देन मिकिवे, पुज्‍युङला तोङ्‍गुप पपाला साङ ताङ्‍देन मिकिवी।

लोमा छ्‍येतिवी लाका 22:11

ती वोसिर ग्‍यपुप तप्‍की ङे काङ साङ माथोङ। ती पेला राङ ङे मुला वोतुप दाल्‍जातिवी ङे लाक्‍पाला जिम्‍नी ङला दमस्‍कसला क्‍याल्‍सुङ।

ज्‍यल्‍का 14:4

ती मीतिवा नाम्‍साङ पुम्‍पेजी मुला शम्‍डेन कितुप लाका माक्‍यानी चाङ्‍मा देतुपतिवा यिनोक। तिवा लुक रुक कनी डिवे, तीकी तिङ्‍ला तिङ्‍योकुपतिवा यिनोक। तिवा ति मीतिवी नाङ ने थर्वा ङ्‍येनी कोन्‍छ्‍योक ताङ लुक रुककी थोक्‍ला थल्‍माकी डेलु दोके च्‍युङ्‍गुप मीतिवा यिनोक।

ज्‍यल्‍का 18:1

ती ज्‍युक्‍ला येलुङ देवाच्‍येन नेमा कोन्‍छ्‍योककी लेन क्‍योलुप थु यम्‍बा च्‍यिक वुङ्‍यिन वोतुप ति ङे थोङ्‍सुङ। ती ति छासे ओङ्‍ज्‍येन ग्‍येर्पु वोतुप नोक। ती नेसुर वुङ्‍गुप वोसिरकी जम्‍बुलिङ तेरी ठछ्‍येली गाल्‍सुङ।

ज्‍यल्‍का 21:11

ती ग्‍येसा ति कोन्‍छ्‍योककी मोवाकी ठछ्‍येली गल्‍नी नोक। ती वोसिर ति ङ्‍यिमा दोके छासे वो ग्‍यकुप ताङ शेल दोके नाङ्‍ला थोङ्‍गुप छासे सल्‍वु नोक।

ज्‍यल्‍का 21:25

ती ग्‍येसाकी गोतिवा ङ्‍यिमा काङ नाम्‍साङ मेच्‍येवी। च्‍यिलासिसिन ते नाम्‍साङ नाम मोल्‍होवी।

ज्‍यल्‍का 22:5

ते नाम्‍साङ नाम मोल्‍होनोक। तिवाला दिप्‍ली ताङ ङ्‍यिमी वो साङ मोगोनोक। च्‍यिलासिसिन चोवो कोन्‍छ्‍योक ति तिवी थोक्‍ला वोसिर यिनोक। ते तिवी नरीकी नरी ग्‍येला किनोक।

ज्‍यल्‍का 5:6

तमा ते ग्‍येल्‍ठिककी दोङ्‍ला लुक रुक च्‍यिक लानी नोक। ती ति गोमाला के सेतुप दोके थोङ्‍गिनोक, यिन्‍सिनाङ तन्‍दा ति सेन्‍बु राङ नोक। तीकी गारी गुरीला सेम्‍ज्‍येन ज्‍यी चोके नोक, तमा सेम्‍ज्‍येन ज्‍यीतिवी गारी गुरीला गोमा कितुप मी छ्‍ये मिरा खल्‍ज्‍यिक ताङ ज्‍यी नोक। ती लुक रुक तीकी ति अर्क्योक दिन ताङ मिक दिन नोक। ती मिक दिन ति तेरी जम्‍बुलिङला तङ्‍गुप कोन्‍छ्‍योककी थु दिन यिनोक।

ज्‍यल्‍का 7:17

च्‍यिलासिसिन ग्‍येल्‍ठिककी पर्ला ज्‍यु वोतुप लुक रुक ति तिवी गोठाला च्‍युङ्‍गिवी। तमा खोकी तिवाला मिजी तेरुप छ्‍यी पुङतिवाला क्‍योल्‍गिवी। तमा कोन्‍छ्‍योककी तिवी मिककी मिक्‍च्‍युर तेरी पिनी तेर्किवी।”