ज्‍यल्‍का 21:22 - कोन्छ्‌योककी सुङ

²² ती ग्‍येसाला कनी साङ ल्‍हङाङ माथोङ। च्‍यिलासिसिन तेकी ल्‍हङाङ ति ङार छ्‍येवु चोवो कोन्‍छ्‍योक ताङ खोकी सेवु लुक रुक राङ यिनोक।

ज्‍यल्‍का 21:22 Iomraidhean Croise

मत्ती 24:2

यिने येशूकी तिवाला सुङ्‍सुङ, “तन्‍दा ख्‍यिरा दी तेरी थोङ्‍सुङ? ङ ख्‍यिराङला टेङ्‍बो सिरिन, देकी दोतिवा च्‍यिक साङ यम्‍बा दोकी खला मालुवा क्‍यानी तेरी र्‍होम्‍गिवी।”

यूहन्‍ना 10:30

ङ ताङ पपा ति च्‍यिक राङ यिन।”

यूहन्‍ना 13:32

दोजो कोन्‍छ्‍योक छासे मोवा वोतुप ति मी पुज्‍युङ नेमा छ्‍या तेन्‍सुङ सिसिन कोन्‍छ्‍योककी साङ मी पुज्‍युङला मोवा वोतुप ति छ्‍या देन्‍गिवी। ती ति खोकी ङमु राङ क्‍या नङ्‍गिवी।

यूहन्‍ना 4:21

तमा येशूकी तीला सुङ्‍सुङ, “ओ नुमो, ङला तेपा की। तुजे यी गितो, ती तुजेला ख्‍यिराङ दी पम्‍दोकला साङ यरूशलेमला साङ कोन्‍छ्‍योकला सोवा मेदेकिवी।

यूहन्‍ना 4:23

कोन्‍छ्‍योकला सोवा देकुपतिवी कोन्‍छ्‍योककी थु चाङ्‍मा ताङ सेम टेङ्‍बो क्‍यानी खोला सोवा देकुप तुजे वुङ्‍यिन वे, तमा ती तुजे ति तन्‍दा राङ यिन। पपा कोन्‍छ्‍योककी टेङ्‍बो क्‍यानी खोला सोवा देकुपतिवाला छोल्‍गिवी।

कलस्सी 1:19

कोन्‍छ्‍योककी नोवाकी राङ ख्रीष्‍ट ति खो ताङ च्‍यिक्‍पा राङ क्‍यानी ज्‍युवु गा लासुङ।

कलस्सी 2:9

च्‍यिलासिसिन कोन्‍छ्‍योकला वोतुप तेरी छाछिङी ति ख्रीष्‍टकी मुला राङ ज्‍यु वे।

ज्‍यल्‍का 1:8

“ङ ति अल्‍फा ताङ ओमेगा यिन।” सिनी तेरी सिनाङ चोछ्‍ये वोतुप चोवो कोन्‍छ्‍योककी सुङ्‍नी वे। खो हारिङ ज्‍यु वे, थल्‍माला साङ ज्‍यु वोतुप यिन, लोङ तिङ्‍ला साङ फेप्‍किवी।

ज्‍यल्‍का 11:17

“ओ, गोमाला नेज्‍यु नरी लुवु ताङ तन्‍दा साङ ज्‍यु वोतुप ओङ छ्‍येवु कोन्‍छ्‍योक, ङ्‍यिराङ कोन्‍छ्‍योकला थुचिछे बुलिन। च्‍यिलासिसिन कोन्‍छ्‍योकला ओङ ग्‍येर्पु वे, तमा जम्‍बुलिङला ग्‍येला कितुप गो चुन नाङ्‍सुङ।

ज्‍यल्‍का 14:4

ती मीतिवा नाम्‍साङ पुम्‍पेजी मुला शम्‍डेन कितुप लाका माक्‍यानी चाङ्‍मा देतुपतिवा यिनोक। तिवा लुक रुक कनी डिवे, तीकी तिङ्‍ला तिङ्‍योकुपतिवा यिनोक। तिवा ति मीतिवी नाङ ने थर्वा ङ्‍येनी कोन्‍छ्‍योक ताङ लुक रुककी थोक्‍ला थल्‍माकी डेलु दोके च्‍युङ्‍गुप मीतिवा यिनोक।

ज्‍यल्‍का 15:3

तमा तिवा दुक सिनी कोन्‍छ्‍योकला शब्‍ज्‍यी कितुप मोशाकी लु ताङ लुक रुकला सोवा देकुप लु लङ्‍गिनोक। “ओ ङार छ्‍येवु चोवो कोन्‍छ्‍योक, चोवोकी क्‍या नङ्‍गुप लाकातिवा चोछ्‍येवु ताङ हलेवु वे। चोवोकी क्‍या नङ्‍गुप लाकातिवा तेरी टेके ताङ टेङ्बु वे। चोवो याङ नरी ग्‍येला कितुप ग्‍येल्‍वु यिन।

ज्‍यल्‍का 16:14

तिवा ति हलेवु त छ्‍या देन्‍दुप डेकी थुतिवा यिनोक। तिवा ङार छ्‍येवु कोन्‍छ्‍योक ताङ मुला मक ग्‍यकुपला जम्‍बुलिङकी ग्‍येल्‍वुतिवा तेरीकी ते गल्‍नी दासा च्‍यिकला जोम्‍गिवी। ती मक ग्‍यकुप तुजे ति कोन्‍छ्‍योककी ठिम क्‍या नङ्‍गुप तुजे ग्‍येर्पु यिन।

ज्‍यल्‍का 16:7

तमा छोठी नेमा दुक सिक्‍यावु ति ङे थोसुङ। “यिन, ङार छ्‍येवु चोवो कोन्छ्‍योक। कोन्‍छ्‍योककी ठिम क्‍या नङ्‍गुप ति वुतुङ के टेङ्बु ताङ टेके यिन।”

ज्‍यल्‍का 19:15

तमा मिरिक कुतुक कुतुककी मीतिवाला बेपुपला खोकी ख नेमा खुर्पा नेन्‍बु च्‍यिक थेन्‍नी नोक। खोकी च्‍याङ्‍युङ थ्‍वोनी लुङ्‍बा कुतुककी मीतिवाला ठिम तोङ्‍गिवी। तमा तोरीकी नुम चिरुप कोलला तोरी लुक्‍नी नुम चिरुप दोके चोछ्‍येवु कोन्‍छ्‍योककी पर्च्या कशेन क्‍यानी तिवाला तेर्किवी।

ज्‍यल्‍का 4:8

ती सेम्‍ज्‍येन ज्‍यिकरकी ति पुशोक टुक टुक नोक। तमा ती पुशोककी गारी गुरीला ताङ जु तेरीला मिक बङी नोक। तिवा ङ्‍यी ताङ नुप्‍ज्‍या दुक सिनी लु ला लावा देकिनोक, “चाङ्‍मा, चाङ्‍मा, चाङ्‍मा! चोछ्‍येवु चोवो कोन्‍छ्‍योक, खो गोमाला ज्‍युन वे, तमा तसाम साङ ज्‍यु वे, ज्‍युक्‍ला सेक नरीकी नरी ज्‍युकिवी।”

ज्‍यल्‍का 5:6

तमा ते ग्‍येल्‍ठिककी दोङ्‍ला लुक रुक च्‍यिक लानी नोक। ती ति गोमाला के सेतुप दोके थोङ्‍गिनोक, यिन्‍सिनाङ तन्‍दा ति सेन्‍बु राङ नोक। तीकी गारी गुरीला सेम्‍ज्‍येन ज्‍यी चोके नोक, तमा सेम्‍ज्‍येन ज्‍यीतिवी गारी गुरीला गोमा कितुप मी छ्‍ये मिरा खल्‍ज्‍यिक ताङ ज्‍यी नोक। ती लुक रुक तीकी ति अर्क्योक दिन ताङ मिक दिन नोक। ती मिक दिन ति तेरी जम्‍बुलिङला तङ्‍गुप कोन्‍छ्‍योककी थु दिन यिनोक।

ज्‍यल्‍का 7:15

तुक क्‍यानी तिवा कोन्‍छ्‍योककी ग्‍येल्‍ठिककी चिप्‍ला वे। तिवा ङ्‍यी ताङ नुप्‍ज्‍या खोकी ल्‍हङाङला देनी खोला शब्‍ज्‍यी बुल्‍गिवी। तमा ग्‍येल्‍ठिकला ज्‍यु वोतुप तीकी तिवी मुला ज्‍युनी तिवाला र्‍होक्‍टे किवी।

ज्‍यल्‍का 7:17

च्‍यिलासिसिन ग्‍येल्‍ठिककी पर्ला ज्‍यु वोतुप लुक रुक ति तिवी गोठाला च्‍युङ्‍गिवी। तमा खोकी तिवाला मिजी तेरुप छ्‍यी पुङतिवाला क्‍योल्‍गिवी। तमा कोन्‍छ्‍योककी तिवी मिककी मिक्‍च्‍युर तेरी पिनी तेर्किवी।”