ज्‍यल्‍का 21:21 - कोन्छ्‌योककी सुङ

²¹ ती गो च्‍यिङ्‍ङीतिवा ति मोती च्‍यिङ्‍ङी नेसुर जोवु नोक। तमा गो रे रेला मोती रे रे जोनी नोक। ती ग्‍येसाकी लामतिवा ति शेल दोके सल्‍वु थोङ्‍गुप सेर ङोमा थ्‍वोनी जोवु नोक।

ज्‍यल्‍का 21:21 Iomraidhean Croise

ज्‍यल्‍का 17:4

ती पुम्‍पेजा तीकी मुक्‍पु ताङ छासे मर्वु वोतुप मज्‍या कोन्‍नी सेर ताङ गोङ नावु यु ताङ मोतीतिवा तानी नोक। तीकी लकला सेरकी कोरा च्‍यिक खुर्नी नोक। ती कोरी नाङ्‍ला क्‍युक्‍टो लङ्‍गुप च्‍यालक ताङ शम्‍डेन क्‍यावु मेचेङ्‍गातिवी क्‍येङ्‍नी नोक।

ज्‍यल्‍का 18:16

“ओए ओए ग्‍येसा ग्‍येर्पु बेबिलोन, ख्‍युरुङ गोङ नावु नेङेनकी रा ताङ रा मुक्‍पु ताङ रा मर्वुकी मज्‍यातिवा कोन्‍नी सेर ताङ गोङ नावु यु ताङ च्‍युरुक तासुङ।

ज्‍यल्‍का 21:15

तमा ङे मुला ताम्‍ङे कितुप तीकी लकला ग्‍येसा ताङ तीकी गोतिवा ताङ दोकर ति तपुपला सेरकी थिक्‍शिङ यी खुर्नी नोक।

ज्‍यल्‍का 21:18

ती दोकर ती बिल्‍लौर सिरुप यु थ्‍वोनी जोवु नोक। तमा ग्‍येसा ति शेल दोके सल्‍वु थोङ्‍गुप सेर ङोमा थ्‍वोनी जोवु नोक।

ज्‍यल्‍का 22:2

ती ग्‍येसाकी लामकी पर नेमा ग्‍युकिनोक। तमा ती चङ्‍बी फला छुला मिजीकी दोङ्‍बु नोक। तीला ल टेङ डेलु नम्‍बा रे रे गोर्किनोक। तमा लो च्‍यिकला नम्‍बा च्‍यिङ्‍ङी डेलु गोर्किनोक। तीकी शोमाक ति मिरिक नम्‍बा कुतुक कुतुककी मीतिवाला टेक ज्‍यितुप मेन यिनोक।

ज्‍यल्‍का 4:6

तमा ग्‍येल्‍ठिककी चिप्‍ला शेल दोके ठछ्‍येली थोङ्‍गुप ग्‍येम्‍छो चेङ्‍गा यी नोक। ग्‍येल्‍ठिककी छो ज्‍यीला उ वोतुप सेम्‍ज्‍येन ज्‍यी चोके नोक। ती सेम्‍ज्‍येनतिवी गोमाला ताङ तिङ्‍ला ल्‍हाप मिक बङी नोक।