ज्‍यल्‍का 21:17 - कोन्छ्‌योककी सुङ

¹⁷ येलुङ ती देवाच्‍येनकी लेन क्‍योलुप थु तीकी दोकर ति ताप्‍सुङ। तमा ती दोकर ति मी ताप्‍नी ल्हावु दोके मिटर खल टुक ताङ ङ थेन्‍बु नोक।

ज्‍यल्‍का 21:17 Iomraidhean Croise

ज्‍यल्‍का 13:18

तीकी थोक्‍ला छासे रिक्‍पा गोकिवी। सी ल्‍यामु क्‍यानी हाक्‍कोवु नोकिवे, तीकी ती सेम्‍ज्‍येनकी अङ्‍टङकी तेन्‍दोक ति हाक्‍कोशी। दी अङ्‍टङ ति मी च्‍यिकला सिक्‍यावु यिन। तीकी अङ्‍टङ ति ६६६ यिन।

ज्‍यल्‍का 14:3

तमा ते १,४४,००० मीतिवी ति ग्‍येल्‍ठिक ताङ सेन्‍बु वोतुप सेम्‍ज्‍येन ज्‍यी ताङ गोमा कितुप मी छ्‍ये मिरा खल ज्‍यिक ताङ ज्‍यीकी दोङ्‍ला लानी लु सम्‍बा यी लासुङ। ती लु ति दी जम्‍बुलिङ ने थर्वा ङ्‍येतुप १,४४,००० मीतिवी मिसिन यम्‍बा सी साङ लोप मुथुप्‍नोक।

ज्‍यल्‍का 21:16

ती ग्‍येसा ति सुर ज्‍यी नोक। तमा शाङ ताङ रिङ्‍दुङ ति च्‍यिक्‍पा राङ नोक। ती देवाच्‍येनकी लेन क्‍योलुप थु तीकी ती ग्‍येसा ति ताप्‍नी ल्‍हासियाङ तीकी शाङ ताङ रिङ्‍दुङ ताङ थुचे ति च्‍यिक्‍पा राङ किलो मिटर तोङ्‍डा ङ्‍यी ताङ सयी ज्‍यी नोक।

ज्‍यल्‍का 21:9

ती पेला तिङ्‍मी तुजेला ख्‍येलुप छेटाङ दिनकी क्‍येङ्‍गुप कोरा दिन खुरुप देवाच्‍येनकी लेन क्‍योलुप थु मिरा दिन ङे थोङ्‍सुङ। तिवी पर्ला मिरा च्‍यिक ति वानी “शोक, ङ ख्‍युरुङला लुक रुककी पेर्मी यिन्‍दुप खोकी नमा छ्‍या देनिन।” सिनी ङला सिक्‍यासुङ।

ज्‍यल्‍का 7:4

ते लज्‍युर ग्‍यपुपतिवा तेरी इस्राएल गिपाकी मिरिक रे रे नेसुर वावु बुङ च्‍यिक ताङ तोङ्‍डा खल ङ्‍यी ताङ ज्यी वोतुप ति ङे थोसुङ।