ज्‍यल्‍का 21:12 - कोन्छ्‌योककी सुङ

¹² ती ग्‍येसाकी गारी गुरीला दोकर थेन्‍बु ताङ ग्‍यिर्पो यी ग्‍यप्‍नी नोक। ती दोकरला गो च्‍यिङ्‍ङी नोक। तमा गो रे रेला र्‍हेन्‍दुप देवाच्‍येनकी लेन क्‍योलुप थु रे रे नोक। ती गोला इस्राएलकी गिपा च्‍यिङ्‍ङीकी मिङतिवा टिनी नोक।

ज्‍यल्‍का 21:12 Iomraidhean Croise

मत्ती 18:10

“ख्‍यिरा दी छ्‍युङातिवी पर्ला च्‍यिकला साङ ङ्‍यप्‍च्‍ये माकिता। ङ ख्‍यिराङला सिरिन, तिवाला ल्‍हाटे कितुप देवाच्‍येनकी लेन क्‍योलुप थुतिवा देवाच्‍येनला ज्‍युनी वोतुप ङे पपी चिप्‍ला देनी खोकी शालला नरी ल्‍हेवी।

लूका 15:10

ङ ख्‍यिराङला सिरिन, दी दोके दिक्‍पा ने खोरो सेम ग्‍युरुप दिक्‍छेन मिरा च्‍यिककी थोक्‍ला कोन्‍छ्‍योककी लेन क्‍योलुप थुतिवा गा किवी।”

लूका 16:22

ज्‍युक्‍ला ती लाङ्‍साप ति शिसुङ, शिसिमा देवाच्‍येनकी लेन क्‍योलुप थुतिवी तीला अब्राहामकी चाला खुर्नी गाल्‍सुङ। ती मी छ्‍युक्‍पु तिङ शिनी मुक्‍तुम ग्‍यप्‍सुङ।

लोमा छ्‍येतिवी लाका 26:7

दाक्‍पी गिपा च्‍यिङ्‍ङीकी मीतिवी ङ्‍यी ताङ नुप्‍ज्‍या सेम च्‍यिक राङ च्‍युङ्‍नी ती कोन्‍छ्‍योककी थाक्‍छ्‍येन नङ्‍गुप ति ङ्‍येतुपला सोवा तेक्‍नी रेवा क्‍यासुङ। ओ ग्‍येल्‍वु, दी रेवाकी थोक्‍ला यहूदीतिवी ङला क्‍येन ग्‍यम वे।

हिब्रू 1:14

ती देवाच्‍येनकी लेन क्‍योलुप थुतिवा ति सु यिन रो? काङ तिवा याङ दिक्‍पा ने थर्वा ङ्‍येतुपतिवाला शब्‍ज्‍यी कितुप थोक्‍ला तङ्‍गुप थुतिवा तिराङ मिन रो?

ज्‍यल्‍का 21:13

तमा शरकी थाकाला गो सुम ताङ ल्‍होकी थाकाला गो सुम ताङ च्‍याङगी थाकाला गो सुम ताङ नुपकी थाकाला गो सुम नोक।

ज्‍यल्‍का 21:15

तमा ङे मुला ताम्‍ङे कितुप तीकी लकला ग्‍येसा ताङ तीकी गोतिवा ताङ दोकर ति तपुपला सेरकी थिक्‍शिङ यी खुर्नी नोक।

ज्‍यल्‍का 21:25

ती ग्‍येसाकी गोतिवा ङ्‍यिमा काङ नाम्‍साङ मेच्‍येवी। च्‍यिलासिसिन ते नाम्‍साङ नाम मोल्‍होवी।

ज्‍यल्‍का 22:14

मिजीकी दोङ्‍बी डेलु थोपुप ताङ ग्‍येसाकी गे नाङ्‍ला शुकुप ओङ थोपुपला खोप्‍रे मज्‍या टुवु दोके क्‍यानी सेम टेङ्‍बु जोपतिवा मोलाम थोपुप यिनो।