ज्‍यल्‍का 21:1 - कोन्छ्‌योककी सुङ

¹ तमा ङे देवाच्‍येन सम्‍बा ताङ जम्‍बुलिङ सम्‍बा थोङ्‍सुङ। ते थल्‍माकी देवाच्‍येन ताङ जम्‍बुलिङ ति तेरी तोर्नी गाल्‍नोक, ग्‍येम्‍छो साङ मोथोङ्‍नोक।

ज्‍यल्‍का 21:1 Iomraidhean Croise

रोमी 8:21

ती रेवा ति खोकी ज्‍ये नङ्‍गुपतिवा तेरी ना डोप ने र्‍होक्‍नी तिवा खोकी पेजातिवाला नङ्‍गुप मोवा वोतुप रङ्‍ज्‍येन थोपुप रेवा यिन।

२ पत्रुस 3:10

यिने चोवोकी तुजे ति कुर्मेन वावु दोके हाक्‍माकोवा क्‍यानी गिवी। ती पेला नाम ति वोरु गिर्पो यी तेन्‍नी ना डिवी, तमा ङ्‍यिमा उला ताङ कर्मातिवा मे रापकी तेरी शिनी डिवी। जम्‍बुलिङ ताङ जम्‍बुलिङला वोतुप तेरी शिनी डिवी।

२ पत्रुस 3:13

यिने दाक्‍पु याङ खोकी थाक्‍छ्‍येन नङ्‍गुप दोके देवाच्‍येन सम्‍बा ताङ जम्‍बुलिङ सम्‍बाकी थोक्‍ला लाम ल्‍हयी वे। ते कोन्‍छ्‍योककी थोङ्‍दाङला टेङ्‍बु वोतुपतिवा तिराङ दे थुप्‍किवी।

ज्‍यल्‍का 13:1

तमा येलुङ ग्‍येम्‍छो नाङ ने सेम्‍ज्‍येन च्‍यिक थेन्‍दुप ति ङे थोङ्‍सुङ। तीकी ति अर्क्योक च्‍यिथम्‍बा ताङ गो दिन चोके नोक। तमा अर्क्योक रे रेला ग्‍येल्‍वी उशाक कोन्‍नोक। तमा ती गो रे रेला कोन्‍छ्‍योकला मारे तोङ्‍गुप मिङ टिनी नोक।

ज्‍यल्‍का 20:11

येलुङ ग्‍येल्‍ठिक कर्मु ग्‍येर्पु यी ताङ तीकी खला ज्‍युवु तीला ङे थोङ्‍सुङ। तमा खोकी दोङ नेमा स ताङ नाम ति तोर्नी गल्‍नी चेयी साङ लुनी वोतुप ति माथोङ।

ज्‍यल्‍का 21:5

तमा ग्‍येल्‍ठिकला ज्‍यु वोतुप तीकी ङला सुङ्‍सुङ। “ल्‍होसा, त याङ ङ देवाच्‍येन ताङ जम्‍बुलिङला वोतुपतिवा तेरी सम्‍बा जोयिनो।” येलुङ खोकी ङला सुङ्‍सुङ, “दी ताम्‍ङेतिवा टिसा। दिवा छासे खोङ्‍तेर्मु ताङ टेङ्‍बु वे।”

ज्‍यल्‍का 6:14

तमा नाम ति शुकी बिटप टिलुप दोके क्‍यानी तोक तोर्सुङ। तेरी टकतिवा ताङ ग्‍येम्‍छो पर्ला वोतुप ग्‍येम्‍छो परकी स कम्‍बुतिवा साङ दाक दाक्‍पी दासा नेसुर पोनी गाल्‍सुङ।