ज्‍यल्‍का 20:5 - कोन्छ्‌योककी सुङ

^5-6 शेप ने सेन्‍बु लावु तङ्‍बु ति दी राङ यिन। थल्‍माला सेन्‍बु लावु मीतिवा मोलाम थोपुप ताङ चाङ्‍मा वोतुप यिन। तिवाला थेङ्‍मा ङ्‍यिवाला शेपकी साङ काङ कि मुथुपी। तिवा कोन्‍छ्‍योक ताङ ख्रीष्‍टकी कोङ्‍यार च्‍युङ्‍नी ख्रीष्‍ट ताङ मुला राङ लो तोङ्‍डा च्‍यिक सेक ग्‍येला किवी। तमा यम्‍बा शेपतिवा ति लो तोङ्‍डा च्‍यिक माछेवा सेक सेन्‍बु मालु।

ज्‍यल्‍का 20:5 Iomraidhean Croise

लूका 14:14

तुक क्‍यासिन ख्‍युरुङला मोलाम थोप्‍किवी, च्‍यिलासिसिन तिवी ख्‍युरुङला किन्‍बा लोक्‍नी तेर मुथुपी। यिने कोन्‍छ्‍योककी थोङ्‍दाङला टेङ्‍बु वोतुपतिवा शेप ने सेन्‍बु लङ्‍गुप पेला कोन्‍छ्‍योककी ख्‍युरुङला किन्‍बा लोक्‍नी नङ्‍गिवी।”

रोमी 11:15

च्‍यिलासिसिन कोन्‍छ्‍योककी यहूदीतिवाला क्‍युर्नी ज्‍याक्‍सिमा जम्‍बुलिङकी मीतिवा कोन्‍छ्‍योककी मुला तम्‍जी ल्‍यामु च्‍युङ्‍गिवी सिसिन, कोन्‍छ्‍योककी तिवाला सेमला लासियाङ मङ तिवाला शेप ने थरुप मिजी मोथोपी रो?

फिलिप्पी 3:11

तमा च्‍युङ्‍सिन ङ शिसिमा शेप ने सेन्‍बु लङ थुप्‍शी।

१ थेसलोनिकी 4:16

च्‍यिलासिसिन चोवो फेपुप पेला क नङ्‍गुप थोर ग्‍येर्पु ताङ देवाच्‍येनकी लेन क्‍योलुप थु छ्‍येकी वोरु ताङ कोन्‍छ्‍योककी ग्‍यङ्‍डा तोङ्‍गुप वोरु ताङ मुला देवाच्‍येन नेमा पाप्‍नी फेप्‍किवी। तमा ख्रीष्‍टला तेपा क्‍यानी शेपतिवा ति गोमाला के सेन्‍बु लङ्‍गिवी।

ज्‍यल्‍का 11:11

यिने ङ्‍यिमा सुम ताङ फेका यी ज्‍युक्‍ला कोन्‍छ्‍योक नेमा वावु मिजीकी उ ति तिवी नाङ्‍ला शुसुङ। तमा तिवी काङ्‍बा चुनी लासुङ। ती थोङ्‍सिमा मीतिवा कशेन ज्‍यिवा क्‍यासुङ।

ज्‍यल्‍का 11:15

येलुङ देवाच्‍येनकी लेन क्‍योलुप थु दिन्‍बा तीकी खोरो ग्‍येलिङ पुसुङ। ती ज्‍युक्‍ला देवाच्‍येन नेमा थोर ग्‍यप्‍नी दुक सिरुप वोरु यी ग्‍येर्पु तेन्‍सुङ, “जम्‍बुलिङकी ग्‍येल्‍खाप ति दाक्‍पी चोवो कोन्‍छ्‍योक ताङ खोकी ख्रीष्‍टकी ग्‍येल्‍खाप च्‍युङ्‍सुङ। त खोकी नरीकी नरी ग्‍येला क्‍या नङ्‍गितो।”