ज्‍यल्‍का 20:2 - कोन्छ्‌योककी सुङ

² तीकी ति तोङगी रुल यिन्‍दुप डुक तीला जिम्‍नी लो तोङ्‍डा च्‍यिककी थोक्‍ला टासुङ। ती डुक तीला डे याङ्‍ना शैतान साङ सिवी।

ज्‍यल्‍का 20:2 Iomraidhean Croise

मत्ती 19:29

तमा सी ङे थोक्‍ला खोरो खाङ्‍बा ताङ अच्‍युनुप ताङ अज्‍यीनुम ताङ पपाआमा ताङ पुज्‍युङपुम ताङ शिङ क्‍युर ज्‍याक्‍नी ङे तिङ्‍ला तिङ्‍योकिवे, तीला तीकी क्‍युर्नी ज्‍यकुप सिनाङ दोम्‍बा सयी मङ ल्‍हक्‍पा थोप्‍किवी, तमा नाम्‍साङ मिशिवु मिजी थोप्‍किवी।

मत्ती 8:29

येशूला थोङ्‍सिमा तिवा च्‍यार ग्‍यकिन सिरा “ओ कोन्‍छ्‍योककी सेवु, ख्‍योरे ति ङ्‍यिरा मुला काङ तम्‍जी वे? ठिमकी तुजे माछेवाला राङ ख्‍युरुङ ङ्‍यिराङला दुक्‍पा तेरुपला फेवु यिन?” सिनी सिक्‍यासुङ।

मर्कूस 4:15

तमा लामला ख्‍येलुप सेन ति दुका मीतिवा दोके यिन। तिवाला कोन्‍छ्‍योककी सुङ ख्‍याप्‍टाक कितुप पेला तिवी थोवु ति थोसुङ, यिने शैतान शार्क्येक वानी तीकी थोवु सुङ ति ठोनी डिवी।

मर्कूस 5:7

तमा थोर ग्‍यप्‍नी, “ओ तेरी सिनाङ चोछ्‍येवु कोन्‍छ्‍योककी सेवु येशू, ख्‍योरे ति ङे मुला काङ तम्‍जी वे? ङला दुक्‍पा मातेर सिनी कोन्‍छ्‍योकला न क्‍योल।” सिनी सिक्‍यासुङ।

यूहन्‍ना 12:31

तन्‍दा ति कोन्‍छ्‍योककी दी जम्‍बुलिङला ठिम कितुप तुजे यिन, त कोन्‍छ्‍योककी दी जम्‍बुलिङला ओङ्ज्‍येन कितुप शैतानला तेन तोङ्‍गिवी।

यूहन्‍ना 16:11

कोन्‍छ्‍योककी ठिमकी कोर्ला ति दी जम्‍बुलिङला ओङ्‍ज्‍येन कितुप शैतानला कोन्‍छ्‍योक नेमा पर्च्या ङ्‍येसुङ सिनी हाक्‍को ज्‍यिकिवी।

रोमी 16:20

तमा लोदिमु नङ्‍गुप कोन्‍छ्‍योककी ङमु राङ शैतानला ख्‍यिरा काङ्‍बी वोक्‍ला लेप ज्‍यिकिवी। दाक्‍पी चोवो येशू ख्रीष्‍टकी कटिन ति ख्‍यिरा मुला नरी लुशिता।

हिब्रू 2:14

ती पुज्‍युङपुमतिवा श ताङ ठकला वोतुप जु यिन्‍दुप तप्‍की खो साङ तिवा दोके श ताङ ठकला वोतुप जु च्‍युङ्‍सुङ। तुक क्‍यानी खो टुङ्‍नी शेपकी ङार वोतुप शैतानला ना ताङ्‍सुङ।

१ पत्रुस 5:8

च्‍याङ्‍से देता, ङ्‍यी मालोक्‍नी देता! च्‍यिलासिसिन ख्‍यिरा ड शैतान ति सुला थेप्‍किवे, तीला साप सिनी वोरुप सेङ्‍गी दोके वोरिन वोतो।

२ पत्रुस 2:4

देवाच्‍येनकी लेन क्‍योलुप थुतिवी दिक्‍पा क्‍यासिमा कोन्‍छ्‍योककी तिवा चुका तीला साङ माज्‍याक्‍नी ङ्‍येलाला क्‍युर्सुङ। तमा खोकी ठिम क्‍या नङ्‍गुप तुजे सेककी थोक्‍ला तिवाला ङ्‍येलाकी नक्‍तोमीला टानी ज्‍याक्‍सुङ।

यहूदा 1:6

तमा खोरो ओङ्‍ज्‍येन सिनाङ पाङ्‍ला डोप ताङ खोप्‍रे दासा क्‍युर्नी ज्‍योकुप देवाच्‍येनकी लेन क्‍योलुप थुतिवाला साङ खोकी ठिम कितुप तुजे ग्‍येर्पु सेककी थोक्‍ला नाम्‍साङ पि मोशोरुप च्‍यातकला टानी नक्‍तोमीला उम ज्‍याक्‍नी वे।

ज्‍यल्‍का 12:13

ती डुक तीकी खुरुङ जम्‍बुलिङला क्‍युरुप हाक्‍कोसिमा ती पुज्‍युङ क्‍येप पुम्‍पेजा तीला दुक्‍पा तेरुपला छाल्‍सुङ।

ज्‍यल्‍का 12:15

तमा ती डुक तीकी ती पुम्‍पेजा तीला ज्‍ये डोशी सिनी ती पुम्‍पेजी तिङ नेसुर खोरो ख नेमा शोतोक दोके छ्‍यु कशेन तेन्‍सुङ।

ज्‍यल्‍का 12:17

ती तप्‍की डुक ति मङ ङ्‍यिर्मु लानी यम्‍बा लुनी वोतुप पुम्‍पेजी गिपातिवाला थमु ग्‍यकुपला गाल्‍सुङ। ती पुम्‍पेजी गिपातिवा ति कोन्‍छ्‍योककी सुङला ङ्‍येन्‍दुप ताङ मीतिवाला येशूकी थोक्‍ला पङ्‍बु तेरुपतिवा यिन।

ज्‍यल्‍का 12:3

येलुङ ङे देवाच्‍येनला यम्‍बा त च्‍यिक साङ थोङ्‍सुङ। ती ति गो दिन ताङ अर्क्योक च्‍यिथम्‍बा वोतुप डुक मर्वु बोम्‍बु यी नोक। तीकी गो रे रेला ग्‍येल्‍वी उशाक रे रे कोन्‍नी नोक।

ज्‍यल्‍का 12:4

तीकी ङमा थ्‍वोनी नामगी कर्मा छो सुमला छो च्‍यिक ति रुनी जम्‍बुलिङला क्‍युर्सुङ। तमा ती पुम्‍पेजाला आङा केलुङ्‍मे ती आङाला मिता तोङ्‍गुप सिनी ती ति आङा क्‍येप छलुप पुम्‍पेजी चिप्‍ला गुनी देसुङ।

ज्‍यल्‍का 12:9

तुक क्‍यानी ती डुक बोम्‍बु ति देवाच्‍येन नेमा जम्‍बुलिङला तेन क्‍युर्सुङ। ती ति थल्‍माकी रुल यिनोक। तीकी मिङ ति दुक्‍टा याङ्‍ना शैतान यिन। तीकी जम्‍बुलिङकी मीतिवाला जिनोक जोनी लाका मेलोवा कि ज्‍यिकिनोक। तीला जम्‍बुलिङला क्‍युरुप पेला तीकी मक्‍मीतिवाला साङ तीकी मुला राङ क्‍युर्सुङ।

ज्‍यल्‍का 13:2

तीकी जु ति जिक दोके नोक। तमा तीकी काङ्‍बातिवा तोमकी काङ्‍बा दोके ताङ ख ति सेङ्‍गी ख दोके नोक। ती डुक तीकी खोरो ङार ताङ ग्‍येल्‍ठिक ताङ ओङ्‍ज्‍येन ग्‍येर्पु ति ती सेम्‍ज्‍येन तीला बिन्‍सुङ।

ज्‍यल्‍का 13:4

ती डुक तीकी खोरो ओङ्‍ज्‍येन ति ती सेम्‍ज्‍येन तीला बिन्‍दुप तप्‍की मीतिवी ती डुक तीला तेन्‍गिनोक। तमा तिवी “दी सेम्‍ज्‍येन दोके याङ यम्‍बा काङ साङ मे। दीकी तेन्‍दोकला सी थमु ग्‍यक थुप्‍किवी रो?” सिनी तीला तेन्‍दुप छाल्‍सुङ।

ज्‍यल्‍का 20:10

तमा तिवाला लुतुप डे ति मे ताङ तुसोक कशेन वोतुप चो दोके वोतुप ते क्‍युर्सुङ। ते ती सेम्‍ज्‍येन ताङ लुङ्‍तेम्‍बा मेटेङ्‍बुतिवा गोमाला के क्‍युर्नी नोक। ते तिवी ङ्‍यी ताङ नुप्‍ज्‍या नरीकी नरी छेटाङ खुर्किवी।

ज्‍यल्‍का 20:7

लो तोङ्‍डा च्‍यिक छेसिमा शैतानला टानी ज्‍यकुप नेसुर पि तोङ्‍गिवी।

ज्‍यल्‍का 9:11

तमा ती छासे तिङ्‍मु वोतुप मुक्‍तुमकी खला ओङ्‍ज्‍येन कितुप देवाच्‍येनकी लेन क्‍योलुप थु तीकी तिवी खला ग्‍येला किनोक। तीकी मिङ ति हिब्रू ताम्‍ङेला एबाड्‍डोन ताङ ग्रीक ताम्‍ङेला अपोल्‍लियोन सिनोक।