ज्‍यल्‍का 20:14 - कोन्छ्‌योककी सुङ

¹⁴ तमा शेप ताङ ङ्‍येला ति मेकी चे नाङ्‍ला क्‍युर्सुङ। दी मेकी चो ति शेप ङ्‍यिवा यिन।

ज्‍यल्‍का 20:14 Iomraidhean Croise

१ कोरिन्‍थी 15:26

तेरी सिनाङ ज्‍युक्‍ला खोकी ना तोङ्‍गुप ड ति शेप यिन।

१ कोरिन्‍थी 15:53

च्‍यिलासिसिन कोन्‍छ्‍योककी ना डोप जुतिवाला ति ना डो मिज्‍यिवी, शिनी डोपतिवाला ति मिशिवु मिजीला फो ज्‍यिकिवी।

ज्‍यल्‍का 1:18

तमा ङोसु वोतुप ति ङ राङ यिन। ल्‍होसा, ङ शिनी साङ नरीकी थोक्‍ला सेन्‍बु लानी वे। सुला छ्‍येर्पा बिन्‍नी ङ्‍येलाला तोङ गोकिवे, ती ओङ्‍ज्‍येन ति ङला वे।

ज्‍यल्‍का 14:10

तिवाला कोन्‍छ्‍योककी ङ्‍यिर्मुकी गुन्‍डुम छ्‍याङ थुङ ज्‍यिकिवी। खो छासे ङ्‍यिर्मु लावु तप्‍की खोकी छासे क्‍यानी पर्च्या तोङ्‍गिवी। तमा तिवा चाङ्‍मा वोतुप देवाच्‍येनकी लेन क्‍योलुप थुतिवा ताङ लुक रुककी दोङ्‍ला मे ताङ तुसोककी नाङ्‍ला छेटाङ खुर्किवी।

ज्‍यल्‍का 19:20

ते ती सेम्‍ज्‍येन ताङ तीकी दोङ्‍ला हलेवु ततिवा छ्‍या देन्‍दुप लुङ्‍तेम्‍बा मेटेङ्‍बु ङ्‍यिकरला जिम्‍सुङ। ती लुङ्‍तेम्‍बा तीकी हलेवु ततिवा छ्‍या तेन्‍नी मीतिवाला ती सेम्‍ज्‍येनकी लज्‍युर ग्‍यक ज्‍यितुप ताङ कुला तेन ज्‍यितुपला लुनोक। तुक क्‍यानी तिवा ङ्‍यिकरला सेन्‍बु राङ मे कशेन बरुप तुसोककी चो दोके वोतुप ते क्‍युर्सुङ।

ज्‍यल्‍का 2:11

कोन्‍छ्‍योककी थु चाङ्‍माकी चर्चतिवाला दुक सुङ्‍नी वे, सी ल्‍यामो क्‍यानी हाक्‍कोवु नोकिवे, तीकी ल्‍यामो क्‍यानी ङ्‍येन्‍शी। सी शैतानकी ओङ्‍ज्‍येनला ग्‍येल्‍गिवे, तीला थेङ्‍मा ङ्‍यिवाला शेपकी साङ ना तोङ मुथुपी।’”

ज्‍यल्‍का 20:10

तमा तिवाला लुतुप डे ति मे ताङ तुसोक कशेन वोतुप चो दोके वोतुप ते क्‍युर्सुङ। ते ती सेम्‍ज्‍येन ताङ लुङ्‍तेम्‍बा मेटेङ्‍बुतिवा गोमाला के क्‍युर्नी नोक। ते तिवी ङ्‍यी ताङ नुप्‍ज्‍या नरीकी नरी छेटाङ खुर्किवी।

ज्‍यल्‍का 20:13

तमा ग्‍येम्‍छोकी ती नाङ्‍ला वोतुप शेपतिवा बिन्‍सुङ, शेप ताङ ङ्‍येलाकी साङ तिवी मुला वोतुप शेपतिवा बिन्‍सुङ। तमा तिवा तेरीला दाक दाक्‍पी लाका ल्‍यामु मेलोवा काङ क्‍यावे, तुकै राङ ठिम क्‍यासुङ।

ज्‍यल्‍का 20:15

मिजीकी थेप नाङ्‍ला मिङ माटिवुतिवा सुला साङ माज्‍याक्‍नी ती मेकी चो वोतुप दासाला क्‍युर्सुङ।

ज्‍यल्‍का 21:4

खोकी मीतिवी मिक नेसुर मिक्‍च्‍युर तेरी पिनी तेर्किवी। तमा तिवा येलुङ नाम्‍साङ मिशिवी। सेम क्‍योके कितुप ताङ ङोप ताङ दुङल साङ मेवी। च्‍यिलासिसिन ती जम्‍बुलिङकी ताम्‍ङे ङि्‍यङ्‍बातिवा तेरी तोर्नी गाल।”

ज्‍यल्‍का 21:8

यिने च्‍ये ङ्‍यिङ दोके वोतुपतिवा ताङ तेपा मिकिवुतिवा ताङ क्‍युक्‍टो लङ्‍गुप लाका कितुपतिवा ताङ मी सेतुपतिवा ताङ शम्‍डेन कितुपतिवा ताङ मो ग्‍यकुपतिवा ताङ ल्‍हलु तेन्‍दुपतिवा ताङ जिनोक जोपतिवा तेरी मे ताङ तुसोक बरिन वोतुप ग्‍येम्‍छोला क्‍युर्कितो। दी ति शेप ङ्‍यिवा यिन।”

ज्‍यल्‍का 6:8

तमा ङे ल्‍हासियाङ त सेर्वु यी साङ थोङ्‍सुङ। ती ते खला शेन्‍दुप तीकी मिङ ति “शेप” यिन्‍नोक। “ङ्‍येला” ति तीकी तिङ तिङ्‍ला डिनोक। तमा तिवाला जम्‍बुलिङ फेकाकी फेका सेककी मीतिवाला खुर्पा ताङ ल्‍होवारे ताङ नेजु मेलोक्‍पा ताङ रितकतिवा नेसुर सेतुप ओङ बिन्‍नोक।