ज्‍यल्‍का 20:13 - कोन्छ्‌योककी सुङ

¹³ तमा ग्‍येम्‍छोकी ती नाङ्‍ला वोतुप शेपतिवा बिन्‍सुङ, शेप ताङ ङ्‍येलाकी साङ तिवी मुला वोतुप शेपतिवा बिन्‍सुङ। तमा तिवा तेरीला दाक दाक्‍पी लाका ल्‍यामु मेलोवा काङ क्‍यावे, तुकै राङ ठिम क्‍यासुङ।

ज्‍यल्‍का 20:13 Iomraidhean Croise

मत्ती 11:23

ओ कफर्नहुम ग्‍येसाकी मीतिवा, ख्‍यिराङ येर देवाच्‍येनला के देकिवी? मिन, ख्‍यिराङ याङ मर ङ्‍येलाला के लुम्‍गिवी। च्‍यिलासिसिन ख्‍यिरा पर्ला क्‍यावु हलेवु लाकातिवा सदोम ग्‍येसाला क्‍यावु यिन्‍सिन ती ग्‍येसा ति हारिङ सेक लुवुजा।

मत्ती 16:27

ङ मी पुज्‍युङ ङे पपी मोवा थोप्‍नी देवाच्‍येनकी लेन क्‍योलुप थुतिवी मुला लोक्‍नी वुङ्‍गिवी, ती पेला तेरी मीतिवा रे रेकी काङ क्‍यावे, तीकी क्‍यावु दोके राङ ङ छ्‍यक्‍तक तेर्किवी।

१ कोरिन्‍थी 15:26

तेरी सिनाङ ज्‍युक्‍ला खोकी ना तोङ्‍गुप ड ति शेप यिन।

ज्‍यल्‍का 1:18

तमा ङोसु वोतुप ति ङ राङ यिन। ल्‍होसा, ङ शिनी साङ नरीकी थोक्‍ला सेन्‍बु लानी वे। सुला छ्‍येर्पा बिन्‍नी ङ्‍येलाला तोङ गोकिवे, ती ओङ्‍ज्‍येन ति ङला वे।

ज्‍यल्‍का 2:23

तुक राङ क्‍यानी तीकी पुज्‍युङपुमतिवाला साङ शि ज्‍यितिनो। तमा मी तेरीकी सेम ताङ नासाम हाक्‍कोवु ति ङ राङ यिनोक सिनी चर्च तेरीकी हाक्‍कोकितो। तमा ङ ख्‍यिराङला लाका ल्‍यामु क्‍यावुतिवाला छ्‍यक्‍तक ल्‍यामु तेरिनो, लाका मेलोवा कितुपतिवाला पर्च्या तोङ्‍यिनो।

ज्‍यल्‍का 20:12

तमा शेप छ्‍ये ताङ छ्‍युङातिवा तेरी ग्‍येल्‍ठिककी चिप्‍ला लानी देतुप ताङ थेपतिवा लोकुप ति ङे थोङ्‍सुङ। ते यम्‍बा थेप यी साङ लोक्‍सुङ। ती ति मिजीकी थेप नोक। ती थेपतिवी नाङ्‍ला टिवु दोके तिवी चुका लाका क्‍यावे, तुकै राङ क्‍यानी तिवाला ठिम क्‍यासुङ।

ज्‍यल्‍का 20:14

तमा शेप ताङ ङ्‍येला ति मेकी चे नाङ्‍ला क्‍युर्सुङ। दी मेकी चो ति शेप ङ्‍यिवा यिन।

ज्‍यल्‍का 21:4

खोकी मीतिवी मिक नेसुर मिक्‍च्‍युर तेरी पिनी तेर्किवी। तमा तिवा येलुङ नाम्‍साङ मिशिवी। सेम क्‍योके कितुप ताङ ङोप ताङ दुङल साङ मेवी। च्‍यिलासिसिन ती जम्‍बुलिङकी ताम्‍ङे ङि्‍यङ्‍बातिवा तेरी तोर्नी गाल।”

ज्‍यल्‍का 6:8

तमा ङे ल्‍हासियाङ त सेर्वु यी साङ थोङ्‍सुङ। ती ते खला शेन्‍दुप तीकी मिङ ति “शेप” यिन्‍नोक। “ङ्‍येला” ति तीकी तिङ तिङ्‍ला डिनोक। तमा तिवाला जम्‍बुलिङ फेकाकी फेका सेककी मीतिवाला खुर्पा ताङ ल्‍होवारे ताङ नेजु मेलोक्‍पा ताङ रितकतिवा नेसुर सेतुप ओङ बिन्‍नोक।