ज्‍यल्‍का 20:11 - कोन्छ्‌योककी सुङ

¹¹ येलुङ ग्‍येल्‍ठिक कर्मु ग्‍येर्पु यी ताङ तीकी खला ज्‍युवु तीला ङे थोङ्‍सुङ। तमा खोकी दोङ नेमा स ताङ नाम ति तोर्नी गल्‍नी चेयी साङ लुनी वोतुप ति माथोङ।

ज्‍यल्‍का 20:11 Iomraidhean Croise

मत्ती 11:22

यिने ङ ख्‍यिराङला सिरिन, कोन्‍छ्‍योककी ठिम तोङ्‍गुप तिङ्‍मी तुजेला टुरोस ताङ सीदोन ग्‍येसाकी मीतिवा ख्‍यिराङ सिनाङ मङ हम क्‍यानी दे थुप्‍किवी।

मत्ती 24:35

स ताङ नाम ति तोर्नी डिवी, यिने ङे सिक्‍यावु ताम्‍ङेतिवा ति नाम्‍साङ तोर्नी मोडोवी।”

मत्ती 25:31

“ङ मी पुज्‍युङ तेरी देवाच्‍येनकी लेन क्‍योलुप थुतिवी मुला खोरो मोवाला वुङ्‍गुप पेला ङ ति खोरो ग्‍येल्‍ठिकला देकितो।

रोमी 2:5

ख्‍योरो सेम क्‍योङ्‍बु वोतुप ताङ दिक्‍पा ने ग्‍युरुप सेम मेतुप तप्‍की कोन्‍छ्‍योककी मी रे रेला च्‍योङ्‍डा वोतुप टेङ्‍बुकी ठिम क्‍या नङ्‍गुप तुजेला खोकी पर्च्या ति ख्‍युरुङला मङ मङ फोकितो।

२ पत्रुस 3:7

दी कोन्‍छ्‍योककी सुङगी राङ तसाम पेलाकी नाम ताङ जम्‍बुलिङ ति मे नाङ्‍ला ना तोङ्‍गुपला र्‍होक्‍नी ज्‍याङ वे। तमा खोकी सुङला मुयुकुप मीतिवाला ठिम कितुप तुजे सेककी थोक्‍ला सानी ज्‍याङ वे।

ज्‍यल्‍का 12:8

यिने ती डुक ताङ तीकी मक्‍मीतिवा तेरी फम्‍नी तिवा देवाच्‍येनला देतुप दासा साङ माङ्‍ये।

ज्‍यल्‍का 16:20

तमा ग्‍येम्‍छो पर्ला वोतुप ग्‍येम्‍छो परकी स कम्‍बु दासा साङ तोर्नी गाल्‍सुङ, टकतिवा साङ तानी गाल।

ज्‍यल्‍का 19:11

येलुङ देवाच्‍येन सेवु ताङ देवाच्‍येनला त कर्मु यी वोतुप ति ङे थोङ्‍सुङ। ती ते खला शेन्‍दुप तीकी मिङ ति खोङ्‍तेर्मु ताङ टेङ्‍बु सिनी सिवी। खोकी मी सुला साङ ख्‍ये मापेनी ठिम क्‍या नङ्‍गिनोक। तमा डतिवी मुला मक ग्‍यकुप पेला साङ ठिम टेङ्‍बु क्‍या नङ्‍गिनोक।

ज्‍यल्‍का 20:2

तीकी ति तोङगी रुल यिन्‍दुप डुक तीला जिम्‍नी लो तोङ्‍डा च्‍यिककी थोक्‍ला टासुङ। ती डुक तीला डे याङ्‍ना शैतान साङ सिवी।

ज्‍यल्‍का 21:1

तमा ङे देवाच्‍येन सम्‍बा ताङ जम्‍बुलिङ सम्‍बा थोङ्‍सुङ। ते थल्‍माकी देवाच्‍येन ताङ जम्‍बुलिङ ति तेरी तोर्नी गाल्‍नोक, ग्‍येम्‍छो साङ मोथोङ्‍नोक।

ज्‍यल्‍का 21:5

तमा ग्‍येल्‍ठिकला ज्‍यु वोतुप तीकी ङला सुङ्‍सुङ। “ल्‍होसा, त याङ ङ देवाच्‍येन ताङ जम्‍बुलिङला वोतुपतिवा तेरी सम्‍बा जोयिनो।” येलुङ खोकी ङला सुङ्‍सुङ, “दी ताम्‍ङेतिवा टिसा। दिवा छासे खोङ्‍तेर्मु ताङ टेङ्‍बु वे।”

ज्‍यल्‍का 4:2

तमा कोन्‍छ्‍योककी थु चाङ्‍माकी ङला क्‍येङ्‍नी ङे देवाच्‍येनला ग्‍येल्‍ठिक यी वोतुप थोङ्‍सुङ। ती ग्‍येल्‍ठिककी खला मिरा च्‍यिक ज्‍युनोक।

ज्‍यल्‍का 6:14

तमा नाम ति शुकी बिटप टिलुप दोके क्‍यानी तोक तोर्सुङ। तेरी टकतिवा ताङ ग्‍येम्‍छो पर्ला वोतुप ग्‍येम्‍छो परकी स कम्‍बुतिवा साङ दाक दाक्‍पी दासा नेसुर पोनी गाल्‍सुङ।