ज्‍यल्‍का 20:1 - कोन्छ्‌योककी सुङ

¹ ती ज्‍युक्‍ला शाप मेतुप मुक्‍तुम तिङ्‍मुकी लिमी ताङ च्‍यातक ग्‍येर्पु च्‍यिक लकला खुरुप देवाच्‍येनकी लेन क्‍योलुप थु मिरा च्‍यिक देवाच्‍येन नेमा पाम वावु ति ङे थोङ्‍सुङ।

ज्‍यल्‍का 20:1 Iomraidhean Croise

लूका 8:31

डेतिवी खोरुङला ङ्‍येलाला मातोङ सिनी येशूला गोङ्‍बा शुसुङ।

२ पत्रुस 2:4

देवाच्‍येनकी लेन क्‍योलुप थुतिवी दिक्‍पा क्‍यासिमा कोन्‍छ्‍योककी तिवा चुका तीला साङ माज्‍याक्‍नी ङ्‍येलाला क्‍युर्सुङ। तमा खोकी ठिम क्‍या नङ्‍गुप तुजे सेककी थोक्‍ला तिवाला ङ्‍येलाकी नक्‍तोमीला टानी ज्‍याक्‍सुङ।

यहूदा 1:6

तमा खोरो ओङ्‍ज्‍येन सिनाङ पाङ्‍ला डोप ताङ खोप्‍रे दासा क्‍युर्नी ज्‍योकुप देवाच्‍येनकी लेन क्‍योलुप थुतिवाला साङ खोकी ठिम कितुप तुजे ग्‍येर्पु सेककी थोक्‍ला नाम्‍साङ पि मोशोरुप च्‍यातकला टानी नक्‍तोमीला उम ज्‍याक्‍नी वे।

ज्‍यल्‍का 1:18

तमा ङोसु वोतुप ति ङ राङ यिन। ल्‍होसा, ङ शिनी साङ नरीकी थोक्‍ला सेन्‍बु लानी वे। सुला छ्‍येर्पा बिन्‍नी ङ्‍येलाला तोङ गोकिवे, ती ओङ्‍ज्‍येन ति ङला वे।

ज्‍यल्‍का 10:1

येलुङ यम्‍बा ङार छ्‍येवु देवाच्‍येनकी लेन क्‍योलुप थु च्‍यिक देवाच्‍येन नेमा पाम वुङ्‍यिन कितुप ति ङे थोङ्‍सुङ। तीकी जु ति मुक्‍पी कोरुप ताङ गोला ति ज्‍य सुकुप दोके नोक। तीकी ङुतुङ ति ङ्‍यिमा दोके नोक, काङ्‍बातिवा ति कज्‍यु दोके मे मेलाप नोक।

ज्‍यल्‍का 18:1

ती ज्‍युक्‍ला येलुङ देवाच्‍येन नेमा कोन्‍छ्‍योककी लेन क्‍योलुप थु यम्‍बा च्‍यिक वुङ्‍यिन वोतुप ति ङे थोङ्‍सुङ। ती ति छासे ओङ्‍ज्‍येन ग्‍येर्पु वोतुप नोक। ती नेसुर वुङ्‍गुप वोसिरकी जम्‍बुलिङ तेरी ठछ्‍येली गाल्‍सुङ।

ज्‍यल्‍का 20:3

तीला टानी शाप मेतुप मुक्‍तुम तिङ्‍मुला क्‍युर्सुङ। तमा लो तोङ्‍डा च्‍यिक माछेवा सेक मिरिक मिरिककी मीतिवाला तीकी लुतुप मेङ्‍येशी सिनी ती मुक्‍तुम तिङ्‍मुकी गो ति च्‍येनी तीला लज्‍युर ग्‍यप्‍नी ज्‍याक्‍सुङ। ती ज्‍युक्‍ला लो तोङ्‍डा च्‍यिक छेसिमा तिराङ तीला चेयी पर सेक पि तोङ गोकिनोक।