ज्‍यल्‍का 2:4 - कोन्छ्‌योककी सुङ

⁴ यिन्‍सिनाङ ख्‍योरो तेन्‍दोकला ङे सि गोवु ताम्‍ङे च्‍यिक वे। ती ति काङ यिन सिसिन ख्‍योरो ङला गोमाला दोके ङ्‍यिङ्‍ज्‍ये कितुप क्‍युर्नी ज्‍याक्‍सुङ।

ज्‍यल्‍का 2:4 Iomraidhean Croise

मत्ती 25:7

ती वोर थोसिमा तिवा तेरी ङ्‍यी छेनी खोप्‍राङ लोला खुरुप दिप्‍लीतिवा नाप टुलुप छाल्‍सुङ।

फिलिप्पी 1:9

ख्‍यिरा रिक्‍पा ताङ ल्‍यामु मेलोवा काङ यिन सिरुप ति हाक्‍कोनी ख्‍यिरा ङ्‍यिङ्‍ज्‍ये ति मङ मङ फेलिन डोशी सिनी ङ मोपोर कितिन।

२ थेसलोनिकी 1:3

अच्‍युनुपतिवा, ख्‍यिरा थोक्‍ला ङ्‍यिराङ नरी कोन्‍छ्‍योकला थुचिछे बुल राङ गोकिवी। च्‍यिलासिसिन ख्‍यिरा येशूला क्‍यावु तेपा ति ङ्‍यिमा तक्‍पा रम्‍बु डोयी वे। तमा ख्‍यिरा च्‍यिककी च्‍यिकला मङ मङ ङ्‍यिङ्‍ज्‍ये साङ छासे कियी वे।

ज्‍यल्‍का 2:14

यिन्‍सिनाङ ख्‍योरो तेन्‍दोकला ङे ताम्‍ङे चेयी सि गोवु वे। ती ति काङ यिन सिसिन ख्‍यिरा पर्ला ललाइ मीतिवा बालामकी येन्‍देनला ङ्‍येन्‍गिवी। ती बालामकी इस्राएल मीतिवाला दिक्‍पा कि ज्‍यितुपला ग्‍येल्‍वु बालाकला लाप्‍नी ल्‍हला पुलुप समातिवा साप ताङ शम्‍डेन कितुप जोसुङ।

ज्‍यल्‍का 2:20

यिन्‍सिनाङ ख्‍योरो तेन्‍दोकला ङे सि गोवु ताम्‍ङे च्‍यिक वे। ख्‍युरुङ ईजेबेल पुम्‍पेजी सिक्‍यावु खला ङ्‍येन्‍गिनोक। तीकी खुरुङ ति नम्‍दर शेतुप यिन सिनी सिनोक, यिने ङला शब्‍ज्‍यी कितुपतिवाला ति शम्‍डेन कितुप ताङ कुतिवाला पुलुप समा सोसिन गिवी सिनी लोप्‍किनोक।