ज्‍यल्‍का 2:3 - कोन्छ्‌योककी सुङ

³ तमा ख्‍योरो हम क्‍या देतुप ताङ ङे थोक्‍ला छेटाङ खुरुप ताङ ख्‍योरो ङला क्‍युर्नी माज्‍यकुप साङ ङला छ्‍या वे।

ज्‍यल्‍का 2:3 Iomraidhean Croise

मर्कूस 15:21

तमा मक्‍मीतिवी येशूला टिनी डोयी कितुप पेला सिमोन सिरुप छ्‍यिग्‍यपकी कुरेनी ग्‍येसाकी मी यी ती लामला वुङ्‍यिन कितुप ठेसुङ। ती ति अलेक्‍जेन्‍डर ताङ रुफसकी पपा यिनोक। मक्‍मीतिवी येशूला कल्‍नी सेतुप ग्‍यङ्‍शिङ ति तीला कार क्‍यानी खुर च्‍यिसुङ।

लूका 14:27

सु खोरो ग्‍यङ्‍शिङ खुर्नी ङे तिङ्‍ला तिङ मोङ्‍योक वे, ती ति ङे लोमा च्‍युङ मुथुपी।

लूका 18:1

ती ज्‍युक्‍ला येशूकी खोरो लोमातिवाला नरी मोपोर कि गोकिवी, तमा यी छ्‍येता कितुप मेङ्‍गिवी सिरुप कोर्ला खोकी दुका पे यी सुङ्‍सुङ,

लूका 21:19

ख्‍यिराङ हम क्‍या देसिन ख्‍यिराङला नाम्‍साङ मिशिवु मिजी ङ्‍येकितो।”

लूका 5:5

तमा सिमोनकी सिक्‍यासुङ, “गेकेन, ङ्‍यिरे नुप सिर चो टेमु क्‍यासिनाङ ङ्‍या च्‍यिक साङ जिम माथुप। यिने गेकेनकी दुक सुङ्‍गुप तप्‍की ङ जाल ग्‍यकिन।”

लूका 8:15

तमा स ल्‍यामुला ख्‍येलुपतिवा ति दिवा राङ यिन। तिवा सेम टेङ्‍बु ताङ ल्‍यामु क्‍यानी सुङ ङ्‍येन्‍नी ती सुङ ति नरी सेमला ज्‍याक्‍नी हम क्‍यान देनी डेलु गोर्किवी।”

यूहन्‍ना 15:21

तमा ख्‍यिराङ ङे तिङ्‍ला तिङ्‍योकुप तप्‍की तिवी ख्‍यिराङला तुका छेटाङ तेर्किवी। ती ति ङला तोङ्‍गुप तीला तिवी ङो माशेवु तप्‍की यिन।

रोमी 12:12

कोन्‍छ्‍योककी ख्‍यिराङला नङ्‍गुप रेवाला ख्‍यिराङ लोदिमु क्‍यानी दे, छेटाङला ख्‍येलुप पेला हम क्‍यानी दे, नरी कोन्‍छ्‍योकला मोपोर की।

रोमी 16:12

चोवो येशूकी थोक्‍ला छासे टेमु कितुप नुम तुर्फेना ताङ त्रोफोसाला साङ टसी देलेक वोतो सिनी सिसा। तमा नुम परसीसला साङ टसी देलेक वोतो सिनी सिसा। तीकी साङ चोवो येशूकी थोक्‍ला छासे टेमु क्‍यासुङो।

रोमी 2:7

छेटाङ ख्‍येल्‍सिनाङ हम क्‍यानी लाका ल्‍यामु कितुप ताङ कोन्‍छ्‍योककी थोक्‍ला मोवा ताङ ताङ्‍देन क्‍यानी खोकी मिङला नाम्‍साङ मिशिवु मिजी छोलुपतिवाला खोकी नाम्‍साङ मिशिवु मिजी नङ्‍गिवी।

रोमी 8:25

यिने दाक्‍पु मिककी मोथोङ्‍गुप च्‍यालकला रेवा किवी सिसिन ती रेवा क्‍यावु ति माथोपा सेक हम क्‍यानी गुनी दे गोकिवी।

१ कोरिन्‍थी 13:7

सेमला ङ्‍यिङ्‍ज्‍ये वोतुप मी तीकी तेरी ताम्‍ङेला छेटाङ वोसिनाङ हम क्‍यानी देकिवी, तेरी ताम्‍ङेला तेपा किवी, तेरी ताम्‍ङेला रेवा किवी, तमा नरी ताम्‍ङेला डेकला देकिवी।

१ कोरिन्‍थी 16:16

ख्‍यिराङ तुका टेमु कितुप मीतिवा ताङ तिवी मुला राङ शब्‍ज्‍यी कितुप मी तेरीकी ओङला दे सिनी ङ ख्‍यिराङला ठाकुरे सिरिन।

२ कोरिन्थी 10:15

ङ्‍यिराङ ती ओङ्‍ज्‍येनला वोतुप सिनाङ ताम्‍ङे ल्‍हक्‍पा जोनी मी यम्‍बी क्‍यावु लाकाला तेके मिकी, यिने ख्‍यिराङ मङ मङ तेपा कियी गल्‍नी ङ्‍यिरा कोन्‍छ्‍योककी सुङ ख्‍याप्‍टाक कितुप लाका साङ ख्‍यिरा नाङ्‍ला मङ ल्‍हक्‍पा फर्नी डिवी सिरुप ति ङ्‍यिरा रेवा यिन।

२ कोरिन्थी 11:23

काङ तिवा ख्रीष्‍टकी थोक्‍ला शब्‍ज्‍यी कितुप मी यिन रो? ङ ङ्‍येन्‍बु दोके ताम्‍ङे किवी, ङ याङ मङ ख्रीष्‍टकी थोक्‍ला शब्‍ज्‍यी कितुप मी यिन। ङे छासे हुर्ताक क्‍यायी, ङ चोन्‍खाङला साङ थेङ्‍मा अलायी शोरुप यिन, तल्‍ज्‍येक साङ बङी ग्‍यप्‍सुङ, थेङ्‍मा बङी शेप ते ख्‍येल्‍सुङ।

२ कोरिन्थी 4:1

तुक क्‍यानी कोन्‍छ्‍योककी ङ्‍यिराङला च्‍यम्‍बा क्‍यानी खोला शब्‍ज्‍यी कितुप ती लाका नङ्‍गुप तप्‍की ङ्‍यिराङ यिछ्‍येता कि मोगोवी।

२ कोरिन्थी 4:16

तुक क्‍यानी ङ्‍यिराङ नाम्‍साङ यिछ्‍येता मिकिवी। ङ्‍यिरा जु ति काङ कि मुथुवु गल्‍सिनाङ ङ्‍यिरा सेम ति मङ मङ रम्‍बु डोयी वे।

२ कोरिन्थी 5:9

तुक क्‍यानी दाक्‍पु दी जुला देसिनाङ दी जु क्‍युर ज्‍याक्‍नी देसिनाङ चोवो येशूला तिराङ गा लोङ्‍गुप नोवा वे।

२ कोरिन्थी 6:5

मीतिवी दुसिनाङ, चोन्‍खाङला उप्‍सिनाङ, मीतिवा ङ्‍यिरा तेन्‍दोकला लानी हराङ हुरुङ क्‍यासिनाङ, छासे लाका हुर्ताक कि गोसिनाङ, ङ्‍यिलोकुप माङ्‍येसिनाङ, ल्‍होतुङ्‍बा दे गोसिनाङ,

गलाती 6:2

ख्‍यिराङ च्‍यिककी च्‍यिकला दुक्‍पा ख्‍येलुप पेला ख्रीष्‍टकी सुङ्‍गुप ठिमला वोतुप दोके च्‍यिककी च्‍यिकला दाल्‍जा किसा।

गलाती 6:9

दाक्‍पु मी यम्‍बी थोक्‍ला लाका ल्‍यामु कितुपला नाम्‍साङ येन छ्‍येतुप ताङ यिछ्‍येतुप मेङ्‍गिवी, च्‍यिलासिसिन तुजे छेसिमा ङक थुप्‍किवी।

फिलिप्पी 2:16

मिजीकी सुङला ख्‍यिराङ रम्‍बु क्‍यानी देता, तमा ङे लाका ताङ हुर्ताक क्‍यावु ति तेर्मेला मोडोवी। तुक क्‍यासिन ख्रीष्‍ट फेवु तुजेला ख्‍यिराङ को छ्‍येवु तप्‍की ङे सेमला छासे गा लङ्‍गिवी।

फिलिप्पी 4:3

ङ ताङ मुला लाका ल्‍यामु कितुप दाल्‍जो, ङ ख्‍युरुङला साङ सिरिन। ती आम्‍पुमतिवाला दाल्‍जा किटे किसा। च्‍यिलासिसिन ङ लेन ल्‍यामु ख्‍याप्‍टाक कितुप पेला तिवी क्‍लेमेस ताङ ङे मुला वोतुप यम्‍बा दाल्‍जातिवी मुला लाका टेमु क्‍यासुङ। तमा कोन्‍छ्‍योककी तिवी मिङ ति खोकी मिजीकी थेप नाङ्‍ला टि वे।

कलस्सी 1:11

तमा कोन्‍छ्‍योककी मोवा वोतुप ङार नेसुर ख्‍यिराङ रम्‍बु च्‍युङ्‍गिवी। तुक क्‍यासिन ख्‍यिराङ तेरी ताम्‍ङेला गा क्‍यानी डेकला देतुप ताङ हम क्‍यानी दे थुप्‍किवी।

१ थेसलोनिकी 1:3

च्‍यिलासिसिन दाक्‍पी पपा कोन्‍छ्‍योककी थोङ्‍दाङला ख्‍यिरा लाका खोङ्‍तेर्मु क्‍यावु ताङ मी यम्‍बाला ङ्‍यिङ्‍ज्‍ये क्‍यावु ताङ चोवो येशू ख्रीष्‍टला रेवा क्‍यानी गुन देतुप तप्‍की यिन।

१ थेसलोनिकी 2:9

अच्‍युनुपतिवा, ङ्‍यिरा हुर्ताक क्‍यानी रङगी टेमु क्‍यावु याङ ख्‍यिराङला छ्‍या राङ वे। ख्‍यिराङ सुला साङ काले मेख्‍येल्‍शी सिनी ङ्‍यिरा ङ्‍यी ताङ नुप्‍ज्‍या लाका बङी क्‍यानी कोन्‍छ्‍योककी लेन ल्‍यामु ति ख्‍यिरा पर्ला ख्‍याप्‍टाक क्‍यायिन।

१ थेसलोनिकी 5:12

अच्‍युनुपतिवा, ख्‍यिराङला ङ्‍यिराङ ठाकुरे सिनी गोङ्‍बा शोयी। ख्‍यिरा पर्ला टेमु क्‍यानी ख्रीष्‍टकी ओङला गोमा कितुप ताङ टोङ्‍गु तेरुपतिवाला ताङ्‍देन की।

२ थेसलोनिकी 3:13

अच्‍युनुपतिवा, ख्‍यिराङ ति लाका ल्‍यामु कितुपला यिछ्‍येता माकी।

२ थेसलोनिकी 3:5

कोन्‍छ्‍योककी ख्‍यिराङला चुक क्‍यानी ङ्‍यिङ्‍ज्‍ये क्‍या नङ्‍गुप ताङ ख्रीष्‍टकी चो छेटाङ ख्‍येल्‍सिनाङ हम क्‍या देतुप ति ख्‍यिरा सेमला ल्‍यामो क्‍यानी हाक्‍कोवुला गोमा किशी।

२ थेसलोनिकी 3:8

सी समा साङ तुक राङ मासो, यिने ख्‍यिराङला कले मेख्‍येल्‍शी नोनी ङ्‍यी ताङ नुप्‍ज्‍या हुर्ताक क्‍यानी रङगी टेमु क्‍यानी लाका क्‍यायी।

१ तिमोथी 4:10

तीकी थोक्‍ला राङ दाक्‍पु हुर्ताक ताङ टेमु कियी वे, च्‍यिलासिसिन दाक्‍पी रेवा ति ङोसु वोतुप कोन्‍छ्‍योकला वे। खो ति मी तेरीकी कोन्‍छ्‍योक यिन, खोकी खक्‍छ्‍येवुला तेपा कितुप मीतिवाला दिक्‍पा ने थर ज्‍यिकिवी।

१ तिमोथी 5:17

चर्चला ल्हाटे क्‍यानी गोमा कितुप मीतिवाला तेरीकी दोम्‍बा ङ्‍यी ताङ्‍देन कि गोकिवी। खक्‍छ्‍येवुला कोन्‍छ्‍योककी सुङ ख्‍याप्‍टाक कितुप ताङ लोपुप मीतिवाला मङ ताङ्‍देन की।

हिब्रू 10:36

तमा कोन्‍छ्‍योककी नोवाला वोतुप ति तेरी डुप्‍सिमा खोकी ख्‍यिरा थोक्‍ला थाक्‍छ्‍येन नङ्‍गुप ति थोपुपला ख्‍यिराङ नरी हम क्‍यानी दे गोकिवी।

हिब्रू 12:1

दाक्‍पी गारी गुरीला कोन्‍छ्‍योकला तेपा कितुप कोर्ला पङ्‍बु तेरुप मीतिवा छासे मङ्‍मु वे। तुक क्‍यानी दाक्‍पी मिजीला तोक्‍सा छोकुपतिवा ताङ दाक्‍पुला क्‍येक्‍नी ज्‍योकुप दिक्‍पातिवा क्‍युर ज्‍यकुप, तमा दाक्‍पु लेप गोवु थाकाला तिराङ ल्‍हानी हम क्‍यानी छ्‍योङ्‍बाल ग्‍यकुप।

हिब्रू 13:13

ती दोके दाक्‍पु साङ मीतिवा देतुप दासा नेसुर फिला येशूकी चिप्‍ला डोप। तमा दाक्‍पु साङ खोकी दोके मीतिवी मारे तङ्‍सिनाङ हम क्‍यानी देतुप।

हिब्रू 6:10

ख्‍यिरा यम्‍बा तेपा कितुपतिवाला शब्‍ज्‍यी क्‍यासुङ, तमा तरोङ साङ कियी वे। कोन्‍छ्‍योक ति मीला ख्‍ये मापेवा क्‍यानी ठिम क्‍या नङ्‍गुप कोन्‍छ्‍योक यिन। खोला तेपा कितुपतिवाला ख्‍यिरा शब्‍ज्‍यी क्‍यावु ताङ ङ्‍यिङ्‍ज्‍ये क्‍यावु ति खोकी मेज्‍येवी।

हिब्रू 6:12

ख्‍यिराङ छेरा माकी, यिने खोला तेपा कितुप ताङ हम क्‍या देनी खोकी थाक्‍छ्‍येन नङ्‍गुप ति थोपुप मीतिवा दोके च्‍युङ्‍शी सिरुप ति ङ्‍यिरा नोवा वे।

हिब्रू 6:15

तमा अब्राहामकी कोन्‍छ्‍योककी कला ङ्‍येन्‍नी हम क्‍यानी गुनी देतुप तप्‍की अब्राहामला खोकी थाक्‍छ्‍येन नङ्‍गुप मोलाम ति तेरी थोप्‍सुङ।

२ पत्रुस 1:6

रिक्‍पा थोप्‍सिमा डेकला दे गोकिवी, डेकला देसिमा हम क्‍या दे गोकिवी, हम क्‍या देसिमा ख्‍यिराङ खोरो सेमगी दिङ नेज्‍युनी कोन्‍छ्‍योककी सुङला युक गोकिवी,

ज्‍यल्‍का 1:9

ङ यूहन्‍ना ति ख्‍यिराङ दोके येशू ख्रीष्‍टला तेपा कितुप अच्‍यु यिन। ङ साङ ख्‍यिरा मुला राङ खोकी ग्‍येल्‍खापला दे छ्‍योवु च्‍युङ्‍गुपला छेटाङ दुङल खुरुप ताङ हम क्‍यानी देनी वे। ङे कोन्‍छ्‍योककी सुङ ख्‍याप्‍टाक क्‍यावु ताङ येशू ख्रीष्‍टकी थोक्‍ला पङ्‍बु बिन्‍दुप तप्‍की छ्‍येर्पा बिन्‍नी ग्‍येम्‍छो पर्ला वोतुप पत्‍मोस सिरुप ग्‍येम्‍छो परकी स कम्‍बुला वोतुप पेला

ज्‍यल्‍का 3:10

ख्‍योरो ङे कला ङ्‍येन्‍नी हम क्‍या देसुङ। ती तप्‍की जम्‍बुलिङकी मीतिवा तेरीला खोक्‍पा ल्‍हापला छेटाङ ख्‍येल वुङ्‍गुप पेला ङ ख्‍युरुङला ती छेटाङ नेसुर र्‍होकिनो।