ज्‍यल्‍का 2:19 - कोन्छ्‌योककी सुङ

¹⁹ ख्‍योरो काङ काङ किवी, ख्‍योरो ङला चो ङ्‍यिङ्‍ज्‍ये किवी, ख्‍योरो ङला चो तेपा किवी, ख्‍योरो ङला चो शब्‍ज्‍यी किवी, तमा ख्‍युरुङ ङे थोक्‍ला हम क्‍यानी गुनी देकिवी सिरुप ति ङला तेरी छ्‍या वे। येलुङ ख्‍योरो ङला गोमाला सिनाङ तसाम मङ शब्‍ज्‍यी किवी सिरुप साङ ङला छ्‍या वे।

ज्‍यल्‍का 2:19 Iomraidhean Croise

लूका 1:23

जकरिया यहूदी ल्‍हङाङला शब्‍ज्‍यी कितुप खोरो गोर्मा सिन्‍सिमा रङगी खाङ्‍बा लोक्‍नी गाल्‍सुङ।

यूहन्‍ना 15:2

ङे लोला वोसिनाङ डेलु मोगोरुप येल्‍कातिवा रे रेला खोकी च्‍येकिवी, तमा डेलु गोरुप येल्‍कातिवाला ति मङ डेलु गोर्शी सिनी सेप्‍किवी।

कलस्सी 3:14

दी तेरी सिनाङ मङ खक्‍छ्‍येवुला ख्‍यिराङ च्‍यिककी च्‍यिकला ङ्‍यिङ्‍ज्‍ये की। ख्‍यिराङ च्‍यिककी च्‍यिकला ङ्‍यिङ्‍ज्‍ये क्‍यासिन ख्‍यिरा तेरी सेम ति वुतुङ के च्‍यिक्‍पा राङ च्‍युङ्‍गिवी।

१ थेसलोनिकी 3:6

यिने तन्‍दा तिमोथी ख्‍यिरा तेसुर ङ्‍यिरा चाला वानी ख्‍यिरा तेपा ताङ ङ्‍यिङ्‍ज्‍ये क्‍यावु लेन ल्‍यामु ति ङ्‍यिराङला लाप्‍सुङ। तोजो तिराङ मिन, ख्‍यिरा ङ्‍यिराङला ङ्‍यिङ्‍ज्‍ये लानी नरी टेन्‍गिनोक। तमा ङ्‍यिरा ख्‍यिराङला ठेतुप नो क्‍यावु दोके ख्‍यिरा साङ ङ्‍यिराङला छासे ठेतुप नो क्‍या वे सिरुप ति तीकी ङ्‍यिराङला लाप्‍सुङ।

२ थेसलोनिकी 1:3

अच्‍युनुपतिवा, ख्‍यिरा थोक्‍ला ङ्‍यिराङ नरी कोन्‍छ्‍योकला थुचिछे बुल राङ गोकिवी। च्‍यिलासिसिन ख्‍यिरा येशूला क्‍यावु तेपा ति ङ्‍यिमा तक्‍पा रम्‍बु डोयी वे। तमा ख्‍यिरा च्‍यिककी च्‍यिकला मङ मङ ङ्‍यिङ्‍ज्‍ये साङ छासे कियी वे।

१ तिमोथी 1:5

दाक्‍पी तिवाला क बिन्‍दुप तेन्‍दोक ति तिवा सेम टेङ्‍बु ताङ नासाम ल्यामु वोतुप ताङ तेपा टेङ्‍बु क्‍यानी ङ्‍यिङ्‍ज्‍ये कि ज्‍यितुपला यिन।

१ पत्रुस 4:8

ख्‍यिराङ तेरी सिनाङ मङ च्‍यिककी च्‍यिकला नरी ङ्‍यिङ्‍ज्‍ये की। च्‍यिलासिसिन ङ्‍यिङ्‍ज्‍येकी राङ दिक्‍पातिवा बङी ताकिवी।

२ पत्रुस 1:7

कोन्‍छ्‍योककी सुङला युसिमा तेपा कितुप अच्‍युतुपतिवाला च्‍यम्‍बा कि गोकिवी, तेपा कितुप अच्‍युतुपतिवाला च्‍यम्‍बा क्‍यासिमा ङ्‍यिङ्‍ज्‍ये की।

२ पत्रुस 3:18

तमा दाक्‍पुला दिक्‍पा ने थर ज्‍यितुप चोवो येशू ख्रीष्‍टकी कटिन ताङ खोकी रिक्‍पाला ख्‍यिराङ मङ मङ फरिन ग्‍युक। खोला तन्‍दा ताङ नरीकी नरी मोवा वुङ्‍शी। आमिन।

ज्‍यल्‍का 2:13

ख्‍यिराङ देतुप ग्‍येसा ति शैतानकी ग्‍येला कितुप दासा यिन सिरुप ति ङला छ्‍या वे। यिन्‍सिनाङ ख्‍यिराङ ङे थोक्‍ला तेपा रम्‍बु क्‍यानी डेकला देसुङ। तमा ख्‍यिराङ देतुप शैतानकी ग्‍येसाला ङे थोक्‍ला खोङ्‍तेर्मु क्‍यानी पङ्‍बु तेरुप एन्‍टिपासला सेसिनाङ ख्‍यिरा ङला तेपा कितुप क्‍युर्नी माज्‍याक।

ज्‍यल्‍का 2:9

ख्‍युरुङ छेटाङला ख्‍येलुप ताङ पेराङ्‍बु वोतुप ति ङला छ्‍या वे। यिने ख्‍युरुङ याङ पेराङ्‍बु मिन, छ्‍युक्‍पु यिन। ख तिराङकी ङ यहूदी यिन सिरुप मीतिवी ख्‍यिराङला क्‍येन बिन्‍नी ख्‍यिरा तेन्‍दोकला लावु साङ ङला छ्‍या वे। तिवा ति शैतानकी छ्‍योक्‍पाकी मीतिवा यिन।