ज्‍यल्‍का 2:16 - कोन्छ्‌योककी सुङ

¹⁶ ती तप्‍की ख्‍युरुङ दिक्‍पा ने ग्‍युर। मिसियाङ ङ ख्‍योरो ते ङमु राङ वानी ङे ख नेमा थेन्‍दुप खुर्पा थ्‍वोनी ती लाका दुक्‍टा कितुपतिवी मुला थमु ग्‍यकिनो।

ज्‍यल्‍का 2:16 Iomraidhean Croise

एफिसी 6:17

गोला दिक्‍पा ने थरुप शमुङ कोन। तमा कोन्‍छ्‌योककी थु चाङ्‍माकी खुर्पा खुर, ती ति कोन्‍छ्‌योककी सुङ यिन।

२ थेसलोनिकी 2:8

ती दुक्‍टा तीला पि तोङ्‍गुप पेला चोवो येशू दी जम्‍बुलिङला फेप्‍किवी। तमा खो फेवु पेला ग्‍यपुप वोसिर ताङ खोकी उकी राङ तीला ना तोङ्‍गिवी।

ज्‍यल्‍का 1:16

तमा खोकी छ्‍याक यावाला कर्मा दिन चोके जिम्‍नी नोक। खोकी ख नेमा खुर्पा च्‍यिक थेन्‍नोक। ती खुर्पा ति ख ङ्‍यी वोतुप नोक। खोकी शाल ति ङ्‍यिमा शरुप दोके वो ग्‍यकुप नोक।

ज्‍यल्‍का 16:9

तमा ङ्‍यिमा छेन्‍दीकी मीतिवा कशेन छिक्‍सुङ। तिवाला छेटाङ ख्‍येल्‍सिमा तिवी ती छेटाङ तेरुप ति कोन्‍छ्‍योक राङ यिन सिनी खोला मारे ताङ्‍सुङ। यिने सेम ग्‍युर्नी खोला मोवा ति माक्‍या।

ज्‍यल्‍का 19:15

तमा मिरिक कुतुक कुतुककी मीतिवाला बेपुपला खोकी ख नेमा खुर्पा नेन्‍बु च्‍यिक थेन्‍नी नोक। खोकी च्‍याङ्‍युङ थ्‍वोनी लुङ्‍बा कुतुककी मीतिवाला ठिम तोङ्‍गिवी। तमा तोरीकी नुम चिरुप कोलला तोरी लुक्‍नी नुम चिरुप दोके चोछ्‍येवु कोन्‍छ्‍योककी पर्च्या कशेन क्‍यानी तिवाला तेर्किवी।

ज्‍यल्‍का 19:21

तमा यम्‍बा लुवुतिवाला साङ ती त कर्मी खला शेन्‍दुप तीकी ख नेमा थेन्‍दुप खुर्पा थ्‍वोनी सेसुङ। तमा तिवी श ति नामला फुरुप च्‍यातिवी डाता सेक सोसुङ।

ज्‍यल्‍का 2:12

“पर्गाममला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘दी ताम्‍ङे ति ख ङ्‍यी वोतुप खुर्पा नेन्‍बु खुरुप तीकी सुङ्‍गुप यिन,

ज्‍यल्‍का 2:5

तुक क्‍यानी ख्‍योरो ङला चुक क्‍यानी ङ्‍यिङ्‍ज्‍ये कितुप क्‍युर्नी ज्‍यकुप ती ति नासाम तोङ। तमा ङ दिक्‍छेन यिन सिनी दिक्‍पा ने ग्‍युर्नी ख्‍योरो गोमाला क्‍यावु दोके ङ्‍यिङ्‍ज्‍ये की। मिसियाङ ङ ख्‍यिरा ते वासिमा ख्‍यिरा पर्ला वोतुप मेलाङ ति दासा यम्‍बाला पोतिनो। तीकी तेन्‍दोक ति चर्च मेता जोयिनो।

ज्‍यल्‍का 22:20

दी ताम्‍ङेकी पङ्‍बु तेरुप तीकी दुक सुङ्‍गिवी, “वुतुङ के ङ ङमु राङ वुङ्‍यिनो।” आमिन चोवो येशू फेप!

ज्‍यल्‍का 22:7

येशूकी सुङ्‍नी वे, “ल्‍होसा, ङ ङमु राङ वुङ्‍यिनो। दी थेप नाङ्‍ला टिवु लुङ्‍तेम्‍बातिवी सुङला सिक्‍यावु दोके ङ्‍येन्‍दुपतिवाला मोलाम थोप्‍कितो।”

ज्‍यल्‍का 3:19

सुला ङ ङ्‍यिङ्‍ज्‍ये किवे, तीला वोरु साङ देनिन, तमा ल्‍यामु जोपला छ्‍येर्पा साङ तेरिन। तुक क्‍यानी ख्‍यिराङ मङ टेमु क्‍यानी दिक्‍पा ने ग्‍युर।