ज्‍यल्‍का 2:13 - कोन्छ्‌योककी सुङ

¹³ ख्‍यिराङ देतुप ग्‍येसा ति शैतानकी ग्‍येला कितुप दासा यिन सिरुप ति ङला छ्‍या वे। यिन्‍सिनाङ ख्‍यिराङ ङे थोक्‍ला तेपा रम्‍बु क्‍यानी डेकला देसुङ। तमा ख्‍यिराङ देतुप शैतानकी ग्‍येसाला ङे थोक्‍ला खोङ्‍तेर्मु क्‍यानी पङ्‍बु तेरुप एन्‍टिपासला सेसिनाङ ख्‍यिरा ङला तेपा कितुप क्‍युर्नी माज्‍याक।

ज्‍यल्‍का 2:13 Iomraidhean Croise

मत्ती 10:23

तिवी ख्‍यिराङला ग्‍येसा च्‍यिकला छेटाङ बिन्‍सिन ग्‍येसा यम्‍बाला टोनी ग्‍युक। वुतुङ के ङ ख्‍यिराङला सिरिन, ख्‍यिराङ इस्राएलकी ग्‍येसा तेरीला लेपुप सिनाङ गोमाला ङ मी पुज्‍युङ वुङ्‍गितो।

मत्ती 24:9

ती पेला मीतिवी ख्‍यिराङला जिम्‍नी छेटाङ तेरुपतिवी लकला चेक तेनी सेकितो। तमा ख्‍यिरा ङला तेपा क्‍यावु तप्‍की तेरी मिरिककी मीतिवी ख्‍यिराङला ङ्‍यिङ्‍मर किवितो।

मत्ती 4:10

तमा येशूकी तीला “शैतान, ख्‍युरुङ ग्‍युक! च्‍यिलासिसिन कोन्‍छ्‍योककी सुङला दुक सिनी टि वे, ‘ख्‍योरो चोवो कोन्‍छ्‍योकला तिराङ सोवा तेक, खोला तिराङ शब्‍ज्‍यी पुल।’” सिनी सुङ्‍सुङ।

लूका 21:17

ख्‍यिरा ङला तेपा क्‍यावु तप्‍की तेरी मीतिवी ख्‍यिराङला ङ्‍यिङ्‍मर कितो।

लोमा छ्‍येतिवी लाका 22:20

तमा चोवोकी थोक्‍ला पङ्‍बु तेरुप स्‍तिफनसला सेतुप पेला ङ साङ चिप्‍ला राङ देनी तीला सेतुपतिवी मुला शुनी ख च्‍यिक क्‍यानी तिवी मज्‍या र्‍हेन्‍नी देतिन।’

लोमा छ्‍येतिवी लाका 9:14

दे साङ येशूकी मिङला तेपा कितुपतिवा तेरीला टानी टि डोपला कोङ्‍यार छ्‍येतिवा नेसुर तीला ओङ ङ्‍येनी वे।”

१ थेसलोनिकी 5:21

तेरी ताम्‍ङेतिवा ल्‍यामु वोतुप मेतुप ल्‍होसा। तमा चुका ताम्‍ङे ति ल्‍यामु नोके, तीला राङ युसा।

१ तिमोथी 5:8

ललाइ ललाइकी याङ खोरो छेङ्‍गाछालीतिवा ताङ खक्‍छ्‍येवुला खोरो मिछाङला साङ ल्‍हाटे मिकिवी। तुकातिवी तेपा कितुप साङ क्‍युर्नी ज्‍यकुप गिवी, तमा तिवा तेपा मिकिवुतिवा सिनाङ मङ दुक्‍टा डिवी।

२ तिमोथी 1:13

येशू ख्रीष्‍ट नेसुर वुङ्‍गुप तेपा ताङ ङ्‍यिङ्‍ज्‍ये नेसुर ङे ख्‍युरुङला बिन्‍दुप येन्‍देन टेङ्‍बुला सिक्‍यावु दोके लुमु से।

२ तिमोथी 2:12

दाक्‍पु खोकी थोक्‍ला छेटाङ ख्‍येल्‍सिनाङ हम क्‍यानी दे थुप्‍सिन दाक्‍पु खोकी मुला राङ ग्‍येला कितुप ङ्‍येकिवी। यिने दाक्‍पी खोला सेमला मिलिङ्‍गिवी सिसिन खोकी साङ दाक्‍पुला ङो मेशेवी सिनी सुङ्‍गिवी।

हिब्रू 10:23

दाक्‍पुला थाक्‍छ्‍येन नङ्‍गुप कोन्‍छ्‍योक ति खोङ्‍तेर्मु वोतुप तप्‍की दाक्‍पु यिसिक मिसिक माक्‍यानी मीतिवी दोङ्‍ला दाक्‍पी ताम्‍ङे क्‍यावु रेवाला रम्‍बु क्‍यानी देतुप।

हिब्रू 3:6

यिने ख्रीष्‍ट ति कोन्‍छ्‍योककी पुज्‍युङ यिन्‍दुप तप्‍की खोकी मिछाङकी मीतिवी थोक्‍ला खोङ्‍तेर्मु च्‍युङ वे। दोजो दाक्‍पी रेवा क्‍यावु ताम्‍ङेला ङाडेङ ताङ तेके क्‍यानी नरी देसुङ सिसिन दाक्‍पु साङ कोन्‍छ्‍योककी मिछाङकी मीतिवा च्‍युङ्‍गिवी।

याकूब 2:7

काङ तिवी ख्‍यिरा तेपा क्‍यावु चोवो येशू ख्रीष्‍टला साङ मारे तङ्‍गुप मिन रो?

ज्‍यल्‍का 1:5

तमा पङ्‍बु टेङ्‍बु वोतुप ताङ तेरी सिनाङ थल्‍माला शेप ने ङोसु लङ्‍गुप जम्‍बुलिङकी ग्‍येल्‍वी खकी ग्‍येल्‍वु येशू ख्रीष्‍ट नेसुर कटिन ताङ लोदिमु वुङ्‍शिता। येशू ख्रीष्‍टकी दाक्‍पुला ङ्‍यिङ्‍ज्‍ये क्‍या नङ्‍गुप ताङ खो ग्‍यङ्‍शिङला टुङ्‍नी खोकी ठक नेसुर दाक्‍पी दिक्‍पा ता च्‍यिसुङ।

ज्‍यल्‍का 11:3

तमा ङ मिरा ङ्‍यीला पङ्‍बु तेरुप ओङ बिन्‍नी तोङ्‍यिनो, तिवी भाङ्‍ग्रा कोन्‍नी ङ्‍यिमा तोङ्‍डा यी ताङ सयी ङ्‍यी ताङ खल टुक सेक नम्‍दर शेकितो।”

ज्‍यल्‍का 12:11

तेपा कितुप दाक्‍पी अच्‍युनुपतिवी थर्वा नङ्‍गुप लुक रुककी ठक ताङ कोन्‍छ्‍योककी कोर्ला पङ्‍बु बिन्‍दुप सुङ नेसुर तिवाला क्‍येन तेरुप शैतानकी खला ग्‍येलुप यिन। च्‍यिलासिसिन पङ्बु तेरुपला तिवा शिराङ गोसिनाङ खोप्‍रे जुकी थोक्‍ला पप माक्‍या।

ज्‍यल्‍का 13:2

तीकी जु ति जिक दोके नोक। तमा तीकी काङ्‍बातिवा तोमकी काङ्‍बा दोके ताङ ख ति सेङ्‍गी ख दोके नोक। ती डुक तीकी खोरो ङार ताङ ग्‍येल्‍ठिक ताङ ओङ्‍ज्‍येन ग्‍येर्पु ति ती सेम्‍ज्‍येन तीला बिन्‍सुङ।

ज्‍यल्‍का 14:12

तीकी थोक्‍ला कोन्‍छ्‍योककी कला ङ्‍येन्‍दुप ताङ येशूला तेपा कितुपतिवा डेकला दे गोकिवी।

ज्‍यल्‍का 17:14

तिवा लुक रुक ताङ मुला थमु ग्‍यकिवी, यिने लुक रुककी तिवी मुला थमु ग्‍यप्‍नी तिवी खला ग्‍येल्‍गिवी। च्‍यिलासिसिन खो ति चोवो खकी चोवो, ग्‍येल्‍वी खकी ग्‍येल्‍वु यिन। तमा खोकी कताङ नङ्‍गुप ताङ खोकी पेतुप खोङ्‍तेर्मु वोतुप मीतिवा खोकी मुला राङ वे।” सिनी सिक्‍यासुङ।

ज्‍यल्‍का 17:6

ती पुम्‍पेजा ति येशूला तेपा कितुप मीतिवा ताङ खोकी थोक्‍ला पङ्‍बु तेरुप मीतिवाला सेतुप ठक थुनी जिन वोतुप ति ङे थोङ्‍सुङ। तीला थोङ्‍सिमा ङला छासे हलेवा लासुङ।

ज्‍यल्‍का 2:2

ख्‍योरो क्‍यावु लाकातिवा ताङ ख्‍योरो हुर्ताक क्‍यावु ताङ हम क्‍या देतुप ति ङला छ्‍या वे। मी दुक्‍टातिवी थोक्‍ला ख्‍युरुङ हम क्‍या दे मुथुपी। तमा ङ येशूकी लोमा छ्‍ये यिन सिरुप मीतिवाला ख्‍योरो ल्‍यामु मेलोवा ल्हानी तिवा ति लोमा छ्‍ये मिन, यिने जिनोक जोप मी यिन सिनी तेन्‍तेन क्‍यावु साङ ङला तेरी छ्‍या वे।

ज्‍यल्‍का 3:11

ल्‍होसा, ङ ङमु राङ वुङ्‍यिनो। ख्‍योरो ङला क्‍यावु तेपा ति र्‍होक्‍नी ज्‍योक। तमा ख्‍युरुङला ङे तेरिन सिक्‍यावु छ्‍यक्‍तक ति सी साङ ठोक मुथुप्‍तो।

ज्‍यल्‍का 3:3

ती तप्‍की गोमाला ख्‍योरो लापुप ताङ थोवु ताम्‍ङे ति नासाम तोङ। तमा तीला ङ्‍येन्‍नी दिक्‍पा ने ग्‍युर। ख्‍युरुङ मालासिन ङ ख्‍यिरा हाक्‍माकोवा क्‍यानी शार्क्येक वुङ्‍यिनो। ङ चो पेला गिवी सिरुप तुजे ति ख्‍यिरा हाक्‍मोकोतो।