ज्‍यल्‍का 2:10 - कोन्छ्‌योककी सुङ

¹⁰ ख्‍युरुङला ख्‍येल वुङ्‍गुप छेटाङकी थोक्‍ला ज्‍यिवा माकी। ल्‍होसा, शैतानकी खोक्‍पा ल्‍हापला ख्‍यिरा पर्ला ललाइ ललाइला चोन्‍खाङला ख्‍येल ज्‍यितुप छल वोतो। यिन्‍सिनाङ ख्‍युरुङला ती छेटाङ ति ङ्‍यिमा च्‍यिथम्‍बा सेक तिराङ ख्‍येल्‍गितो। ख्‍युरुङ शिता सेक ङला तेपा रम्‍बु क्‍यानी दे, तमा ङ ख्‍युरुङला नाम्‍साङ मिशिवु मिजीकी छ्‍यक्‍तक तेरिनो।

ज्‍यल्‍का 2:10 Iomraidhean Croise

मत्ती 10:22

ख्‍यिरा ङला तेपा क्‍यावु तप्‍की मी तेरीकी ख्‍यिराङला ङ्‍यिङ्‍मर कितो। यिने सु ज्‍युक्‍ला सेक तेपा क्‍यानी हम क्‍यान देकिवे, तीला र्‍होकितो।

मत्ती 10:28

ख्‍यिरा जु सेसिनाङ नम्‍शिङ ति से मुथुपुप तीला ज्‍यिवा माकी। यिने जु ताङ नम्‍शिङ ङ्‍यिकरला ङ्‍येलाला क्‍युरुप कोन्‍छ्‍योकला ति ज्‍यिवा की।

मत्ती 24:13

यिने चो दुक्‍पा ख्‍येल्‍सिनाङ ज्‍युक्‍ला सेक डेकला देतुप तीला कोन्‍छ्‍योककी र्‍होकितो।

मर्कूस 13:13

तमा ख्‍यिरा ङला तेपा क्‍यावु तप्‍की मी तेरीकी ख्‍यिराङला ङ्‍यिङ्‍मर कितो। यिन्‍सिनाङ तिङ्‍ला सेक डेकला देतुपतिवाला ति थर्वा ङ्‍येकितो।”

मर्कूस 8:35

सी खोरो मिजी र्‍होकुप नो किवे, ती ति तोर्नी डिवी। सी ङ ताङ लेन ल्‍यामुकी थोक्‍ला खोरो मिजी तोर ज्‍यिकिवे, ती ति र्‍होकिवी।

लूका 21:12

यिने दी तेरी ताम्‍ङेतिवा च्‍युङ्‍गुप सिनाङ गोमाला मीतिवी ख्‍यिराङला जिम्‍गितो, छेटाङ तेर्कितो, तमा ख्‍यिराङला यहूदी छ्‍योखाङ ताङ चोन्‍खाङला चेक तेकितो। तमा ख्‍यिरा ङला तेपा क्‍यावु तप्‍की तिवी ख्‍यिराङला ग्‍येल्‍वुतिवा ताङ रोमी ग्‍येला कितुप मी छ्‍येतिवी चिप्‍ला क्‍योल्‍गितो।

यूहन्‍ना 12:25

तुक राङ क्‍यानी खोरो मिजीला ङ्‍यिङ्‍ज्‍ये कितुप मी तीकी रङगी मिजी तोर्किवी, यिने दी जम्‍बुलिङला खोरो मिजी ति काङ साङ मिन नोनी ङ्‍यिङ्‍ज्‍ये मिकिवु तीकी नाम्‍साङ मिशिवु मिजी र्‍होक्‍नी ज्‍योकिवी।

यूहन्‍ना 13:2

येशू खोरे लोमातिवी मुला गोमी सोल शेयी वोतुप पेला शैतानकी सिमोन इस्‍करियोतकी पुज्‍युङ यहूदाकी सेमला येशूला जिम तेरुप नासाम शर च्‍यिसुङ।

यूहन्‍ना 13:27

ती शुब्‍ज्‍याङ लालुङ्‍मे यहूदाकी सेमला शैतान शुसुङ। तमा येशूकी तीला “ख्‍योरो काङ कितुप छल वे, ती ति शार्क्येक की।” सिनी सुङ्‍सुङ।

लोमा छ्‍येतिवी लाका 20:24

यिन्‍सिनाङ ङे कि गोवु लाका तेरी सिन्‍दा कितुप ताङ कोन्‍छ्‍योककी कटिन वोतुप लेन ल्‍यामुकी कोर्ला पङ्‍बु तेरुपला चोवो येशू नेमा ङला चेक तेन नङ्‍गुप लाका तेरी कि थुप्‍सुङ सिसिन ङे मिजी ति काङ साङ मिन।

लोमा छ्‍येतिवी लाका 21:13

यिने पावलकी ङ्‍यिराङला “ख्‍यिराङ दुक क्‍यान ङुनी ङे सेम च्‍यिला मेलोवा जेवी? चोवो येशूकी मिङला ङ चोन्‍खाङला शोर्सिनाङ, यरूशलेमला शिराङ गोसिनाङ ङ डोयी।” सिनी सिक्‍यासुङ।

१ कोरिन्‍थी 9:25

चिर्मु चेपला वुङ्‍गुप मीतिवा तेरी छ्‍यक्‍तक थोपुपला डेकला देनी तालिम किवी। तिवा ना डोप छ्‍यक्‍तक थोपुपला तुक किवी, यिने दाक्‍पु ति नाम्‍साङ ना मोडोवु छ्‍यक्‍तक थोपुपला डेकला देनी तालिम किवी।

एफिसी 2:2

ती पेला दी जम्‍बुलिङ ताङ शैतानकी ओङ्‍ज्‍येनला वोतुप मीतिवी दोके ख्‍यिरा साङ लाका मेलोक्‍पा क्‍यासुङ। ती शैतानकी राङ तन्‍दा साङ कोन्‍छ्‌योककी सुङ मेङ्‍येन्‍दुप तिवी खला ओङ्‍ज्‍येन किवी।

एफिसी 6:12

च्‍यिलासिसिन दाक्‍पी ग्‍यकुप मक ति मी ताङ मुला मिन, यिने ओङ्‍ज्‍येन कितुपतिवा ताङ ङार वोतुपतिवा ताङ दी जम्‍बुलिङकी दुक्‍टाकी ङार ताङ देवाच्‍येनला वोतुप डेतिवी मुला यिन।

याकूब 1:12

चुका मी ति खोक्‍पा ल्‍हापला ख्‍येलुप पेला छेटाङ ख्‍येल्‍सिनाङ हम क्‍यानी दे थुप्‍किवे, ती मी ति मोलाम थोपुप यिनो। च्‍यिलासिसिन तीला मिजीकी उशाक थोप्‍कितो। ती छ्‍यक्‍तक ति कोन्‍छ्‍योककी खोला ङ्‍यिङ्‍ज्‍येवु कितुपतिवाला तेरिन सिनी थाक्‍छ्‍येन नङ्‍गुप नाम्‍साङ मिशिवु मिजी यिन।

१ पत्रुस 5:4

तमा लुक गोठाला छ्‍ये दोके यिन्‍दुप ख्रीष्‍ट फेपुप पेला ख्‍यिराङला नाम्‍साङ मेसेतुप मोवा वोतुप ग्‍येल्‍वुकी उशाक थोप्‍कितो।

१ पत्रुस 5:8

च्‍याङ्‍से देता, ङ्‍यी मालोक्‍नी देता! च्‍यिलासिसिन ख्‍यिरा ड शैतान ति सुला थेप्‍किवे, तीला साप सिनी वोरुप सेङ्‍गी दोके वोरिन वोतो।

ज्‍यल्‍का 13:14

गोमाला थेन्‍दुप सेम्‍ज्‍येनकी छापला बिन्‍दुप ती ओङ्‍ज्‍येन नेसुर त छ्‍या तेन्‍सिमा जम्‍बुलिङकी मीतिवाला तीकी जिनोक जोसुङ। तमा तीकी गोला म थेन्‍सिनाङ टेकुप सेम्‍ज्‍येन तीला मी तेरीकी तेन ज्‍यितुपला मीतिवाला तीकी कु जो सिनी क बिन्‍सुङ।

ज्‍यल्‍का 13:2

तीकी जु ति जिक दोके नोक। तमा तीकी काङ्‍बातिवा तोमकी काङ्‍बा दोके ताङ ख ति सेङ्‍गी ख दोके नोक। ती डुक तीकी खोरो ङार ताङ ग्‍येल्‍ठिक ताङ ओङ्‍ज्‍येन ग्‍येर्पु ति ती सेम्‍ज्‍येन तीला बिन्‍सुङ।

ज्‍यल्‍का 13:7

कोन्‍छ्‍योकला तेपा कितुप मीतिवी मुला थमु ग्‍यकुप ताङ तिवी खला ग्‍येलुप ओङ्‍ज्‍येन साङ कोन्‍छ्‍योककी तीला नाङ्‍सुङ। तमा तेरी गिपातिवा ताङ मीतिवा ताङ ग्‍येतामतिवा ताङ मिरिकतिवाला ग्‍येला कितुप ओङ साङ नाङ्‍सुङ।

ज्‍यल्‍का 17:14

तिवा लुक रुक ताङ मुला थमु ग्‍यकिवी, यिने लुक रुककी तिवी मुला थमु ग्‍यप्‍नी तिवी खला ग्‍येल्‍गिवी। च्‍यिलासिसिन खो ति चोवो खकी चोवो, ग्‍येल्‍वी खकी ग्‍येल्‍वु यिन। तमा खोकी कताङ नङ्‍गुप ताङ खोकी पेतुप खोङ्‍तेर्मु वोतुप मीतिवा खोकी मुला राङ वे।” सिनी सिक्‍यासुङ।

ज्‍यल्‍का 2:13

ख्‍यिराङ देतुप ग्‍येसा ति शैतानकी ग्‍येला कितुप दासा यिन सिरुप ति ङला छ्‍या वे। यिन्‍सिनाङ ख्‍यिराङ ङे थोक्‍ला तेपा रम्‍बु क्‍यानी डेकला देसुङ। तमा ख्‍यिराङ देतुप शैतानकी ग्‍येसाला ङे थोक्‍ला खोङ्‍तेर्मु क्‍यानी पङ्‍बु तेरुप एन्‍टिपासला सेसिनाङ ख्‍यिरा ङला तेपा कितुप क्‍युर्नी माज्‍याक।

ज्‍यल्‍का 2:9

ख्‍युरुङ छेटाङला ख्‍येलुप ताङ पेराङ्‍बु वोतुप ति ङला छ्‍या वे। यिने ख्‍युरुङ याङ पेराङ्‍बु मिन, छ्‍युक्‍पु यिन। ख तिराङकी ङ यहूदी यिन सिरुप मीतिवी ख्‍यिराङला क्‍येन बिन्‍नी ख्‍यिरा तेन्‍दोकला लावु साङ ङला छ्‍या वे। तिवा ति शैतानकी छ्‍योक्‍पाकी मीतिवा यिन।