ज्‍यल्‍का 19:9 - कोन्छ्‌योककी सुङ

⁹ तमा ती देवाच्‍येनकी लेन क्‍योलुप थु तीकी ङला दुक सिक्‍यासुङ, “लुक रुककी जेन्‍दीकी डेनला कतङ्‍गुप मीतिवाला मोलाम थोपुप यिनो सिनी टिसा।” येलुङ तीकी सिक्‍यासुङ, “दी सुङ ति कोन्‍छ्‍योककी सुङ टेङ्‍बु यिनो।”

ज्‍यल्‍का 19:9 Iomraidhean Croise

लूका 22:16

च्‍यिलासिसिन ङ ख्‍यिराङला सिरिन, ती यहूदीतिवी थरुप तुछ्‍येनकी तेन्‍दोक ति कोन्‍छ्‍योककी ग्‍येल्‍खापला तेरी माछेवा सेक्‍ला ङ येलुङ दी डेन मसा।”

१ तिमोथी 1:15

दी सुङ ति मी तेरीकी यिन्‍ज्‍यिक मिन्‍ज्‍यिक सेमला लिङ गोकिवी। च्‍यिलासिसिन दी सुङ ति दिक्‍छेनतिवाला दिक्‍पा ने थर ज्‍यितुपला येशू ख्रीष्‍ट दी जम्‍बुलिङला फेपुपकी कोर्ला यिन। ती दिक्‍छेनतिवी नाङ्‍ला तेरी सिनाङ दिक्‍छेन ति ङ राङ यिन।

१ तिमोथी 4:9

दी ताम्‍ङे ति टेङ्‍बु वोतुप ताङ तेरीकी सेमला लिङ गोवु वे।

२ तिमोथी 2:11

दी ताम्‍ङे ति टेङ्‍बु यिन। दोजो दाक्‍पु खो ताङ मुला राङ शिसुङ सिसिन खो ताङ मुला राङ सेन्‍बु साङ लङ्‍गिवी।

तीतस 3:8

दी ताम्‍ङे ति टेङ्‍बु यिन, ख्‍यिराङ दी ताम्‍ङेला ङार की सिनी ङ नो कितिन। तुक क्‍यानी सी कोन्‍छ्‍योकला तेपा किवे, तिवी लाका ल्‍यामु कितुपला ङ्‍याम्‍ले किशी। तुक कितुप ति मीतिवी थोक्‍ला छासे ल्‍यामु ताङ ख्‍येप्‍साङ वोतुप यिन।

ज्‍यल्‍का 1:1

दी थेप नाङ्‍ला वोतुप ताम्‍ङेतिवा ति येशू ख्रीष्‍टकी हाक्‍को च्‍यितुप ताम्‍ङे यिन। कोन्‍छ्‍योककी खोला शब्‍ज्‍यी कितुपतिवाला दी जम्‍बुलिङला ङमु राङ च्‍युङ्‍गुप ताम्‍ङेतिवी कोर्ला हाक्‍को ज्‍यितुपला खोरे सेवु येशू ख्रीष्‍टला दी ताम्‍ङे ति सुङ्‍गुप यिन। तमा येशूकी देवाच्‍येनकी लेन क्‍योलुप थु च्‍यिक यूहन्‍नाकी चाला ताङ्‍नी ती तेरी ताम्‍ङेतिवा यूहन्‍नाला ठछ्‍येली हाक्‍को च्‍यिसुङ।

ज्‍यल्‍का 1:19

तुक क्‍यानी ख्‍योरो थोङ्‍गुप ताङ तन्‍दा च्‍युङ्‍गुप ताम्ङेतिवा ताङ ज्‍युक्‍ला काङ च्‍युङ्‍गिवी सिरुप ति तेरी थेप नाङ्‍ला टिसा।

ज्‍यल्‍का 10:4

ती सम्‍डुक ग्‍यपुप वोरु दिनतिवी वोरु ति मी ताम्‍ङे क्‍यावु दोके कुतुक कुतुक तेन्‍सुङ। ती पेला ङ ति ती ताम्‍ङेतिवा टिकुपला टडिक क्‍यायी। यिने तोजो पेला राङ देवाच्‍येन नेमा “ती सम्‍डुक ग्‍यकुप वोरु दिनतिवी कोर्ला ति छ्‍याकला राङ ज्‍योक। ती ति माटिक!” सिरुप वोरु यी ङे थोसुङ।

ज्‍यल्‍का 14:13

ती ज्‍युक्‍ला देवाच्‍येन नेमा दुक सिरुप वोरु यी ङे थोसुङ, “दी ताम्‍ङे टिसा! तफेन्‍ला सी चोवो येशूला तेपा क्‍यानी शिवे, तिवा मोलाम थोपुप यिनो।” तमा कोन्‍छ्‍योककी थु चाङ्‍माकी दुक सुङ्‍गिवी, “ती ताम्‍ङे ति टेके यिन। तिवी लाका ल्‍यामु क्‍यावु तप्‍की तिवाला ङासोप ङ्‍येकिवी। तिवी क्‍यावु लाका ति कोन्‍छ्‍योककी टेन्‍सो क्‍या नङ्‍गिवी।”

ज्‍यल्‍का 17:1

ती कोरा दिन खुरुप देवाच्‍येनकी लेन क्‍योलुप थुतिवी पर्ला मिरा च्‍यिक ति ङे चाला वानी “दे शोक, ङ ख्‍युरुङला छासे छ्‍येमु कितुप पुम्‍पेजा तीला कशेन पर्च्या बिन्‍दुप ति छ्‍या देनिन। ती ति छ्‍यु बङीकी खला देनोक।

ज्‍यल्‍का 17:17

च्‍यिलासिसिन कोन्‍छ्‍योककी खोरे सुङ तेरी माछेवा सेक्‍ला ती सेम्‍ज्‍येनतिवा सेम च्‍यिक राङ च्‍युङ्‍नी ग्‍येला कितुप ओङ ति तेरी ती सेम्‍ज्‍येनला नाङ वे।

ज्‍यल्‍का 2:1

येलुङ खोकी ङला दुक सिनी सुङ्‍सुङ, “एफिससला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘लाक्‍पा यावाला कर्मा दिन लानी शाप च्‍यिक राङ वोतुप सेरकी मेलाङ दिनकी पर्ला युकुप तीकी सुङ्‍गुप यिन।

ज्‍यल्‍का 2:12

“पर्गाममला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘दी ताम्‍ङे ति ख ङ्‍यी वोतुप खुर्पा नेन्‍बु खुरुप तीकी सुङ्‍गुप यिन,

ज्‍यल्‍का 2:18

“थिआटीराला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘दी ताम्‍ङे ति मे बरुप दोके मिक ताङ काँसा शिनी वो ग्‍यकुप दोके शाप वोतुप कोन्‍छ्‍योककी सेवुकी सुङ्‍गुप यिन।

ज्‍यल्‍का 2:8

“स्‍मुर्नाला वोतुप चर्चला ल्‍हटे कितुप देवाच्‍येनकी लेन क्‍योलुप तीला दी ताम्‍ङे ति टिसा। ‘दी ताम्‍ङे ति थल्‍माला वोतुप ताङ तिङ्‍ला सेक नरी लुवु ताङ शिनी येलुङ ङोसु लावु तीकी सुङ्‍गुप यिन।

ज्‍यल्‍का 21:5

तमा ग्‍येल्‍ठिकला ज्‍यु वोतुप तीकी ङला सुङ्‍सुङ। “ल्‍होसा, त याङ ङ देवाच्‍येन ताङ जम्‍बुलिङला वोतुपतिवा तेरी सम्‍बा जोयिनो।” येलुङ खोकी ङला सुङ्‍सुङ, “दी ताम्‍ङेतिवा टिसा। दिवा छासे खोङ्‍तेर्मु ताङ टेङ्‍बु वे।”

ज्‍यल्‍का 22:6

ती ज्‍युक्‍ला देवाच्‍येनकी लेन क्‍योलुप थु तीकी ङला दुक सिक्‍यासुङ, “वुतुङ के ख्‍योरो थोवु सुङतिवा तेरी खोङ्‍तेर्मु ताङ टेङ्‍बु वे। लुङ्‍तेम्‍बातिवाला खोरे थु नङ्‍गुप चोवो कोन्‍छ्‍योककी खोरुङला शब्‍ज्‍यी कितुपतिवाला ङमु राङ तेन्‍तेन च्‍युङ्‍गुप ताम्‍ङेकी कोर्ला हाक्‍को ज्‍यितुपला खोरे लेन क्‍योलुप थुतिवा ताङ्‍सुङ।”

ज्‍यल्‍का 3:1

“सार्डिसला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘दी ताम्‍ङे ति कोन्‍छ्‍योककी थु दिन ताङ लाक्‍पा यावाला कर्मा दिन वोतुप तीकी सुङ्‍गुप यिन। ख्‍योरो लाकातिवा ङला छ्‍या वे। मीतिवी थोङ्‍दाङला ख्‍यिराङ सेन्‍बु वोतुप थोङ्‍सिनाङ ख्‍यिराङ ति शिन वे।

ज्‍यल्‍का 3:14

“लाउडिकियाला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘दी ताम्‍ङे ति आमिन वोतुप तीकी सुङ्‍गुप यिन। खो ति कोन्‍छ्‍योककी कोर्ला खोङ्‍तेर्मु क्‍यानी पङ्‍बु टेङ्‍बु तेरुप यिन। तमा खो नेसुर राङ कोन्‍छ्‍योककी तेरी जम्‍बुलिङ ज्‍ये नङ्‍गुप यिन।

ज्‍यल्‍का 3:20

ल्‍होसा, ङ गे फिला लानी डक डक ग्‍यकिनो। सी ङे वोरु थोनी गो बेकिवे, ङ ती नाङ्‍ला शुनी तीकी मुला समा सायिनो। तमा तीकी ङ ताङ मुला राङ समा सेवितो।

ज्‍यल्‍का 3:7

“फिलाडेल्‍फियाला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘चाङ्‍मा ताङ टेङ्‍बु वोतुप तीकी सुङ्‍गुप यिन। तीकी लोला दाऊदकी ग्‍येसाकी गो बेतुप लिमी वे। सी साङ तीकी पेतुप गो ति च्‍ये मुथुपी, याङ्‍ना सी साङ तीकी च्‍येतुप गो ति बे मुथुपी।