ज्‍यल्‍का 19:6 - कोन्छ्‌योककी सुङ

⁶ ती ज्‍युक्‍ला मी माङ्‍छ्‍योक च्‍यार ग्‍यप्‍नी वोरु तेन्‍दुप दोके ताङ छ्‍यु बङी ज्‍युङ्‍गुप वोरु ग्‍येर्पु दोके ताङ छासे सम्‍डुक ग्‍यपुप दोके वोरु ङे थोसुङ। ती वोरु तीकी “हल्‍लेलूयाह! च्‍यिलासिसिन चोछ्‍ये वोतुप दाक्‍पी चोवो कोन्‍छ्‍योककी दी जम्‍बुलिङला ग्‍येला क्‍या नङ्‍गिवी।

ज्‍यल्‍का 19:6 Iomraidhean Croise

मत्ती 6:13

ङ्‍यिराङला शैतानकी खोक्‍पा ल्‍हापला ख्‍येल माज्‍यी, यिने दुक्‍टा नेसुर र्‍होक्‍टे की। ग्‍येल्‍खाप ताङ ङार ताङ मोवा ति नरी पपा कोन्‍छ्‍योककी ति यिन। आमिन।’

ज्‍यल्‍का 1:15

तमा खोकी शापतिवा ति काँसा शितुप दोके वो ग्‍यकुप ताङ खोकी वोरु ति शोतोक ग्‍यपुप दोके ग्‍येर्पु नोक।

ज्‍यल्‍का 1:8

“ङ ति अल्‍फा ताङ ओमेगा यिन।” सिनी तेरी सिनाङ चोछ्‍ये वोतुप चोवो कोन्‍छ्‍योककी सुङ्‍नी वे। खो हारिङ ज्‍यु वे, थल्‍माला साङ ज्‍यु वोतुप यिन, लोङ तिङ्‍ला साङ फेप्‍किवी।

ज्‍यल्‍का 12:10

ती पेला देवाच्‍येनला दुक सिक्‍यावु वोरु ग्‍येर्पु यी ङे थोसुङ। “त याङ दाक्‍पी कोन्‍छ्‍योककी तेरी मीतिवाला थर्वा नङ्‍गुप ताङ खोकी ङार ताङ ग्‍येल्‍खाप ताङ खोकी पेन नङ्‍गुप ख्रीष्‍टकी ओङ्‍ज्‍येन ति वा वे। च्‍यिलासिसिन तेपा कितुप दाक्‍पी अच्‍युनुपतिवाला ङ्‍यी ताङ नुप्‍ज्‍या कोन्‍छ्‍योककी दोङ्‍ला क्‍येन तेरुप शैतान ति देवाच्‍येन नेमा तेन्‍नी क्‍युर्नी वे।

ज्‍यल्‍का 14:2

तमा देवाच्‍येन नेमा छ्‍यु बङी ग्‍युकुप वोरु दोके ताङ सम्‍डुक ग्‍यकुप दोके वोरु ग्‍येर्पु वावु ति ङे थोसुङ। ती वोरु ति डम्‍ङ्‍याङ टिलुपतिवी डम्‍ङ्‍याङ टिलुप वोरु दोके नोक।

ज्‍यल्‍का 19:1

ती ज्‍युक्‍ला येलुङ देवाच्‍येनला मी माङ्‍छ्‍योककी कशेन वोरु तेन्‍दुप दोके दुक सिक्‍यावु ति ङे थोसुङ। “हल्‍लेलूयाह! कोन्‍छ्‍योक दाक्‍पुला थर्वा नङ्‍गुप कोन्‍छ्‍योक यिन। खोला तिराङ मोवा ताङ ओङ्‍ज्‍येन वे।

ज्‍यल्‍का 19:4

तमा गोमा कितुप मी छ्‍ये मिरा खल ज्‍यिक ताङ ज्‍यीतिवा ताङ सेन्‍बु वोतुप सेम्‍ज्‍येन ज्‍यीतिवा खवुतुङ्‍मा देनी ग्‍येल्‍ठिकला ज्‍यु वोतुप कोन्‍छ्‍योकला “आमिन, हल्‍लेलूयाह!” सिनी सिक्‍यासुङ।

ज्‍यल्‍का 21:22

ती ग्‍येसाला कनी साङ ल्‍हङाङ माथोङ। च्‍यिलासिसिन तेकी ल्‍हङाङ ति ङार छ्‍येवु चोवो कोन्‍छ्‍योक ताङ खोकी सेवु लुक रुक राङ यिनोक।

ज्‍यल्‍का 4:5

तमा ती ग्‍येल्‍ठिक नेमा चिलाम ग्‍यकुप ताङ सम्‍डुक ग्‍यकुप ताङ टेक्‍च्‍या ग्‍यकिनोक। तमा ती ग्‍येल्‍ठिककी चिप्‍ला बाशिङ दिन चोके च्‍येनी नोक। ती बाशिङ ति कोन्‍छ्‍योककी थु दिन यिनोक।

ज्‍यल्‍का 6:1

तमा ती लुक रुक तीकी लज्‍युर दिनकी नाङ्‍ला लज्‍युर च्‍यिक ति तोलुप थोङ्‍सुङ। तमा सेन्‍बु वोतुप सेम्‍ज्‍येन ज्‍यीकी नाङ्‍ला च्‍यिक तीकी सम्‍डुक ग्‍यकुप दोके वोरु तेन्‍नी “दे शोक!” सिनी सिक्‍यावु ति ङे थोसुङ।

ज्‍यल्‍का 8:5

ती ज्‍युक्‍ला देवाच्‍येनकी लेन क्‍योलुप थु तीकी पोके ति लानी छोठीकी मे ति पोके नाङ्‍ला लुक्‍नी जम्‍बुलिङला क्‍युर्सुङ। तमा सम्‍डुक ग्‍यकुप वोरु ताङ चिलाम ग्‍यपुप ताङ सयी ग्‍यप्‍सुङ।