ज्‍यल्‍का 19:15 - कोन्छ्‌योककी सुङ

¹⁵ तमा मिरिक कुतुक कुतुककी मीतिवाला बेपुपला खोकी ख नेमा खुर्पा नेन्‍बु च्‍यिक थेन्‍नी नोक। खोकी च्‍याङ्‍युङ थ्‍वोनी लुङ्‍बा कुतुककी मीतिवाला ठिम तोङ्‍गिवी। तमा तोरीकी नुम चिरुप कोलला तोरी लुक्‍नी नुम चिरुप दोके चोछ्‍येवु कोन्‍छ्‍योककी पर्च्या कशेन क्‍यानी तिवाला तेर्किवी।

ज्‍यल्‍का 19:15 Iomraidhean Croise

२ थेसलोनिकी 2:8

ती दुक्‍टा तीला पि तोङ्‍गुप पेला चोवो येशू दी जम्‍बुलिङला फेप्‍किवी। तमा खो फेवु पेला ग्‍यपुप वोसिर ताङ खोकी उकी राङ तीला ना तोङ्‍गिवी।

ज्‍यल्‍का 1:16

तमा खोकी छ्‍याक यावाला कर्मा दिन चोके जिम्‍नी नोक। खोकी ख नेमा खुर्पा च्‍यिक थेन्‍नोक। ती खुर्पा ति ख ङ्‍यी वोतुप नोक। खोकी शाल ति ङ्‍यिमा शरुप दोके वो ग्‍यकुप नोक।

ज्‍यल्‍का 12:5

तमा ती पुम्‍पेजा तीकी लुङ्‍बा तेरीकी मीतिवाला च्‍याङ्‍युङ थ्‍वोनी च्‍युरुवु क्‍यानी ग्‍येला कितुप पुज्‍युङ यी क्‍येसुङ। यिने ती पुज्‍युङ तीला शार्क्येक लङ्‍नी कोन्‍छ्‍योक ताङ खोकी ग्‍येल्‍ठिकला टि गाल्‍सुङ।

ज्‍यल्‍का 14:10

तिवाला कोन्‍छ्‍योककी ङ्‍यिर्मुकी गुन्‍डुम छ्‍याङ थुङ ज्‍यिकिवी। खो छासे ङ्‍यिर्मु लावु तप्‍की खोकी छासे क्‍यानी पर्च्या तोङ्‍गिवी। तमा तिवा चाङ्‍मा वोतुप देवाच्‍येनकी लेन क्‍योलुप थुतिवा ताङ लुक रुककी दोङ्‍ला मे ताङ तुसोककी नाङ्‍ला छेटाङ खुर्किवी।

ज्‍यल्‍का 19:21

तमा यम्‍बा लुवुतिवाला साङ ती त कर्मी खला शेन्‍दुप तीकी ख नेमा थेन्‍दुप खुर्पा थ्‍वोनी सेसुङ। तमा तिवी श ति नामला फुरुप च्‍यातिवी डाता सेक सोसुङ।

ज्‍यल्‍का 2:12

“पर्गाममला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘दी ताम्‍ङे ति ख ङ्‍यी वोतुप खुर्पा नेन्‍बु खुरुप तीकी सुङ्‍गुप यिन,

ज्‍यल्‍का 2:16

ती तप्‍की ख्‍युरुङ दिक्‍पा ने ग्‍युर। मिसियाङ ङ ख्‍योरो ते ङमु राङ वानी ङे ख नेमा थेन्‍दुप खुर्पा थ्‍वोनी ती लाका दुक्‍टा कितुपतिवी मुला थमु ग्‍यकिनो।

ज्‍यल्‍का 2:27

तमा तीकी मीतिवाला च्‍याङ्‍युङ थ्‍वोनी ठिम कितो। मी दुक्‍टातिवाला थली नेक्‍योक पुर्मा पुर्मा जोवु दोके क्‍यानी ना तोङ्‍गितो। तुक कितुप ओङ्‍ज्‍येन ति ङला साङ ङे पपा कोन्‍छ्‍योक नेमा थोप्‍नी वे।