ज्‍यल्‍का 19:14 - कोन्छ्‌योककी सुङ

¹⁴ तमा चेङ्‍गा वोतुप ताङ छासे कर्मु वोतुप मज्‍या कोन्‍दुप देवाच्‍येनकी मक्‍मीतिवा त कर्मु शेन्‍नी खोकी तिङ्‍ला तिङ्‍यासुङ।

ज्‍यल्‍का 19:14 Iomraidhean Croise

मत्ती 21:5

“इस्राएलकी मीतिवाला दुक सी। ल्‍होसा, ख्‍यिरा ग्‍येल्‍वु ति ख्‍यिरा चाला फेप्‍कितो। खो ति सेम बोल्‍मु क्‍यानी पुङ्‍गोक खला, पुङ्‍गोक तिवु खला शेन्‍नी फेप्‍कितो।”

मत्ती 26:53

ङे पपाला गोङ्‍बा शुसिन खोकी तन्‍दा राङ मक्‍मी छो च्‍यिङ्‍ङी सिनाङ मङ देवाच्‍येनकी लेन क्‍योलुप थुतिवा ङे थोक्‍ला मोतोङ्‍गिवी सिनी ख्‍यिरा नासाम तोङ्‍गिवी?

मत्ती 28:3

तीकी ङुतुङ ति चिलाम ग्‍यपुप दोके ठदिङी ताङ तीकी मज्‍या ति वोमा दोके छासे कर्मु नोक।

२ थेसलोनिकी 1:7

तमा ख्‍यिराङ खोकी थोक्‍ला दुक्‍पा खुरुपतिवा ताङ ङ्‍यिराङला ति सेम किर्मु नङ्‍गिवी। चोवो येशू देवाच्‍येन नेमा बरुप मे ताङ ङार छ्‍येवु ओङ वोतुप देवाच्‍येनकी लेन क्‍योलुप थुतिवी मुला फेपुप पेला

यहूदा 1:14

तीकी कोर्ला आदमकी गिपा दिन्‍बा हनोककी साङ दुक सिनी नम्‍दर शेन वे, “ल्‍होसा, छासे देवाच्‍येनकी लेन क्‍योलुप थु मङ्‍मुकी मुला चोवो फेपिन वोतो।

ज्‍यल्‍का 14:1

येलुङ ङे ल्‍हासालेन्‍सिन सियोन पम्‍दोकला ती लुक रुक ति लानी देतुप थोङ्‍सुङ। तीकी मुला मी बुङ च्‍यिक ताङ तोङ्‍डा खल ङ्‍यी ताङ ज्‍यी लानी नोक। तिवी टली लोला थर्वा नङ्‍गुप लुक रुक ताङ खोकी पपी मिङ टिनी नोक।

ज्‍यल्‍का 14:20

ती ज्‍युक्‍ला देवाच्‍येनकी लेन क्‍योलुप थु तीकी ग्‍येसाकी फिला वोतुप कोल नाङ्‍ला ती गुन्‍डुमतिवा लुक्‍नी चिर्सिमा ठक तेन्‍सुङ। ती ठक ति ज्‍यिङ्‍बा सेक तिङ्‍मु ताङ किलोमिटर सयी सुम सेक टाम्‍सुङ।

ज्‍यल्‍का 17:14

तिवा लुक रुक ताङ मुला थमु ग्‍यकिवी, यिने लुक रुककी तिवी मुला थमु ग्‍यप्‍नी तिवी खला ग्‍येल्‍गिवी। च्‍यिलासिसिन खो ति चोवो खकी चोवो, ग्‍येल्‍वी खकी ग्‍येल्‍वु यिन। तमा खोकी कताङ नङ्‍गुप ताङ खोकी पेतुप खोङ्‍तेर्मु वोतुप मीतिवा खोकी मुला राङ वे।” सिनी सिक्‍यासुङ।

ज्‍यल्‍का 19:11

येलुङ देवाच्‍येन सेवु ताङ देवाच्‍येनला त कर्मु यी वोतुप ति ङे थोङ्‍सुङ। ती ते खला शेन्‍दुप तीकी मिङ ति खोङ्‍तेर्मु ताङ टेङ्‍बु सिनी सिवी। खोकी मी सुला साङ ख्‍ये मापेनी ठिम क्‍या नङ्‍गिनोक। तमा डतिवी मुला मक ग्‍यकुप पेला साङ ठिम टेङ्‍बु क्‍या नङ्‍गिनोक।

ज्‍यल्‍का 19:8

खोकी नमाकी वो ग्‍यकुप ताङ चेङ्‍गा वोतुप गोङ नावु नेङेनकी मज्‍या कोन्‍नी वे। ती मज्‍याकी तेन्‍दोक ति खोला तेपा कितुपतिवी क्‍यावु लाका ल्‍यामु यिन।” सिनी सिक्‍यासुङ।

ज्‍यल्‍का 3:4

यिने सार्डिसला वोतुप ख्‍यिरा पर्ला तेपा कितुपतिवा ललाइ ललाइ ति मज्‍याला टेमा माछ्‍यावु दोके खोप्‍राङ मिजी ति मेटेङ्‍बु माजो वे। तिवा ङे मुला राङ मज्‍या कर्मु कोन्‍नी युकिवी, च्‍यिलासिसिन तिवा तुक कि छ्‍योवु वे।

ज्‍यल्‍का 4:4

तमा ती ग्‍येल्‍ठिककी गारी गुरीला यम्‍बा ग्‍येल्‍ठिक खल्‍ज्‍यिक ताङ ज्‍यी चोके नोक। ती ग्‍येल्‍ठिक रे रेकी खला गोला ग्‍येल्‍वी सेरकी उशाक ताङ जुला मज्‍या कर्मु कोन्‍दुप गोमा कितुप मी छ्‍येतिवा देनी नोक।

ज्‍यल्‍का 7:9

ती ज्‍युक्‍ला ङे ल्‍हासालेन्‍सिन ङोनी साङ ङो मुथुपुप मी माङ्‍छ्‍योक जोम्‍नी नोक। तिवा ति तेरी लुङ्‍बा ताङ गिपा ताङ मिरिक ताङ ग्‍येताम कुतुक कुतुक लपुप मी माङ्‍छ्‍योक यिनोक। तमा तिवा ग्‍येल्‍ठिक ताङ लुक रुककी दोङ्‍ला मज्‍या कर्मु कोन्‍नी लकला खजूरकी येल्‍का खुर्नी लानी देन्‍नोक।