ज्‍यल्‍का 18:9 - कोन्छ्‌योककी सुङ

⁹ ती ग्‍येसा छिकुप तुता थोङ्‍नी तीकी मुला शम्‍डेन कितुप ताङ तिवी मुला गा ताङ किर्मु कितुप जम्‍बुलिङकी ग्‍येल्‍वुतिवा सेम्‍दुक लानी ङुप्‍राङ किवी।

ज्‍यल्‍का 18:9 Iomraidhean Croise

१ तिमोथी 5:11

यिने नाज्‍युङ वोतुप पेला राङ युक्‍सिम फोकुप पुम्‍पेजातिवाला ति युक्‍सिम यिन सिनी मिङ थो माग्‍यक। च्‍यिलासिसिन तिवा जेन्‍दी कितुप नासाम शर्नी ख्रीष्‍टकी थोक्‍ला शब्‍ज्‍यी कितुप क्‍युर ज्‍याक्‍नी जेन्‍दी कि थुप्‍किवी।

ज्‍यल्‍का 14:11

तिवाला छेटाङ बिन्‍दुप मे ताङ तुसोककी तुता ति नाम्‍साङ मोतोरी। मिरा चोकी ती सेम्‍ज्‍येन ताङ तीकी कुला ताङ्‍देन क्‍यानी तीकी मिङ वोतुप लज्‍युर टली लोला ग्‍यप वे, तिवाला ङ्‍यी ताङ नुप्‍ज्‍या नाम्‍साङ ङासोप मेङ्‍येवी।”

ज्‍यल्‍का 17:2

जम्‍बुलिङकी ग्‍येल्‍वुतिवी साङ तीकी मुला शम्‍डेन क्‍या वे। तमा जम्‍बुलिङला देतुप मीतिवा साङ तीकी मुला शम्‍डेन क्‍यानी छ्‍याङकी जिवु दोके गाल वे।” सिनी सिक्‍यासुङ।

ज्‍यल्‍का 18:18

ती ग्‍येसा ग्‍येर्पु छिक्‍नी तुता थेन्‍दुप थोङ्‍सिमा “ती ग्‍येसा ग्‍येर्पु दोके याङ यम्‍बा चुका ति वोतुप्‍जा।” सिनी वोरु देन्‍गिवी।

ज्‍यल्‍का 18:20

ओ देवाच्‍येनला वोतुपतिवा ताङ तेपा कितुपतिवा ताङ लोमा छ्‍येतिवा ताङ लुङ्‍तेम्‍बातिवा, ख्‍यिराङ गा की! च्‍यिलासिसिन तीकी ख्‍यिराङला चुक क्‍यावे, कोन्‍छ्‍योककी तीला साङ तुकै राङ क्‍यानी ठिम क्‍या नाङ्‍सुङ।” सिनी वोरु तेन्‍सुङ।

ज्‍यल्‍का 18:3

च्‍यिलासिसिन ती बेबिलोन ग्‍येसाकी मीतिवी शम्‍डेन क्‍यावु तप्‍की कोन्‍छ्‍योक नेमा ख्‍येलुप ङ्‍यिर्मुकी गुन्‍डुम छ्‍याङ ति तेरी मिरिककी मीतिवी थुसुङ। जम्‍बुलिङकी ग्‍येल्‍वुतिवी साङ ती ग्‍येसाकी मीतिवी मुला शम्‍डेन कितुप लाका मेलोक्‍पा क्‍या वे। ती ग्‍येसाकी मीतिवाला गोवु च्‍यालक ख्‍येमुतिवा छोङ क्‍यानी जम्‍बुलिङकी छोङ्मेनतिवा साङ छ्‍युक्‍पु गल वे।”

ज्‍यल्‍का 18:7

तिवी चो खुरुङ ति ‘ङ तेरी सिनाङ छ्‍ये यिन, ङला चोयी टोङ्‍बा ति सुला साङ मे’ सिनी किर्मु क्‍यावे, तोजोयी राङ तिवाला छेटाङ ताङ ङुप्‍राङला ख्‍येल च्‍यी। च्‍यिलासिसिन बेबिलोनकी सेमला ‘ङ ग्‍येल्‍ठिकला देनी ग्‍येला कितुप ग्‍येल्‍मु यिन। ङ याङ युक्‍सिमा मिन। ङे नाम्‍साङ दुङल कि मोगोवी’ सिनी सिवी।

ज्‍यल्‍का 19:3

येलुङ तिवी थोर ग्‍यप्‍नी, “हल्‍लेलूयाह! ती ग्‍येसा ग्‍येर्पु ना गलुप तुता ति नरीकी नरी येर केला डिवी।” सिनी सिक्‍यासुङ।

ज्‍यल्‍का 2:22

तुक क्‍यानी ङ तीला छासे क्‍यानी ना ज्‍यितिनो। तीकी मुला शम्‍डेन कितुपतिवी दिक्‍पा कितुप नेसुर सेम माग्‍युर्सुङ सिसिन तिवाला छासे छेटाङ ताङ दुक्‍पा ङ्‍येकितो।