ज्‍यल्‍का 18:23 - कोन्छ्‌योककी सुङ

²³ ती ग्‍येसाला नाम्‍साङ दिप्‍लीकी वोसिर मेङ्‍गितो। नमा मक्‍पा ताङ नमाकी वोरु साङ नाम्‍साङ मोथोतो। तीकी तेन्‍दोक ति ती ग्‍येसाकी छोङ्‍मेनतिवा जम्‍बुलिङकी मी छ्‍येतिवा दोके कितुप ताङ ती ग्‍येसाकी मिरिक कुतुक कुतुककी मीतिवा तेरीला मो ग्‍यप्‍नी जिनोक जोवु तप्‍की यिन।

ज्‍यल्‍का 18:23 Iomraidhean Croise

लोमा छ्‍येतिवी लाका 8:11

च्‍यिलासिसिन तोङ नेज्‍युनी ती सिमोन तीकी मीतिवाला जिम्‍डुल छ्‍या देन्‍दुप लाकातिवा क्‍यानी हलेवा लाङ्‍नोक। तुक क्‍यानी मीतिवा तीकी तिङ्‍ला तिङ्‍योकिनोक।

ज्‍यल्‍का 12:9

तुक क्‍यानी ती डुक बोम्‍बु ति देवाच्‍येन नेमा जम्‍बुलिङला तेन क्‍युर्सुङ। ती ति थल्‍माकी रुल यिनोक। तीकी मिङ ति दुक्‍टा याङ्‍ना शैतान यिन। तीकी जम्‍बुलिङकी मीतिवाला जिनोक जोनी लाका मेलोवा कि ज्‍यिकिनोक। तीला जम्‍बुलिङला क्‍युरुप पेला तीकी मक्‍मीतिवाला साङ तीकी मुला राङ क्‍युर्सुङ।

ज्‍यल्‍का 17:2

जम्‍बुलिङकी ग्‍येल्‍वुतिवी साङ तीकी मुला शम्‍डेन क्‍या वे। तमा जम्‍बुलिङला देतुप मीतिवा साङ तीकी मुला शम्‍डेन क्‍यानी छ्‍याङकी जिवु दोके गाल वे।” सिनी सिक्‍यासुङ।

ज्‍यल्‍का 17:5

तीकी टली लोला छ्‍याकला वोतुप हाक्‍मोकोवु मिङ च्‍यिक टिनी नोक। ती मिङ ति “छ्‍येमुतिवा ताङ जम्‍बुलिङकी क्‍युक्‍टो लङ्‍गुपतिवी आमा बेबिलोन ग्‍येसा ग्‍येर्पु” सिक्‍यावु यिन।

ज्‍यल्‍का 18:22

तमा डम्‍ङ्‍याङ टिलुपतिवा ताङ लु लङ्‍गुपतिवा ताङ लुमु पुतुपतिवा ताङ ग्‍येलिङ पुतुपतिवी वोरु ति ख्‍योरो नाम्‍साङ मोथोतो। छोङ कितुप च्‍यालकतिवा जोपला खामु वोतुप मीतिवा साङ ख्‍योरो ते नाम्‍साङ मोथोङ्‍दो। लाकुरकी वोरु साङ ख्‍योरो नाम्‍साङ मोथोतो।

ज्‍यल्‍का 18:3

च्‍यिलासिसिन ती बेबिलोन ग्‍येसाकी मीतिवी शम्‍डेन क्‍यावु तप्‍की कोन्‍छ्‍योक नेमा ख्‍येलुप ङ्‍यिर्मुकी गुन्‍डुम छ्‍याङ ति तेरी मिरिककी मीतिवी थुसुङ। जम्‍बुलिङकी ग्‍येल्‍वुतिवी साङ ती ग्‍येसाकी मीतिवी मुला शम्‍डेन कितुप लाका मेलोक्‍पा क्‍या वे। ती ग्‍येसाकी मीतिवाला गोवु च्‍यालक ख्‍येमुतिवा छोङ क्‍यानी जम्‍बुलिङकी छोङ्मेनतिवा साङ छ्‍युक्‍पु गल वे।”

ज्‍यल्‍का 18:9

ती ग्‍येसा छिकुप तुता थोङ्‍नी तीकी मुला शम्‍डेन कितुप ताङ तिवी मुला गा ताङ किर्मु कितुप जम्‍बुलिङकी ग्‍येल्‍वुतिवा सेम्‍दुक लानी ङुप्‍राङ किवी।

ज्‍यल्‍का 21:8

यिने च्‍ये ङ्‍यिङ दोके वोतुपतिवा ताङ तेपा मिकिवुतिवा ताङ क्‍युक्‍टो लङ्‍गुप लाका कितुपतिवा ताङ मी सेतुपतिवा ताङ शम्‍डेन कितुपतिवा ताङ मो ग्‍यकुपतिवा ताङ ल्‍हलु तेन्‍दुपतिवा ताङ जिनोक जोपतिवा तेरी मे ताङ तुसोक बरिन वोतुप ग्‍येम्‍छोला क्‍युर्कितो। दी ति शेप ङ्‍यिवा यिन।”

ज्‍यल्‍का 22:15

यिने ग्‍येसाकी फिला ति की दोके मेलोवा ताङ जिम्‍डुल छ्‍या देन्‍दुपतिवा ताङ शम्‍डेन कितुपतिवा ताङ शेन्‍बातिवा ताङ ल्‍हलु तेन्‍दुपतिवा ताङ जिनोक जोप ताङ जिनोकला गा कितुपतिवा तिराङ युकिवी।

ज्‍यल्‍का 22:5

ते नाम्‍साङ नाम मोल्‍होनोक। तिवाला दिप्‍ली ताङ ङ्‍यिमी वो साङ मोगोनोक। च्‍यिलासिसिन चोवो कोन्‍छ्‍योक ति तिवी थोक्‍ला वोसिर यिनोक। ते तिवी नरीकी नरी ग्‍येला किनोक।

ज्‍यल्‍का 6:15

ती ज्‍युक्‍ला जम्‍बुलिङकी ग्‍येल्‍वुतिवा ताङ लुङ्‍बाला ग्‍येला कितुपतिवा ताङ मक्‍मी छ्‍येतिवा ताङ मी छ्‍युक्‍पुतिवा ताङ मी छ्‍येतिवा ताङ योक्‍पुतिवा ताङ रङ्‍ज्‍येन वोपुप मीतिवा तेरी फुक ताङ टककी अर्शा उर्शाला यिप्‍सुङ।

ज्‍यल्‍का 9:21

तोजो तिराङ मिन, तिवी खोप्‍रे क्‍यावु मी सेतुप ताङ जिम्‍डुल छ्‍या देन्‍दुप ताङ शम्‍डेन कितुप ताङ कुन कितुप नेसुर सेम माग्‍युर्नोक।