ज्‍यल्‍का 18:21 - कोन्छ्‌योककी सुङ

²¹ ती ज्‍युक्‍ला ङार छ्‍येवु देवाच्‍येनकी लेन क्‍योलुप थु मिरा च्‍यिककी लाकुर ग्‍येर्पु दोके दो च्‍यिक तेक्‍नी ग्‍येम्‍छो नाङ्‍ला क्‍युरिन सिरा, “दुक राङ क्‍यानी ग्‍येसा ग्‍येर्पु बेबिलोन साङ ङार क्‍यानी क्‍युर्कितो। तमा ती ति येलुङ नाम्‍साङ मोथोङ्‍दो।

ज्‍यल्‍का 18:21 Iomraidhean Croise

ज्‍यल्‍का 10:1

येलुङ यम्‍बा ङार छ्‍येवु देवाच्‍येनकी लेन क्‍योलुप थु च्‍यिक देवाच्‍येन नेमा पाम वुङ्‍यिन कितुप ति ङे थोङ्‍सुङ। तीकी जु ति मुक्‍पी कोरुप ताङ गोला ति ज्‍य सुकुप दोके नोक। तीकी ङुतुङ ति ङ्‍यिमा दोके नोक, काङ्‍बातिवा ति कज्‍यु दोके मे मेलाप नोक।

ज्‍यल्‍का 12:8

यिने ती डुक ताङ तीकी मक्‍मीतिवा तेरी फम्‍नी तिवा देवाच्‍येनला देतुप दासा साङ माङ्‍ये।

ज्‍यल्‍का 16:20

तमा ग्‍येम्‍छो पर्ला वोतुप ग्‍येम्‍छो परकी स कम्‍बु दासा साङ तोर्नी गाल्‍सुङ, टकतिवा साङ तानी गाल।

ज्‍यल्‍का 18:10

ती ग्‍येसाला छेटाङ बिन्‍दुप थोङ्‍सिमा तिवा ज्‍यिवा लानी थाक्‍रिङ्‍बुला देनी “ओए! ओए! च्‍यिला ङार छ्‍येवु ग्‍येसा ग्‍येर्पु बेबिलोनला उकुर च्‍यिकला पर्च्या ख्‍येलुप यिनाङ।” सिनी ङ्‍येन्‍बी सोक तोङ्‍गिवी।

ज्‍यल्‍का 18:22

तमा डम्‍ङ्‍याङ टिलुपतिवा ताङ लु लङ्‍गुपतिवा ताङ लुमु पुतुपतिवा ताङ ग्‍येलिङ पुतुपतिवी वोरु ति ख्‍योरो नाम्‍साङ मोथोतो। छोङ कितुप च्‍यालकतिवा जोपला खामु वोतुप मीतिवा साङ ख्‍योरो ते नाम्‍साङ मोथोङ्‍दो। लाकुरकी वोरु साङ ख्‍योरो नाम्‍साङ मोथोतो।

ज्‍यल्‍का 20:11

येलुङ ग्‍येल्‍ठिक कर्मु ग्‍येर्पु यी ताङ तीकी खला ज्‍युवु तीला ङे थोङ्‍सुङ। तमा खोकी दोङ नेमा स ताङ नाम ति तोर्नी गल्‍नी चेयी साङ लुनी वोतुप ति माथोङ।

ज्‍यल्‍का 5:2

तमा ङे देवाच्‍येनकी लेन क्‍योलुप थु रम्‍बु मिरा च्‍यिक थोङ्‍सुङ। तीकी कशेन वोरु थोर ग्‍यप्‍नी “दी लज्‍युरतिवा तोल्‍नी शुकी बिटप डोल थुपुप ति सु वे?” सिनी सिक्‍यासुङ।