ज्‍यल्‍का 18:15 - कोन्छ्‌योककी सुङ

¹⁵ ती ग्‍येसाला छोङ क्‍यानी छ्‍युक्‍पु गलुप मीतिवा ती ग्‍येसाला छेटाङ ख्‍येलुप थोङ्‍सिमा ज्‍यिवा लानी थाक्‍रिङ्‍बु गल्‍नी ङुप्‍राङ कियी दुक सिनी ङ्‍येन्‍बी सोक तोङ्‍गिवी,

ज्‍यल्‍का 18:15 Iomraidhean Croise

मर्कूस 11:17

ती ज्‍युक्‍ला खोकी मीतिवाला येन्‍देन लोपिन सिरा दुक सुङ्‍सुङ, “कोन्‍छ्‍योककी सुङगी नाङ्‍ला दुक सिनी टि वे, ‘ङे खाङ्‍बा ति तेरी मीतिवी थोक्‍ला मोपोर कितुप खाङ्‍बा यिन सिनी सिवी।’ यिने ख्‍यिरा याङ तीला ‘च्‍याक्‍पातिवा देतुप फुक’ जोसुङ।”

लोमा छ्‍येतिवी लाका 16:19

ती मो ल्‍हाप पुम्‍पेजा नेमा डे थेन गलुप हाक्‍कोसिमा लावामकी ज्‍यिन्‍दाकतिवी खोप्‍राङला टङ्‍गा शम्‍नी खुन वुङ्‍गुप रेवा मेतुप थोङ्‍नी पावल ताङ सिलासला जिम्‍नी हाला टिनी ठिम तोङ्‍गुपतिवी चाला क्‍याल्‍सुङ।

ज्‍यल्‍का 18:12

तिवी छोङकी च्‍यालकतिवा ति सेर ताङ ङुल ताङ गोङ नावु यु ताङ च्‍युरुक, तमा गोङ नावु नेङेनकी रातिवा ताङ रा मुक्‍पुतिवा ताङ बुरा ताङ रा मर्वुतिवा, तमा तेरी नम्‍बा कुतुक कुतुककी टी जङ्‍बु वोतुप शिङतिवा ताङ लङ्‍बी छ्‍येलकतिवा ताङ गोङ नावु शिङ ताङ काँसा ताङ च्‍या ताङ येम्‍ज्‍ये,

ज्‍यल्‍का 18:13

तमा दालचिनी ताङ मसला ताङ पोराङ ताङ टी जङ्‍बु खाप पो ताङ टेमा जङ्‍बु खाप मेन, रा गुन्‍डुम छ्‍याङ ताङ नुम ताङ फे ताङ ट, तमा छ्‍युङ्‍मातिवा ताङ लुकतिवा ताङ ततिवा ताङ तखुरतिवा, तमा योक्‍पुतिवा ताङ मक ग्‍यप्‍नी जिम टि वावु मीतिवा यिन।

ज्‍यल्‍का 18:14

तमा ती छोङ्‍मेनतिवा दुक सिवी, “ओ बेबिलोन ग्‍येसा, ख्‍योरो सेमला गलुप तेरी शिङ्‍तोकतिवा तोर्सुङ। ख्‍योरो टोङ्‍बा ताङ ख्‍योरो मोवातिवा तेरी तोर्सुङ। त याङ ख्‍युरुङला ती च्‍यालकतिवा नाम्‍साङ मेङ्‍येवी।”

ज्‍यल्‍का 18:19

तिवा सेम्‍दुक कियी सिरा दाक दाक्‍पी गोला थला लुक्‍नी ङुप्‍राङ कियी सिरा, “ओ ग्‍येसा ग्‍येर्पु, दी ग्‍येसाकी नोर टोङ्‍बा नेसुर ग्‍येम्‍छोला टु तोङ्‍गुप मीतिवा तेरी छ्‍युक्‍पु गाल वे। यिने ती ति उकुर च्‍यिकला ना गाल्‍सुङ।

ज्‍यल्‍का 18:3

च्‍यिलासिसिन ती बेबिलोन ग्‍येसाकी मीतिवी शम्‍डेन क्‍यावु तप्‍की कोन्‍छ्‍योक नेमा ख्‍येलुप ङ्‍यिर्मुकी गुन्‍डुम छ्‍याङ ति तेरी मिरिककी मीतिवी थुसुङ। जम्‍बुलिङकी ग्‍येल्‍वुतिवी साङ ती ग्‍येसाकी मीतिवी मुला शम्‍डेन कितुप लाका मेलोक्‍पा क्‍या वे। ती ग्‍येसाकी मीतिवाला गोवु च्‍यालक ख्‍येमुतिवा छोङ क्‍यानी जम्‍बुलिङकी छोङ्मेनतिवा साङ छ्‍युक्‍पु गल वे।”