ज्‍यल्‍का 18:11 - कोन्छ्‌योककी सुङ

¹¹ तमा जम्‍बुलिङकी छोङ्‍मेनतिवा साङ ती ग्‍येसाकी थोक्‍ला सेम्‍दुक क्‍यानी ङुप्‍राङ किवी। च्‍यिलासिसिन तिवी छोङकी च्‍यालकतिवा सी साङ मोङ्‍योवी।

ज्‍यल्‍का 18:11 Iomraidhean Croise

मत्ती 22:5

यिने केच्‍या क्‍यावु मीतिवी ती ताम्‍ङेला ङ्‍याम माक्‍यानी दाक दाक्‍पी लाकाला गाल्‍सुङ। च्‍यिक ति खोरो शिङ खला गाल्‍सुङ, च्‍यिक ति खोरो छोङ कितुपला गाल्‍सुङ।

यूहन्‍ना 2:16

खोकी गम्‍देर चोङ्‍गुपतिवाला “देसुर दिवा टाक्‍टुक खुर्नी ग्‍युक। तफेन्‍ला ख्‍यिरा ङे पपी खाङ्‍बाला छोङ कितुप हाट माजोवा।” सिनी सुङ्‍सुङ।

२ पत्रुस 2:3

तिवा देर्पाला ख्‍येल्‍नी ख्‍यिराङला ताम्‍ङे जिनोक जोनी ख्‍यिरा नेसुर ख्‍येप्‍साङ लङ्‍गितो, यिने तिवी खुर गोवु छ्‍येर्पाकी कोर्ला गोमाला के तेन्‍तेन क्‍या वे। तुक क्‍यानी तिवा वुतुङ के ना डिवी।

ज्‍यल्‍का 18:15

ती ग्‍येसाला छोङ क्‍यानी छ्‍युक्‍पु गलुप मीतिवा ती ग्‍येसाला छेटाङ ख्‍येलुप थोङ्‍सिमा ज्‍यिवा लानी थाक्‍रिङ्‍बु गल्‍नी ङुप्‍राङ कियी दुक सिनी ङ्‍येन्‍बी सोक तोङ्‍गिवी,

ज्‍यल्‍का 18:20

ओ देवाच्‍येनला वोतुपतिवा ताङ तेपा कितुपतिवा ताङ लोमा छ्‍येतिवा ताङ लुङ्‍तेम्‍बातिवा, ख्‍यिराङ गा की! च्‍यिलासिसिन तीकी ख्‍यिराङला चुक क्‍यावे, कोन्‍छ्‍योककी तीला साङ तुकै राङ क्‍यानी ठिम क्‍या नाङ्‍सुङ।” सिनी वोरु तेन्‍सुङ।

ज्‍यल्‍का 18:23

ती ग्‍येसाला नाम्‍साङ दिप्‍लीकी वोसिर मेङ्‍गितो। नमा मक्‍पा ताङ नमाकी वोरु साङ नाम्‍साङ मोथोतो। तीकी तेन्‍दोक ति ती ग्‍येसाकी छोङ्‍मेनतिवा जम्‍बुलिङकी मी छ्‍येतिवा दोके कितुप ताङ ती ग्‍येसाकी मिरिक कुतुक कुतुककी मीतिवा तेरीला मो ग्‍यप्‍नी जिनोक जोवु तप्‍की यिन।

ज्‍यल्‍का 18:3

च्‍यिलासिसिन ती बेबिलोन ग्‍येसाकी मीतिवी शम्‍डेन क्‍यावु तप्‍की कोन्‍छ्‍योक नेमा ख्‍येलुप ङ्‍यिर्मुकी गुन्‍डुम छ्‍याङ ति तेरी मिरिककी मीतिवी थुसुङ। जम्‍बुलिङकी ग्‍येल्‍वुतिवी साङ ती ग्‍येसाकी मीतिवी मुला शम्‍डेन कितुप लाका मेलोक्‍पा क्‍या वे। ती ग्‍येसाकी मीतिवाला गोवु च्‍यालक ख्‍येमुतिवा छोङ क्‍यानी जम्‍बुलिङकी छोङ्मेनतिवा साङ छ्‍युक्‍पु गल वे।”

ज्‍यल्‍का 18:9

ती ग्‍येसा छिकुप तुता थोङ्‍नी तीकी मुला शम्‍डेन कितुप ताङ तिवी मुला गा ताङ किर्मु कितुप जम्‍बुलिङकी ग्‍येल्‍वुतिवा सेम्‍दुक लानी ङुप्‍राङ किवी।