ज्‍यल्‍का 17:5 - कोन्छ्‌योककी सुङ

⁵ तीकी टली लोला छ्‍याकला वोतुप हाक्‍मोकोवु मिङ च्‍यिक टिनी नोक। ती मिङ ति “छ्‍येमुतिवा ताङ जम्‍बुलिङकी क्‍युक्‍टो लङ्‍गुपतिवी आमा बेबिलोन ग्‍येसा ग्‍येर्पु” सिक्‍यावु यिन।

ज्‍यल्‍का 17:5 Iomraidhean Croise

फिलिप्पी 3:19

तिवा डोप लाम ति ङ्‍येलाला ना डोप यिन। च्‍यिलासिसिन तिवा कोन्‍छ्‍योकला मिन, साप ताङ थुङ्‍गुपकी थोक्‍ला तिराङ सेम नोजु किवी। तिवी खोप्‍रे क्‍यावु लाकातिवाला छासे ल्‍यामु यिन सिनी सिवी, यिने तिवी क्‍यावु लाका ति ङोछा लोङ्‍गुप लाका यिन। तिवी जम्‍बुलिङकी च्‍यालकतिवाला तिराङ नासाम तोङ्‍गिवी।

२ थेसलोनिकी 2:7

ती छ्‍याकला वोतुप दुक्‍टाकी ओङकी मीतिवाला कोन्‍छ्‍योककी सुङ ङ्‍येन मिज्‍यिवु लाका कियी राङ वे। यिने कोन्‍छ्‍योककी पिताङ तोङ सिनी मासुङा सेक ती दुक्‍टाला क्‍येक्‍नी ज्‍योकुप मी तीकी ती दुक्‍टा तीला क्‍येक्‍नी राङ ज्‍योकिवी।

ज्‍यल्‍का 1:20

दी ङे लाक्‍पा यावाला थोङ्‍गुप कर्मा दिनकी तेन्‍दोक ताङ ती शाप च्‍यिक राङ वोतुप सेरकी मेलाङ दिनकी छ्‍याकला वोतुप तेन्‍दोक ति ङ ख्‍युरुङला सिरिन, कर्मा दिन ति चर्च दिनकी थोक्‍ला लेन क्‍योलुप देवाच्‍येनकी थुतिवा यिन। तमा मेलाङ दिन ति चर्च दिनतिवा यिन।”

ज्‍यल्‍का 11:8

तमा तिवी रोतिवा ति ग्‍येसा ग्‍येर्पुकी लाम नेवा क्‍युर्किवी। ती ग्‍येसाकी मिङ ति सदोम याङ्‍ना मिश्र साङ सिनी ज्‍याङ वे। ते तिवी चोवोला साङ ग्‍यङ्‍शिङला कल्‍नी सेतुप यिन।

ज्‍यल्‍का 14:8

ती ज्‍युक्‍ला येलुङ देवाच्‍येनकी लेन क्‍योलुप थु ङ्‍यिवा ति गोमी लेन क्‍योलुप थु तीकी तिङ्‍ला लेसुङ। तमा तीकी “ना गाल्‍सुङ! ग्‍येसा ग्‍येर्पु बेबिलोन ति ना गाल्‍सुङ! तीकी मिरिक मिरिककी मीतिवा तेरीला गुन्‍डुम छ्‍याङ थुङ च्‍यिसुङ। ती गुन्‍डुम छ्‍याङ ति ती ग्‍येसाकी शम्‍डेन क्‍यावु तप्‍की वुङ्‍गुप कोन्‍छ्‍योककी ङ्‍यिर्मु यिन।” सिनी सिक्‍यासुङ।

ज्‍यल्‍का 16:19

तीकी जोसालेन्‍सिन ते वोतुप चोछ्‍येर्मु ग्‍येसा बेबिलोन ति फेका सुम गाल्‍सुङ। तमा लुङ्‍बा लुङ्‍बाकी ग्‍येसातिवा साङ तेरी रम्‍नी ना गाल्‍सुङ। ती ति कोन्‍छ्‍योककी बेबिलोनकी दिक्‍पा क्‍यावु नासाम शार्नी खोकी ङ्‍यिर्मु लावु पर्च्या ति ती ग्‍येसाला ख्‍येल च्‍यितुप यिन।

ज्‍यल्‍का 17:1

ती कोरा दिन खुरुप देवाच्‍येनकी लेन क्‍योलुप थुतिवी पर्ला मिरा च्‍यिक ति ङे चाला वानी “दे शोक, ङ ख्‍युरुङला छासे छ्‍येमु कितुप पुम्‍पेजा तीला कशेन पर्च्या बिन्‍दुप ति छ्‍या देनिन। ती ति छ्‍यु बङीकी खला देनोक।

ज्‍यल्‍का 17:2

जम्‍बुलिङकी ग्‍येल्‍वुतिवी साङ तीकी मुला शम्‍डेन क्‍या वे। तमा जम्‍बुलिङला देतुप मीतिवा साङ तीकी मुला शम्‍डेन क्‍यानी छ्‍याङकी जिवु दोके गाल वे।” सिनी सिक्‍यासुङ।

ज्‍यल्‍का 17:7

तमा ती देवाच्‍येनकी लेन क्‍योलुप थु तीकी ङला सिक्‍यासुङ, “ख्‍युरुङ च्‍यिला हलेवा किवी? ती पुम्‍पेजाकी तेन्‍दोक ताङ तीकी शेन्‍दुप गो दिन ताङ अर्क्योक च्‍यिथम्‍बा वोतुप सेम्‍ज्‍येनकी तेन्‍दोक ति ङ ख्‍युरुङला शेतिन।

ज्‍यल्‍का 18:2

तमा तीकी कशेन थोर ग्‍यप्‍नी दुक सिनी वोरु तेन्‍सुङ, “ती ग्‍येसा ग्‍येर्पु बेबिलोन ति ना गाल्‍सुङ! ती ग्‍येसा ग्‍येर्पु बेबिलोन ति ना गाल्‍सुङ! त याङ ती ग्‍येसाला र्‍हेन्‍डी ताङ थु मेचेङ्‍गा ताङ चाङ्मा मेतुप च्‍यच्‍युमतिवा ताङ चाङ्मा मेतुप ताङ क्‍युक्‍टो लङ्‍गुप सेम्‍ज्‍येन देतुप दासा च्‍युङ वे।

ज्‍यल्‍का 18:21

ती ज्‍युक्‍ला ङार छ्‍येवु देवाच्‍येनकी लेन क्‍योलुप थु मिरा च्‍यिककी लाकुर ग्‍येर्पु दोके दो च्‍यिक तेक्‍नी ग्‍येम्‍छो नाङ्‍ला क्‍युरिन सिरा, “दुक राङ क्‍यानी ग्‍येसा ग्‍येर्पु बेबिलोन साङ ङार क्‍यानी क्‍युर्कितो। तमा ती ति येलुङ नाम्‍साङ मोथोङ्‍दो।

ज्‍यल्‍का 19:2

खोकी मी सुला साङ ख्‍ये मापेनी ठिम टेङ्‍बु क्‍या नङ्‍गिवी। तमा तेरी जम्‍बुलिङकी मीतिवाला खोरो मुला शम्‍डेन कि च्‍यिनी ना तोङ्‍गुप छासे छ्‍येमु तीला खोकी पर्च्या नाङ वे। तीकी खोला शब्‍ज्‍यी कितुपतिवाला सेनी ठक तेन्‍दुप थोक्‍ला खोकी तीला ङ्‍येन लासुङ।”

ज्‍यल्‍का 7:3

“कोन्‍छ्‍योककी थोक्‍ला शब्‍ज्‍यी कितुपतिवी टलाला दाक्‍पी लज्‍युर माग्‍यपा सेक्‍ला जम्‍बुलिङ ताङ ग्‍येम्‍छो ताङ दोङ्‍बुतिवाला काङ साङ ना मातोङा!” सिनी सिक्‍यासुङ।