ज्‍यल्‍का 17:3 - कोन्छ्‌योककी सुङ

³ तमा देवाच्‍येनकी लेन क्‍योलुप थु तीकी ङला कोन्‍छ्‍योककी थु चाङ्‍माकी ओङला दासा पाङ्‍थेरीला टिसुङ। ते गो दिन ताङ अर्क्योक च्‍यिथम्‍बा वोतुप सेम्‍ज्‍येन मर्वु यीकी खला शेन्‍दुप पुम्‍पेजा यी नोक। ती सेम्‍ज्‍येनकी जुला ति कोन्‍छ्‍योकला मारे तोङ्‍गुप मिङ बङी टिनी नोक।

ज्‍यल्‍का 17:3 Iomraidhean Croise

मत्ती 27:28

तमा तिवी येशूकी नम्‍सा ति पिनी खोला छ्‍योवा मुक्‍पु यी कोन बिन्‍नी

लोमा छ्‍येतिवी लाका 8:39

तमा तिवा ङ्‍यिकर छ्‍यी नाङ ने थेन्‍लुङ्‍मे कोन्‍छ्‍योककी थु चाङ्‍माकी फिलिपला शार्क्येक टिनी फेप्‍सुङ। ती ज्‍युक्‍ला ती मी तीकी फिलिपला माथोङ, यिन्‍सिनाङ गा कियी सिरा खोरो लाम शुसुङ।

२ थेसलोनिकी 2:4

ती ना तोङ्‍गुप दुक्‍टाकी गिपा तीकी मीतिवी सोवा देकुपला जोवु तेरी च्‍यालकतिवाला तेन्‍दुप ताङ कोन्‍छ्‍योक दोके जोनी खो ज्‍यु वोतुप दासा चाङ्‍माला देनी खुरुङ राङ कोन्‍छ्‍योक यिन सिनी खोकी तेन्‍दोकला लङ्‍गिवी।

ज्‍यल्‍का 1:10

ते चोवोकी ङ्‍यिमाला कोन्‍छ्‍योककी थु चाङ्‍मा ङला फेप्‍नी ङ खोकी ओङला वोतुप पेला कशेन क्‍यानी ग्‍येलिङ पुवु दोके वोरु ग्‍येर्पु ग्‍यप्‍सुङ। तमा ङे तिङ्‍ला दुक सिरुप वोरु यी थोसुङ।

ज्‍यल्‍का 12:14

यिने कोन्‍छ्‍योककी ती पुम्‍पेजा तीला डुककी चिप नेसुर दासा पाङ्‍थेरीला फुर्नी डोपला ठ ग्‍येर्पुकी नप्‍शोक ङ्‍यी बिन्‍सुङ। तमा तीला ते लो सुम ताङ फेका सेक ती डुक नेसुर र्‍होक्‍नी सोपला टडिक क्‍या ज्‍याक्‍सुङ।

ज्‍यल्‍का 12:3

येलुङ ङे देवाच्‍येनला यम्‍बा त च्‍यिक साङ थोङ्‍सुङ। ती ति गो दिन ताङ अर्क्योक च्‍यिथम्‍बा वोतुप डुक मर्वु बोम्‍बु यी नोक। तीकी गो रे रेला ग्‍येल्‍वी उशाक रे रे कोन्‍नी नोक।

ज्‍यल्‍का 12:6

तमा ती ज्‍युक्‍ला ती पुम्‍पेजा ति दासा पाङ्‍थेरी नेवा टोनी गाल्‍सुङ। ते तीला कोन्‍छ्‍योककी ङ्‍यिमा तोङ्‍डा च्‍यिक ताङ सयी ङ्‍यी ताङ खल टुक सेक सोपला दासा टडिक क्‍यानी ज्‍याक्‍नोक।

ज्‍यल्‍का 17:18

तमा ख्‍योरो थोङ्‍गुप ती पुम्‍पेजा ति जम्‍बुलिङकी ग्‍येल्‍वुतिवा तेरीकी खला ओङ्‍ज्‍येन कितुप ग्‍येसा ग्‍येर्पु यिन।”

ज्‍यल्‍का 17:4

ती पुम्‍पेजा तीकी मुक्‍पु ताङ छासे मर्वु वोतुप मज्‍या कोन्‍नी सेर ताङ गोङ नावु यु ताङ मोतीतिवा तानी नोक। तीकी लकला सेरकी कोरा च्‍यिक खुर्नी नोक। ती कोरी नाङ्‍ला क्‍युक्‍टो लङ्‍गुप च्‍यालक ताङ शम्‍डेन क्‍यावु मेचेङ्‍गातिवी क्‍येङ्‍नी नोक।

ज्‍यल्‍का 18:12

तिवी छोङकी च्‍यालकतिवा ति सेर ताङ ङुल ताङ गोङ नावु यु ताङ च्‍युरुक, तमा गोङ नावु नेङेनकी रातिवा ताङ रा मुक्‍पुतिवा ताङ बुरा ताङ रा मर्वुतिवा, तमा तेरी नम्‍बा कुतुक कुतुककी टी जङ्‍बु वोतुप शिङतिवा ताङ लङ्‍बी छ्‍येलकतिवा ताङ गोङ नावु शिङ ताङ काँसा ताङ च्‍या ताङ येम्‍ज्‍ये,

ज्‍यल्‍का 18:16

“ओए ओए ग्‍येसा ग्‍येर्पु बेबिलोन, ख्‍युरुङ गोङ नावु नेङेनकी रा ताङ रा मुक्‍पु ताङ रा मर्वुकी मज्‍यातिवा कोन्‍नी सेर ताङ गोङ नावु यु ताङ च्‍युरुक तासुङ।

ज्‍यल्‍का 21:10

तमा तीकी ङला कोन्‍छ्‍योककी थु चाङ्‍माकी ओङला छासे री थेन्‍बुकी गोला टिनी कोन्‍छ्‍योक ज्‍यु वोतुप देवाच्‍येन नेमा चाङ्‍मा वोतुप ग्‍येसा यरूशलेम ति मर पपिन कितुप छ्‍या तेन्‍सुङ।

ज्‍यल्‍का 4:2

तमा कोन्‍छ्‍योककी थु चाङ्‍माकी ङला क्‍येङ्‍नी ङे देवाच्‍येनला ग्‍येल्‍ठिक यी वोतुप थोङ्‍सुङ। ती ग्‍येल्‍ठिककी खला मिरा च्‍यिक ज्‍युनोक।